Урыстәылатәи афицарцәеи акомандирцәеи аҽазыҟаҵарақәа ирхысит

Урыстәылатәи афицарцәеи акомандирцәеи аҽазыҟаҵарақәа ирхысит

11
(ирҿыцуп 14:35 16.01.2020)
Аԥсны иҟоу Урыстәыла Аладатәи арратә округ афицарцәеи акомандирцәеи аҽазыҟаҵарақәа ирхысит, урҭ рыбжьара иҟан атактикатәи, абаҩрҵәыратәи, иҷыдоуи адҵақәа.

АҞӘА, ажьырныҳәа 16 - Sputnik. Аԥсны иҟоу Урыстәыла аладатәи арратә округ афицарцәеи акомандирцәеи аҵара-методикатә еизарақәа мҩаԥыргеит аполигонқәа Гәдоуҭеи Ҵабали рҟны. Абри атәы аанацҳауеит Аԥсны иҟоу Урыстәыла аладатәи арратә округ апресс-маҵзура.

"Ауснагӡатә аан афицарцәа рдыррақәа аадырԥшит иҿыцу аметодикақәа рганахьала. Ҷыдала аррамаҵзурауаа адгьылаҵатә коммуникациақәа рықәхреи "аӷа" иобиектқәа амина рыҵаҵареи рзы адыррақәа роуит", - ҳәа аҳәоит апресс-маҵзура аацҳамҭаҿы.

Уи адагьы, акомандирцәа акәылӡтәы техника арныҟәарази акәылӡы зқәу атранспортиорқәа БТР-82АМ, атанкқәа Т72Б3, Макаров итапанчеи автоматқәа АК-74 рыла ахысрази анормативқәа нарыгӡеит.

Иааидкыланы ауснагӡатә иалахәын 100-ҩык аррамаҵзурауаа, 40 ак арратә техника.

Апресс-маҵзура адырра ҟанаҵеит Аԥсны иҟоу Урыстәыла аладатәи арратә округ 2000-ҩык рҟынӡа аррамаҵзурауаа 2019 шықәса рзы акомплекстә ҽазыҟаҵарақәа ишырхысыз.

Иара убас шәаԥхьар ҟалоит:

11