Басариа: афымцамч адефицит ахҩаразы 10 сааҭк алашара арцәара аҭаххоит

45
"Амшынеиқәафымцамч" аиҳабы иазгәеиҭеит ажьырныҳәа 22 рзы Урыстәылантәи аспециалистцәа Егрытәи афымцастанциа иаҭааны игәарҭеит Џьуартәи аӡеизакырҭаҟны аҭагылазаашьа зеиԥшроу, иагьышьақәдырӷәӷәеит аӡы алаҟәразы аԥсуа специалистцәа ирымоу адыррақәа.

АҞӘА, ажьырныҳәа 27 - Sputnik. Афымцамч адефицит ахҩаразы уахыки-ҽнаки 10 сааҭк алашара арцәара аҭаххоит уажәы ԥшь-сааҭк иахьҳарцәо ацынхәрас ҳәа иҳәеит "Амшынеиқәафымцамч" адиректор хада Аслан Басариа.

Басариа иҳәеит аграфик еиҭахәаԥшраны ишыҟоу, аха уи аиӷьырхара шалымшо.

Урыстәылеи Аԥсни рыбжьара афымцамч аашьҭразы аиҿцәажәарақәа макьана лҵшәа рымам иҳәоит "Амшынеиқәафымцамч" адиректор хада Аслан Басариа.

"Иҟалаша 5-6 мзы раԥхьагьы иаадыруан. Аиҳабырабжьаратә еиҿцәажәарақәа цоижьҭеи акрааҵуеит. Иахьазы азҵаара ӡбам. Уажәы урыстәылатәи аиҳабыраҟны анапынҵақәа реихшара мҩаԥысуеит, аамҭа аҭахуп", - иҳәеит иара.

Басариа иажәақәа рыла, азҵаара аӡбара ҩба-хԥа мчыбжьы иадхалар алшоит.

Ажьырныҳәа 27 инаркны Аԥсны араионқәа зегьы рҿы аамҭа-аамҭала алашара арцәара мҩаԥгахоит.

Иара убас шәаԥхьар ҟалоит:

45

Латипов Егры аҳәаа аамҭала аартразы: ҳтәылауаа ринтересқәа рыхьчара иазырхоуп

18
(ирҿыцуп 18:52 13.07.2020)
Аԥсны ашәарҭадаратә маҵзура ахантәаҩы ихаҭыԥуаҩ, аҳәаахьчаратә маҵзура аиҳабы Рустам Латипов арадио Sputnik аефир аҿы еиҭеиҳәеит Аԥсни Қырҭҭәылеи рҳәааҿы аамҭалатәи акоридор аус шауа атәы.
Раионк аԥсҭазаараҟынтә: Латипов Аԥсныи-Қырҭтәылеи рҳәаа аамҭала аартра иазкны

"300-ҩык инареиҳаны иахьа еиуеиԥшыма амзызқәа ирыхҟьаны Қырҭтәыла иҟоуп. Асааҭ 9 инаркны асааҭ 15:00 рҟынӡа иахьатәи аамҭа иалагӡаны аҳәаа иахысхьеит 70-ҩык инареиҳаны. Урҭ рахьынтә иҟоуп згәамбзиара иахҟьаны ицазгьы, аха ус еиԥш иҟаз хәҩык роуп, аиҳараҩык уахьынтә иаауа Гал иқәынхо, еиуеиԥшым азҵааракәа рыла Қырҭтәыла инанагаз роуп. Уа дыҟан аҵара зҵо, аԥсра иақәшәаз, зҭаацәа збоит ҳәа ицаз уҳәа. Хынтә иаартыз акоридор иабзоураны 1500-ҩык инареиҳаны рыҩнқәа рахь ихынҳәит. Ари аҭагылазаашьа ауааԥсыра гәахәарыла ирыдыркылоит, ҳтәылауаа ринтересқәа рыхьчаразы Аԥсны атәыла анапхгара ари аус анагӡара хымԥадатәны иахәаԥшуеит", – ҳәа азгәеиҭеит Латипов.

Иаҳа инеиҵыху аиҿцәажәара шәазыӡырҩы аудио аҿы, мамзаргьы арадио Sputnik Аԥсны аефир аҿы.

Иара убас шәаԥхьар ҟалоит:

 

 

18

Акоронавирус змаз ҩыџьа апациентцәа Гәдоуҭатәи ахәышәтәырҭа илрыҩаараны иҟоуп

14
(ирҿыцуп 18:41 13.07.2020)
Аҵыхәтәантәи уахыки-ҽнаки рыла Аԥсны акоронавирустә инфекциа амазааразы агәаҭара иахысит 36-ҩык ауааԥсыра.

АҞӘА, ԥхынгәы 13 - Sputnik. Гәдоуҭатәи ахәышәтәырҭаҟны ишьҭоу акоронавирус зцәа иалаз акурсантцәа ҩыџьа аҩашаҽны, ԥхынгәы 14 рзы рылҩаара иаздырхиоит ҳәа адырра ҟанаҵоит Ауааԥсыра акоронавирус рацәыхьчаразы аоперативтә штаб.

Ари амш иалагӡаны агәаҭара иахрыжьыз 36-ҩык рҟынтә аӡәгьы иҿы акоронавирус  шьақәырӷәӷәамхеит

Иахьазы Аԥсны зынӡа акоронавиурс рыдырбалахьеит 38-ҩык. Урҭ рахьтә ҩыџьа макьанагьы Гәдоуҭатәи ахәышәтәырҭа иҭоуп, 35 ргәы бзиахеит, аӡәы лыԥсҭазаара далҵит.

Адунеизегьтәи агәабзиарахьчаратә еиҿкаара аҵыхәтәантәи адыррақәа рыла, адунеи аҿы ишьақәдырӷәӷәахьеит 12,5 миллион хҭыс инареиҳаны, рыԥсҭазаара иалҵит 561 нызқьҩык инарзынаԥшуа.

Акоронавирус иазку ажәабжьқәа зегьы шәрыԥхьар ҟалоит абра>>

14
Атемақәа:
Ачымазара ҿкы – акоронавирус Аԥсни адунеи аҿи: иалкаау