Аӡынтәи аԥсшьарамшқәа раан Аԥсны 15000-ҩык атуристцәа аҭааит

15
(ирҿыцуп 10:37 16.01.2020)
Аԥсны Акурортқәеи атуризми рзы аҳәынҭеилакы адыррақәа рыла атуристцәа еиҳа ирацәан: Аҟәа, Гагра, Афон ҿыц.

АҞӘА, ажьырныҳәа 16 – Sputnik, Асмаҭ Ҵәыџьԥҳа. Ԥхынҷкәын 28 инаркны ажьырныҳәа 15 рҟынӡа Аԥсны 15000-ҩык атуристцәа аҭааит ҳәа радио Sputnik иазеиҭеиҳәеит Аԥсны Акурортқәеи атуризми рзы аҳәынҭеилакы ахантәаҩы ихаҭыԥуаҩ Асҭамыр Барцыц.

Иара иажәақәа рыла, арахь иаҵанакуеит мышкы ҳәа ареспублика иаҭаазгьы Аԥсны аԥсшьарҭа ҩнқәеи асасааирҭақәеи рҿы инхозгьы.

Традициа ҳасабла аԥсшьаҩцәа реиҳараҩык Риҵатәи амилаҭтә парк иаҭааит. Иҟоу адыррақәа рыла, уа иҟан 10000-ҩык атуристцәа. Ирацәаҩын иара убасгьы Аботаникатә баҳча, Амаамынқәа рпитомник, Каман иаҭааз.

Аԥсны Акурортқәеи атуризми рзы аҳәынҭеилакы адыррақәа рыла, атуристцәа еиҳа ирацәан: Аҟәа, Гагра, Афон ҿыц.

"Аиуристцәа арахь иадрыԥхьалоит аԥсабара аԥшӡареи аҳауатә ҭагылазаашьеи. Аӡынраз шамахамзар иԥхарроуп. Уи иалнаршоит аекскурсиатә программақәа рымҩаԥгара", -иҳәоит Барцыц.

Иара ишиҳәаз ала, аполитикатә еилаҩеиласра аекскурсиақәа рхыԥхьаӡареи асасааирҭақәа рҿы аҭыԥқәа заанаҵтәи рҿаҵареи ирԥырхагамхеит.

Иара убас шәаԥхьар ҟалоит:

15