Амҩақәа аҵаа анрықәшәуа ишәарҭамхарц азы иҟарҵо рҳәеит "Аԥсныавтомҩа" аҟны

26
(ирҿыцуп 13:01 24.01.2020)
Иаҳхысыз аҵх азы Аԥсны уахынлатәи аҳауаԥхарра аҳауа -2 °С рҟынӡа илаҟәит. Ареспубликатә трассаҟны ҭыԥқәак рҟны ирықәҵааит. Аӡынра ҳзааит уҳәар алшоит.

АҞӘА, ажьырныҳәа 24 – Sputnik, Сариа Кәарцхьиаԥҳа. Амҩатә усзуҩцәа иахьшәарҭоу аҭыԥқәа аԥслымӡ ықәрыԥсоит ҳәа Sputnik иазеиҭеиҳәеит "Аԥсныавтомҩа" адиректор Борис Ачба.

Зынӡа ареспубликатә трассаҿы ишәарҭоу аҭыԥқәа хԥа ыҟоуп – Ешыра, Калдахәара, Гагратәи ахыкәшаратә мҩа. Ашьыжь, ажьырныҳәа 24 инаркны амҩатә усзуҩцәа атехника ҷыдала аԥслымӡ ықәрыԥсеит арҭ аҭыԥқәа рҟны.

"Аҳауагәаҭаҩцәеи ҳареи ҳаимадоуп. Ашықәс ҿыц аԥхьагьы аматериал ҳархиахьан. Иахьа ҳусзуҩцәа Гәымсҭатәи ацҳаи "Анхәа лыбз" ҳәа иахьашьҭои аус руит. Аусурақәа цон Калдахәара иахьаҵанакуагьы", - иҳәоит Ачба.

"Аԥсныавтомҩа" аҟны ахьҭақәа ирзыхиоуп. Борис Ачба иажәақәа рыла, аҵаа ӷьеҩхар, аԥслымӡ ада аџьыкахышгьы ақәыԥсара иалагоит.

Иара убас шәаԥхьар ҟалоит:

26

Латипов Егры аҳәаа аамҭала аартразы: ҳтәылауаа ринтересқәа рыхьчара иазырхоуп

18
(ирҿыцуп 18:52 13.07.2020)
Аԥсны ашәарҭадаратә маҵзура ахантәаҩы ихаҭыԥуаҩ, аҳәаахьчаратә маҵзура аиҳабы Рустам Латипов арадио Sputnik аефир аҿы еиҭеиҳәеит Аԥсни Қырҭҭәылеи рҳәааҿы аамҭалатәи акоридор аус шауа атәы.
Раионк аԥсҭазаараҟынтә: Латипов Аԥсныи-Қырҭтәылеи рҳәаа аамҭала аартра иазкны

"300-ҩык инареиҳаны иахьа еиуеиԥшыма амзызқәа ирыхҟьаны Қырҭтәыла иҟоуп. Асааҭ 9 инаркны асааҭ 15:00 рҟынӡа иахьатәи аамҭа иалагӡаны аҳәаа иахысхьеит 70-ҩык инареиҳаны. Урҭ рахьынтә иҟоуп згәамбзиара иахҟьаны ицазгьы, аха ус еиԥш иҟаз хәҩык роуп, аиҳараҩык уахьынтә иаауа Гал иқәынхо, еиуеиԥшым азҵааракәа рыла Қырҭтәыла инанагаз роуп. Уа дыҟан аҵара зҵо, аԥсра иақәшәаз, зҭаацәа збоит ҳәа ицаз уҳәа. Хынтә иаартыз акоридор иабзоураны 1500-ҩык инареиҳаны рыҩнқәа рахь ихынҳәит. Ари аҭагылазаашьа ауааԥсыра гәахәарыла ирыдыркылоит, ҳтәылауаа ринтересқәа рыхьчаразы Аԥсны атәыла анапхгара ари аус анагӡара хымԥадатәны иахәаԥшуеит", – ҳәа азгәеиҭеит Латипов.

Иаҳа инеиҵыху аиҿцәажәара шәазыӡырҩы аудио аҿы, мамзаргьы арадио Sputnik Аԥсны аефир аҿы.

Иара убас шәаԥхьар ҟалоит:

 

 

18

Акоронавирус змаз ҩыџьа апациентцәа Гәдоуҭатәи ахәышәтәырҭа илрыҩаараны иҟоуп

14
(ирҿыцуп 18:41 13.07.2020)
Аҵыхәтәантәи уахыки-ҽнаки рыла Аԥсны акоронавирустә инфекциа амазааразы агәаҭара иахысит 36-ҩык ауааԥсыра.

АҞӘА, ԥхынгәы 13 - Sputnik. Гәдоуҭатәи ахәышәтәырҭаҟны ишьҭоу акоронавирус зцәа иалаз акурсантцәа ҩыџьа аҩашаҽны, ԥхынгәы 14 рзы рылҩаара иаздырхиоит ҳәа адырра ҟанаҵоит Ауааԥсыра акоронавирус рацәыхьчаразы аоперативтә штаб.

Ари амш иалагӡаны агәаҭара иахрыжьыз 36-ҩык рҟынтә аӡәгьы иҿы акоронавирус  шьақәырӷәӷәамхеит

Иахьазы Аԥсны зынӡа акоронавиурс рыдырбалахьеит 38-ҩык. Урҭ рахьтә ҩыџьа макьанагьы Гәдоуҭатәи ахәышәтәырҭа иҭоуп, 35 ргәы бзиахеит, аӡәы лыԥсҭазаара далҵит.

Адунеизегьтәи агәабзиарахьчаратә еиҿкаара аҵыхәтәантәи адыррақәа рыла, адунеи аҿы ишьақәдырӷәӷәахьеит 12,5 миллион хҭыс инареиҳаны, рыԥсҭазаара иалҵит 561 нызқьҩык инарзынаԥшуа.

Акоронавирус иазку ажәабжьқәа зегьы шәрыԥхьар ҟалоит абра>>

14
Атемақәа:
Ачымазара ҿкы – акоронавирус Аԥсни адунеи аҿи: иалкаау