Абхазский паспорт

Аԥсны ААР аҟны еиҭарҳәеит атәылауаҩшәҟә ҿыц амамзаара иацу апроблемақәа

35
2020 шықәса ажьырныҳәамза анҵәамҭазы ауааԥсыра ироухьеит 141 000 тәылауаҩшәҟә ҿыц.

АҞӘА, ажьырныҳәа 29– Sputnik, Бадри Есиава. Атәылауаҩшәҟә ҿыц аиуразы адокументқәа реизакра иахымыццакуа ауаа проблемақәаны ирызцәырҵыр алшо атәы далацәажәеит Аԥсны ААР атәылауаҩшәҟәтә усбарҭа аиҳабы ихаҭыԥуаҩ Вадим Кәаӡба.

"Иахьазы ажәытә бланк ауаҩы ихаҭара шьақәнаргылом. Иаҳҳәап, ауаҩы атәанчахәы аиуразы ашәҟәҭаҩра дзахысуам, еиҭамҵуа амазара ма автотранспорт изитәтәуам, изаахәом", - иҳәеит иара.

Иахьазы иааидкыланы ареспубликаҿ ирыдыркылахьеит 148 106 рзаҳал азеиԥштәылауаҩшәҟәқәа рыԥсахразы, ирыҭоуп 141 000 тәылауаҩшәҟәы, 1927 документов документ рыҭара иазырхиоуп ҳәа азгәеиҭеит Кәаӡба.

Аиҳарак активла рхы аадырԥшуеит Аҟәа, Гәдоуҭа, Гагра араионқәа. Аҟәа ауааԥсыра ирыԥсаххьеит 44 000 тәылауаҩшәҟәы. 24000 тәылауаҩшәҟәы роухьеит Гәдоуҭа араион аҿы, 27 000 - Гагра араион аҿы.

Кәаӡба иажәақәа рыла бжьаратәла атәылауаҩшәҟә ҿыц аиуразы 15 мшы аҭахуп.

"Аԥсуа милаҭ иатәу ауааԥсыра, арепатриантцәа рзы ари аамҭа иҵегьы еиҵахар ҟалоит. Ақырҭуа милаҭ иатәу рзы акәзар агәаҭарақәа ахьымҩаԥгатәу инамаданы аамҭа маҷк иацлоит", - иҳәеит иара.

Атәылауаҩшәҟә ҿыцқәа рыҭарзы аиқәыршәагақәа рышьақәыргылара иалагеит ареспубликаҟны 2015 шықәса, хәажәкырамзазы.

Иара убри аамҭазы атәылауаҩшәҟәқәа рбланкқәеи анхараз азиншәҟәы абланкқәеи рыдагьы ирхиан асервертә, акомпиутертә программақәа, иахәҭоу аиқәыршәагақәа.

"Аԥснеимадара" аимадаратә канал аԥнаҵеит. Уи еиднаҳәалеит апаспорттә столқәа зегьы.

Аҧсны аминистрцәа Реилазаареи Афедералтә Аҳәынҭқарратә Унитартә Наплакы "Гознак" ирыбжьарҵаз аилаӡара анагӡара аҳәаақәа ирҭагӡаны Москватәи аспециалистцәа атәылауаҩшәҟәқәеи анхаразы азин аршаҳаҭгақәеи рыҭареи ҳасаб рзуреи рзы асистема ашьақәыргылара мҩаҧыргеит. Атәылауаҩшәҟәқәа ирыдҳәалоу азҵаарақәа иаку ацентр аус рыднауло ишьақәыргылан.

Адокумент ахьчара ду амоуп. Уи азы ахархәара рыҭоуп ҳаамҭазтәи ахьчаратә технологиақәа, иҷыданы абри адокумент азы иаԥҵаз ахьчаратә ҟазшьақәагьы абрахь иналаҵаны.

Дарбанызаалак аҽаӡәы адәныҟатәи аҳа ихы изамырхәо, асистема адәныҟантә аҭалара залмшо ишьақәыргылан.

Аԥсны атәылауаҩшәҟәы ҿыц аӡыргара мҩаԥысит Аԥсны Аминистрцәа реилазаараҿы 2015 шықәса, хәажәкырамзазы. Иара убри ашықәс азы ареспубликахь иааган 60 000 тәылауаҩшәҟәы. 2017 шықәса хәажәкырамзазы атәылауаҩшәҟәқәа рыҭара аҩбатәи аетап хацыркын.

2017 шықәса ԥхынҷкәынмзазы Аԥсны Адәныҟатәи аусқәа рминистр алаҳәара ҟаиҵеит арҭ атәылауаҩшәҟәқәа рыла аурыс-аԥсуа ҳәаа ахысра ҟалоит ҳәа 2018 шықәса инаркны.

Атәылауаҩшәҟәы кьыԥхьуп урыстәылатәи афабрика "Гознак" аҿы, ҳаамҭа иақәшәо атехнологиақәа рыла ахьчара ҳаракы аманы иҟоуп.

Иара убас шәаԥхьар ҟалоит:

35

Sputnik апресс-центр аҟны еиҭарҳәоит аԥсуаа рҿы аӡахәааӡара аҭоурых

7
(ирҿыцуп 20:21 01.10.2020)
Жьҭаара 2 асааҭ 14:00 рзы Sputnik Аԥсны амультимедиатә пресс-центр аҿы имҩаԥгахоит Фарид Кәабахьиеи Николаи Ачбеи рышәҟәы "Ажәытәан аԥсуаа рҟны аӡахәааӡареи аҩыҟаҵареи" иазку апресс-конференциа.

Апресс-конференциа иалахәуп:

  • Фарид Кәабахьиа – аҭоурыхдырыҩ, Аԥсуаҭҵааратә институт анаукатә усзуҩ;
  • Николаи Ачба – "Аԥсны аҩқәеи аӡқәеи" адиректор хада.

Амассатә-информациатә хархәагақәа рхаҭарнакцәа ааҳаԥхьоит апресс–конференциахь (аҭыӡҭыԥ: ақ. Аҟәа, Пушкин имҩ. 16, абизнес-центр "Гәдоу Плаза", 5-тәи аихагыла).

Аккредитациа ҟалоит абри аҭел ала: +7(940) 926 00 00

Азыҳәа анашьҭразы аелектронтә ҭыӡҭыԥ: info.abk@sputniknews.com

Иара убасгьы шәара ишәылшоит апресс-конференциа алахәылацәа зинтерес шәымоу азҵаарақәа рышәҭарц Sputnik Аԥсны асоциалтә ҳа Facebook аҿтәи адаҟьаҿы мамзаргьы аелектронтә ԥошьҭахь инашьҭны: info.abk@sputniknews.com

7

Раионк аԥсҭазаараҟнытә: Гәынба "Акурорт "Пицунда" аԥсшьаҩцәа раҭаара иазкны

4
(ирҿыцуп 20:10 01.10.2020)
"Акурорт Пицунда" аиҳабы Фрикан Гәынба арадио Sputnik аефир аҿы еиҭеиҳәеит иахьазы аԥсшьарҭатә комплекс аҿы шаҟаҩы рыԥсы ршьо, насгьы уи иамоу ауадаҩрақәа ртәы.
Раионк аԥсҭазаараҟнытә: акурорт "Пицунда" аԥсшьаҩцәа раҭаара иазкны

"Иахьазы аԥсшьарҭатә комплекс аҿы рыԥсы ршьоит 1800-ҩык. Ҵыԥх уажәааны 1200 ракәын иҟаз. Уи зыбзоурахазгьы ҳәа ҳгәы иззаанаго Гьаргь Блаб ихьӡ зху абокс азы Пицунда имҩаԥысуа атурнир ауп. Амшқәагьы аԥсшьараамҭазы ибзиоуп, уи алагала ыҟоуп. Уажәазы азыҳәарақәа маҷуп иҟарҵо еиҭа аԥсшьаразы, аха амз аҵыхәанӡа аус аауп ҳәа ҳгәыӷуеит", - ҳәа еиҭеиҳәеит Гәынба.

Аԥсшьарҭатә комплекс аҿы иҟоу ауадаҩрақoа ртәы далацәажәо, Гәынба иҳәеит.

"Аӡыканал ацхыраара аҭахуп, уи аҳабла зегьы ӡыла еиқәнаршәоит иара аԥсшьарҭатә комплекс адагьы, иара анаплакы абаланс аҿы иқәгылоуп, иҟаҵатәу рацәоуп. Аӡыцрыҵқәа ракәзар, ақәра рымоуп, есԥхынра амчра ӷәӷәа роуеит, усҟан ана-ара иацәцо иалагоит. Уи аҭыԥ аԥшаара усҟак имариам, иҳақәҿиеит иара атәы здыруа Алексеи Кьетиа дахьҳамоу. Иара акыр шықәса аус иуеит, аԥсшьарҭатә комплекс аҿы аӡыцрыҵқәа шьышьықәгылоу атәы идыруеит", - ҳәа еиҭеиҳәеит Гәынба.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы.

Иара убас шәаԥхьар ҟалоит:

4