"Ихьшәоу ҭагалан": ԥшьҩык асахьаҭыхыҩцәа рцәыргақәҵа аатит Аҟәа

33
(ирҿыцуп 17:36 16.01.2020)
Ацәыргақәҵа "Ихьшәоу ҭагалан" аҿы аԥсуа сахьаҭыхыҩцәа ԥшьҩык - Диана Хынҭәԥҳа, Аԥшьа Ҳагԥҳа, Саид Возба, Баҭал Џьапуа - ицәырыргеит еицымҩаԥыргоз апленерқәа рҟны иҭырхыз 70 усумҭа.

АҞӘА, ажьырныҳәа 16 – Sputnik, Сариа Кәарцхьиаԥҳа. Аԥшьаша, ажьырныҳәа 16 рзы Асахьаҭыхыҩцәа реидгыла Ацәыргақәҵатә зал аҟны иаатит "Ихьшәоу ҭагалан" захьӡу ацәыргақәҵа.

Уи аҭааҩцәа ирбар рылшоит асахьаҭыхыҩцәа Диана Хынҭәԥҳа, Аԥшьа Ҳагԥҳа, Саид Возба, Баҭал Џьапуа русумҭақәа 70 инарзынаԥшуа. Арҭ аусумҭақәа ҭыхын апленерқәа анеицымҩаԥыргоз. Еиҳарак дара Аҟәа, Ешыра, Афон ҿыц акәын аус ахьыруаз.

  • Аҟәа иаатит "Ихьшәоу ҭагалан" захьӡу Диана Хынҭәԥҳа, Аԥшьа Ҳагԥҳа, Саид Возба, Баҭал Џьапуа рсахьақәа рцәыргақәҵа
    © Sputnik / Томас Тхайцук
  • Урҭ ицәырыргеит 70 инарзынаԥшуа усумҭа
    © Sputnik / Томас Тхайцук
  • Асахьаҭыхыҩцәа арҭ аусумҭақәа аԥырҵон еицымҩаԥыргоз апленерқәа раан
    © Sputnik / Томас Тхайцук
  • Апленер аан аусумҭа ҩсааҭк иҭагӡаны иҭырхроуп
    © Sputnik / Томас Тхайцук
  • Асахьаҭыхыҩцәа иазгәарҭоит апленерқәа реицымҩаԥгараан аԥышәа шеимырдо, ишеицхыраауа
    © Sputnik / Томас Тхайцук
1 / 5
© Sputnik / Томас Тхайцук
Аҟәа иаатит "Ихьшәоу ҭагалан" захьӡу Диана Хынҭәԥҳа, Аԥшьа Ҳагԥҳа, Саид Возба, Баҭал Џьапуа рсахьақәа рцәыргақәҵа

 

"Еиҳараӡак Аҟәа акәша-мыкәша аус аауан: Каштак, Алашарбага аҳабла, Ешыра аҩадатәи, аладатәи, Шыцкәара уҳәа аҭыԥқәа рҿы. Ҳаԥхьаҟа ҳгәы иҭоуп Ԥсырӡха, Афон ҳцарц. Аҭыԥқәа рацәоуп уахьцаша, узланеиша амҩақәагьы ыҟоуп, зегьынџьара иманшәалоуп, иагьыцқьоуп. Аԥсны ҽаҩраҭагалан ԥшӡоуп, ааԥынгьы ус.  Убри азы асахьаҭыхыҩ бзиа ибоит ҽаҩраҭагалан – аҩежьрақәа аҟаԥшьрақәа аныҟоу, ажәҩан аныиаҵәоу. Убасҟан асахьаҭыхыҩцәа аусура иалагоит, иара абыржәгьы быӷькаԥсан еиԥш иҟоуп ҳаԥсабара, уажәгьы асахьа ҭухыр ауеит. Ҳаргьы ацәыргақәҵа ашьҭахь еиҭах аусура ҳалагоит, избанзар, аԥсабара макьана иԥшӡоуп", - ҳәа азгәеиҭеит асахьаҭыхыҩ Баҭал Џьапуа.

Иара убас Џьапуа иазгәеиҭеит апленерқәа реицымҩаԥгара асахьаҭыхыҩ изы ишхәарҭа дуу, урҭ раан аԥышәа шеимырдо, ишеицхыраауа азгәеиҭеит.

Аԥшьа Ҳагԥҳа 2019 шықәса рзы раԥхьаӡа акәны апленер лҽалалырхәит, жәабала асахьақәа шҭылхызгьы, ацәыргақәҵахь 16 усумҭа роуп иаалгаз.

"Изныкымкәа аԥсабарахь ҳцеит, ирацәаны асахьақәа ҭаҳхит. Аха урҭ зегьы еилаҳԥшаауан. Иарбанзаалак аусумҭа иамоуп ахатәы цәаҩа, ахатәы ҭоурых. Иҟоуп имарианы исызҭыхыз, иҟоуп аџьабаа здызбалаз. Апленер аҟны ҩсааҭк рыла аусумҭа аԥҵара уахьӡароуп", - азгәалҭоит Ҳагԥҳа.

Асахьаҭыхыҩ қәыԥш акраҵанакуеит ҳәа илыԥхьаӡоит лусумҭақәеи лколлегацәа русумҭақәеи ахьеиқәҿырҭуа.

"Ҳара акакәын еицҭаҳхуаз, аха ихаз-хазны иаабон. Ихаз-хазын ҳқыцә акышьа", - лҳәоит лара.

Ацәыргақәҵа "Ихьшәоу ҭагалан" Аҟәатәи ацәыргақәҵатә зал аҿы имҩаԥысуеит ажьырныҳәа 25 рҟынӡа.

Иара убас шәаԥхьар ҟалоит:

33
Кабинет министров республики Абхазия

Аминистрцәа Реилазаара ашколқәа акарантин азы иадыркуеит ҳәа ирҳәаз аԥнарҟәҟәааит

0
(ирҿыцуп 22:02 25.09.2020)
Акоронавирус азы атәылаҿы ишьақәгылаз аҭагылазаашьа иахҟьаны Аԥсны ашколқәа зегьы рҟны акарантин алагалоуп ҳәа аинформациа АИХқәа рҿы ирыладырҵәеит ахәаша, цәыббра 25 рзы СЕС аиҳабы Лиудмила Скорик иҟалҵаз аҳәамҭа ҵаҵӷәыс иҟаҵаны.

 

АҞӘА, цәыббра 25 – Sputnik. Аԥсны Аминистрцәа Реилазаара апресс-маҵзураҿы ииашам ҳәа ахырҳәааит Аԥсны ашколқәа зегьы рҟны цәыббра 25 инаркны жьҭаара 16 рҟынӡа акарантин аларгалоит ҳәа уаанӡа АИХқәа рҟны ицәырҵыз аинформациа.

"Аминистрцәа Реилазаара акәым, Ауааԥсыра акоронавирус рацәыхьчаразы акоординациатә штаб акәым ашколқәа рҟны аҵаратә процесс аанкыларазы азҵаара иалацәажәомызт, аӡбамҭа ҳәагьы акгьы рыдрымкылацт", - ҳәа аанацҳауеит Аминистрцәа Реилазаара асаит.

Акоординациатәи аоперативтәи штабқәа иааиԥмырҟьаӡакәа ичмазаҩхази згәы бзиахази ауаа ирыцклаԥшуеит, иара убасгьы аҵара аусҳәарҭақәа рҟны ачымазара зыхьыз рхыԥхьаӡара гәарҭоит ҳәа аарыцҳаит Аминистрцәа Реилазаара апресс-маҵзураҿы.

 

"Аиҳабыреи акоординациатә штаби ирыдыркыло аофициалтә ӡбамҭақәа зегьы Аминистрцәа Реилазаара аофициалтә саит аҟны иҟалоит", - ҳәа азгәарҭеит апресс-маҵзураҿы.

Уаанӡа цәыббра 25 ахәылбыҽха Агәабзиарахьчара аминистрра апресс-маҵзура Аԥсны асанитартә ҳақьым хада Лиудмила Скорик адырра ҟалҵеит атәыла ашколқәа зегьы рҟны жьҭаара 16 рҟынӡа акарантин алагалахоит ҳәа.

Скорик ишылҳәаз ала, ари аҩыза аӡбамҭа атәыла аиҳабыра иаднакылеит Агәабзиарахьчара аминистрреи Асанитартә епидемиологиатә маҵзуреи иҟарҵаз абжьгарақәа инрықәыршәаны.

 

0
Микрофон

Раионк аԥсҭазаараҟынтә: Барцыцԥҳа Гәдоуҭа ашколқәа рҿы аҿкы чымазаразы аҭагылазаашьазы

6
(ирҿыцуп 20:00 25.09.2020)
Гәдоуҭа араион аҵара аҟәша аспециалист хада Диана Барцыцԥҳа арадио Sputnik аефир аҿы еиҭалҳәеит иахьатәи аамҭаз ашколқәа рҿы аҵара апроцесс амҩасшьа атәы, насгьы ачымазара зманы иалкаау рхыԥхьаӡара атәы.
Раионк аԥсҭазаараҟынтә: Барцыцԥҳа Гәдоуҭа ашколқәа рҿы аҿкы чымазаразы аҭагылазаашьазы

"Аҵара апроцесс цоит араион 29 школ рҿы, иара убас ахәыҷбаҳчақәа фба рҿы. Акласстә уадақәа ҳарзҩыдоит, ашәқәа, аԥенџьырқәа аартны аԥша ҩнадырсуеит, арҵаҩцәа асабрадақәа ныҟәыргоит. Ашоурашәагақәа ҳамоуп, зегьы ршоура гәаҭаны аклассқәа рахь иҩнаҳҵоит. Иахьатәи амш азы 450-ҩык ахәыҷқәа ныҟәаӡом ашколқәа рахь еиуеиԥшым амзызқәа ирхырҟьаны. Иара убас иҳамоуп ичмазаҩцәоу арҵаҩцәа. Уи Гәдоуҭатәи актәи абжьаратә школ аҟнытә рҵаҩык, аҩбатәи ашкол аҿы хҩык арҵаҩцәа, Приморсктәи абжьаратә школ аҿы - аӡәы. Класск аужьны иҳаман актәи ашкол аҿы аҿкы чымазара иахҟьаны, аха урҭгьы шьҭа иҭыҵуеит. Аҵаҩцәа рыбжьара макьана аӡәгьы дычмазаҩымхацт. Арҵаҩцәа рыԥсахуеит егьырҭ арҵаҩцәа, аҵара процесс аҿы аиԥҟьара ҳәа акгьы ыҟаӡам", - еиҭалҳәеит Барцыцԥҳа.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы.

Иара убас шәаԥхьар ҟалоит:

6