Афымцамч аӡын Аԥсныҟа аашьҭра азҵаара иалацәажәеит аԥсуеи аурыси ганқәа

39
(ирҿыцуп 10:30 24.01.2020)
Ажьырныҳәа 22 рзы Аԥсны Аекономика аминистрраҿы имҩаԥысит Аԥсны Аҳәынҭқарреи Урыстәылатәи Афедерациеи рыбжьара асоциал-економикатә зҵаарақәа рзы аусутә еилацәажәара.

АҞӘА, ажьырныҳәа 24 – Sputnik. Аԥсны Аекономика аминистр Адгәыр Арӡынба диԥылеит Нхыҵ Кавказ аусқәа рзы аминистр ихаҭыԥуаҩ Игор Кошин. Аиԥылараҿы ирылацәажәан еиуеиԥшым азҵаарақәа, аӡынтәи аамҭазы афымцамч Урыстәылантәи Аԥсныҟа аашьҭра азҵаарагьы абрахь иналаҵаны. Ари азҵаара цәырҵит Џьуартәи аӡеизакырҭаҿы аӡы ахьылаҟәыз инамаданы.

"Ари азҵаара аҵак ду амоуп, избанзар сынтәа аӡлеира уаанӡатәи ашықәсқәа ирыҿурԥшыр, акырӡа еиҵоуп. Сынтәатәи аӡынра ԥхарроуп, аӡгьы маҷуп", - иҳәеит Sputnik аинтервиу азҭаз Аԥсны аекономика аминистр Адгәыр Арӡынба.

Ажьырныҳәа 22 рзы Аԥсныҟа иааз урыстәылатәи аҟазауаа аплотина ЕгрыГЕС инеины ирбеит иҳәеит аминистр.

"Урыстәылатәи ҳколлегацәа ҳаилыркаауеит. Дара ирҳәеит ишалшо ала иаарццакны азҵаара шыӡбахо. Аха убри аан, уажәы Урыстәыла аиҳабыра рҟны иҟоу аиҭакрақәа уи аҿҳәара инахар рылшоит", - иҳәеит аминистр.

ЕгрыГЕС ахархәарахь ирыҭан 1978 шықәса рзы. Агидроагрегатқәа Аԥсны аҵакыраҿы иҟоуп, аӡеизакырҭеи аплотинеи – Қырҭтәыла.

ГЕС амчхара — 1300 киловатт иҟоуп.

Иара убас шәаԥхьар ҟалоит:

39