Адәныҟатәи аусқәа рминистрраҟны Урыстәыла ацҳаражәҳәарҭа абжьгаҩ ҿыц дыддырдырит

13
Ажьырныҳәа 15 рзы Аԥсны Адәныҟатәи аусқәа рминистрраҿы имҩаԥысит Аԥсны иҟоу Урыстәыла ацҳаражәҳәаҩ Алексеи Двинианини Аԥсны Адәныҟатәи аусқәа рминистр Даур Ақаҩбеи реиԥылара.

АҞӘА, ажьырныҳәа 16 – Sputnik. Ажьырныҳәа 15 рзы Аԥсны иҟоу Урыстәыла ацҳаражәҳәаҩ Алексеи Двинианин Аԥсны Адәныҟатәи аусқәа рминистр диирдырит Аԥсны иҟоу Урыстәыла Ацҳаражәҳәарҭа абжьгаҩ ҿыц Максим Литвинов. Абри атәы аанацҳауеит аминистрра аофициалтә саит.

Даур Ақаҩба уи аԥсшәа иаҳәо иазгәеиҭеит Аԥсны Адәныҟатәи аусқәа рминистрреи Аԥсны иҟоу Урыстәыла Ацҳаражәҳәарҭеи аиҩызаратә еизыҟазаашьа бзиақәа шрымоу.

"Максим Вадим-иԥеи сареи ҳаибадыруеижьҭеи акырҵуеит, раԥхьа иргыланы Женеватәи аиҿцәажәарақәа рыла. Уи иаҳнаҭоит алшара ԥхьаҟагьы ҳусеицура хра аманы ишыҟало", - иҳәеит аминистр.

Аԥсны иҟоу Урыстәыла ацҳаражәҳәаҩ Алексеи Двинианин Аԥсны Адәныҟатәи аусқәа рминистрра анапхгара иҭабуп ҳәа реиҳәеит Ацҳаражәҳәарҭа ибзианы иахьазыҟоу азы.

Двинианин иазгәеиҭеит атәылаҿы иҟоу аҭагылазаашьа агәҭынчымра шинаҭо, аха убри аан уи атәыла аҩнуҵҟатәи аус акәны дшахәаԥшуа.

"Ареспубликаҿы аҭынчреи ашәарҭадареи реиқәырхара хра аманы ҳахәаԥшуеит, Урыстәыла аганахьала иарбанзаалак ацхыраара ҳақәшаҳаҭуп. Ҳадәныҟаполитикатә усеицура ԥхьаҟагьы аҿиара шамоу азы агәрагара ыҟоуп", - иҳәеит иара.

Алексеи Двинианин Аԥсны иҟоу Урыстәыла ацҳаражәҳәаҩыс иҟаҵаразы Урыстәыла ахада Владимир Путин аусԥҟа инапы аҵеиҩит 2018 шықәса хәажәкыра 30 рзы.

Иара убас шәаԥхьар ҟалоит:

13