Дочиаԥҳа лӷьычреи Озган ишьреи рзы ахарадҵара рыларҳәоит жәабран 13 рзы

59
(ирҿыцуп 10:46 21.01.2020)
Ахара здырҵо рҿы рықәшаҳаҭым, ахьчара аган акәзар, ашаҳаҭцәа реиқәымшәара азгәарҭоит.

АҞӘА, ажьырныҳәа 21– Sputnik, Бадри Есиава. Ирина Дочиаԥҳа лӷьычреи Дмитри Озган ишьреи рзы ахарадҵара рыларҳәоит жәабран 13 рзы ҳәа аӡбамҭа лыдылкылеит Иреиҳаӡоу аӡбарҭа аӡбаҩ Мимоза Цушба.

Дочиаԥҳа лӷьычра иалахәуп ҳәа иԥхьаӡоуп: Алхас Ӡиӡариа, Геннади Блаб, Арден Чантуриа, Џьумбер Аҩӡба. Уи адагьы Алхас Ӡиӡариеи Асҭамыр Ӡиӡариеи Дмитри Озган ишьра иалахәны иԥхьаӡоуп. Аҵыхәтәантәи иакәзаргьы Ирина Дочиаԥҳа лӷьычра далахәын азгәаҭоуп.

Ажьырныҳәа 20 рзы аӡбаҩцәа ахара зду аҵыхәтәантәи ажәа рырҭеит. Дара ахара рхы иадырҵом. Цушба ахарадҵа ажәалагалеи ахыркәшаратә хәҭеи рыԥхьараз ажәадгала иҟалҵаз дара ақәшаҳаҭым, ахарадҵа атекст зегьы иаԥхьааит ҳәа рҳәеит.

"Ауаа ираҳааит иҳадырҵо закәу", - иҳәеит Асҭамыр Ӡиӡариа ажурналистцәа рахь ихы нарханы.

Абри ашьҭахь аӡбаҩ Мимоза Цушба Ирина Дочиаԥҳа лӷьычреи Дмитри Озган ишьреи рзы ахарадҵара рыларҳәоит жәабран 13 рзы ҳәа аӡбамҭа лыдылкылеит.

Ирина Дочиаԥҳа дырӷьычит 2016 шықәса ԥхынгәы 2 рзы, ахәылбыҽха асааҭ 23:40 мск рзы Аҟәа, Леон имҩа, аҩны 31 аҟынтә.

Ԥхынгәы 4 рзы Аҟәа ақалақь апрокуратура ашьаус хацнаркит.

Нанҳәа 16 рзы Аԥсны Ахада Рауль Ҳаџьымба алаҳәара ҟаиҵеит Ирина Дочиаԥҳа дахьыҟоу азы аинформациа иаша ҟазҵо миллион мааҭ шиҭахо азы.

Ирина Дочиаԥҳа, ԥхынгәы 2 2016 шықәса рзы зыҩнаҟынтәи ирӷьычыз лхы дақәиҭыртәит нанҳәа 17 рзы.

Аамҭақак рышьҭахь Ирина Дочиаԥҳа лхы дақәиҭыртәит хшәаада, Аԥсны Ашәарҭадаратә маҵзура имҩаԥнагаз аоператив-ԥшааратә усурақәа ирылҵшәаны.

Ирина Дочиаԥҳа лхақәиҭтәраан амаҵзура ҷыдақәа рхаҭарнакцәа рҟынтәи аӡәгьы ааха имоуит. Ирина Дочиаԥҳа лхақәиҭтәразы ауснагӡатәқәа данырӷьыч аҽны инаркны ихацыркын.

Аӷьычра далахәын ҳәа агәҩара ззыҟаз - Дмитри Озган - 2017 шықәса абҵарамзазы дыршьит.

Алхас Ӡиӡариеи Асҭамыр Ӡиӡариеи Дмитри Озган ишьра иалахәны иԥхьаӡоуп. Уи ишьра зыхҟьаз Дочиаԥҳа лҭаацәа ирырҭаз аԥара ашара мап ахьацәикыз ауп ҳәа агәаанагара ыҟоуп.

Ирина Дочиаԥҳа 44 мшы даанкыланы дрыман, аԥхьа Аҷандара ақыҭан инхо Џьниаа рыҩнаҭаҿы, нас – Ҟәланырхәа ақыҭан инхо Аҩӡаа рыҩнаҭаҿы.

Апрокурорцәа аӡбаҩцәа рахь аҳәара ҟарҵеит иаанкылоу ахара рхароуп ҳәа азыԥхьаӡаны 10 шықәса инаркны 20 шықәса рҟынӡа рхақәиҭра иалхәыдаартәырц.

Ирина Дочиаԥҳа лӷьычреи Дмитри Озган ишьреи рзы ахарадҵара рыларҳәоит жәабран 13 рзы ҳәа аӡбамҭа лыдылкылеит Иреиҳаӡоу аӡбарҭа аӡбаҩ Мимоза Цушба.

Иара убас шәаԥхьар ҟалоит:

59

Уахыки-ҽнаки рыла 106-ҩык акоронавирус шрылаз аадырԥшит Аԥсны

16
Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 4058-ҩык ыҟоуп. Урҭ рахьтә ргәы бзиахеит 2071-ҩык, рыԥсҭазаара иалҵит 36-ҩык.

АҞӘА, жьҭаара 28 - Sputnik. Иҳаҩсыз уахыки-ҽнаки рыла COVID-19 зцәа иалоу реилкааразы атестқәа 458 ҟаҵан, урҭ рахьтә акоронавирус аарԥшын 106 тест рҟны ҳәа аанацҳауеит Ауааԥсыра COVID-19 рацәыхьчаразы аоперативтә штаб.

Абыржәтәи аамҭазы Гәдоуҭатәи араионтә хәышәтәырҭа хадаҿы ишьҭоуп 137-ҩык ауааԥсыра, урҭ рахьтә 118-ҩык акоронавирус адиагноз рзышьақәырӷәӷәоуп, рҭагылазаашьа бааԥсуп 26-ҩык, ибжьаратәуп - 40-ҩык, илҩаауп 15-ҩык апациентцәа. Гәдоуҭатәи агоспиталь иҭашәеит жәҩык ачымазцәа.

Аҟәа асасааирҭа "Аиҭар" ашҭаҿы иаадыртыз амобилтә госпиталь аҟны ишьҭоуп акоронавирус зыдбалоу 51-ҩык апациентцәа. 47-ҩык рҭагылазаашьа бжьаратәуп ҳәа иԥхьаӡоуп, ԥшьҩык рҭагылазаашьа бааԥсуп. Амобилтә госпиталь аҟынтәи илҩаауп быжьҩык.

Ауааԥсыра COVID-19 рацәыхьчаразы аоперативтә штаб ажәлар рахь ааԥхьара ҟанаҵоит ачымазара ҿкы рымкырц азы иахәҭоу аԥҟарақәа зегьы ирықәныҟәаларц.

Акоронавирус иазку ажәабжьқәа зегьы шәрыԥхьар ҟалоит абра>>

16
Атемақәа:
Ачымазара ҿкы – акоронавирус Аԥсни адунеи аҿи: иалкаау

Џьынџьал Тҟәарчал аџьықәреи аҽаҩразы: аибашьра еилгеижьҭеи ас еиԥш ҳамбацт

7
(ирҿыцуп 20:06 28.10.2020)
Тҟәарчал араион ақыҭанхамҩа аусбарҭа аиҳабы Амиран Џьынџьал арадио Sputnik аефир аҿы еиҭеиҳәеит сынтәа араион анхацәа рџьықәреи аҽаҩра зеиԥшроу.
Голанӡиаԥҳа акоронавирус азы: абыржәгьы агәра зымго хәыҷык ихшыҩ днанамгозар акәхап

"Ҳраион аҿы ари аҩыза аҽаҩра ҟамлацызт уҳәар ҟалоит. Сынтәа аџьықәреи ахаҭабзиара бзиоуп, алаҵараангьы аҭагалараангьы амшқәа ақәшәеит, зынӡа ахьы иаҩызоуп. Иааидкылан 950 гектар аџьықәреи лаҵаны иҳаман. Гектаркнтә ҩ-тоннаки бжаки ҟалар акәын. Аибашьра еилгеижьҭеи ас еиԥш аҽаҩра ҳамҩбацызт. Аҽаҩра амш иахьыԥшуп, ажәларгьы ибзианы аус адырулан, ҳәарада, алҵшәагьы ҟалеит. Ажәакала, аҭагылазаашьақәеи зегьы еиқәшәеит, ауаа ахагьы роуит, аԥсабарагьы иара атәы ҟанаҵеит", - еиҭеиҳәеит Џьынџьал.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.

Иара убас шәаԥхьар ҟалоит:

7