Генеральная прокуратура Абхазии

Апрокуратура хада ашьаусҭҵааратә Усбарҭа аиҳабы ихаҭыԥуаҩ имаҵура дамхуп

51
Аԥсны Апрокуратура хада аппарат хадаҿы амаҵзуратә гәаҭарақәа мҩаԥысуеит.

АҞӘА, жәабран 4 - Sputnik. Аԥсны Апрокуратура хада ашьаусҭҵааратә Усбарҭа аиҳабы ихаҭыԥуаҩ Адамыр Ҭарба имаҵура дамхуп, апрокуратура аусзуҩцәақәа адисциплинартә лахь рыҭахеит. Абри атәы аанацҳауеит Аԥсны апрокуратура хада асаит.

Адисциплинартә лахьыҭара мҩаԥгоуп "ауаажәларратә хцәажәара зауз ацәгьоура хьанҭақәа хыхь-хыхьла рыҭҵаареи ахаҿқәа рышьҭазаара аԥкреи урҭ роушьҭреи алзыршаз аӡбамҭақәа рыдкылареи" рыҭҵаара алкаақәа инарықәыршәаны.

Апрокуратура хадаҟны Sputnik акорреспондент иарҳәеит агәаҭарақәа мҩаԥысуанаҵы аҭагылазаашьа ахцәажәара шарымҭо, адисциплинартә лахь зҭоу русзуҩцәагьы рыжәлақәа шырымҳәо.

Адгәыр Агрба Аԥсны апрокурор хадас дҟаҵан 2019 шықәса ԥхынҷкәын 12 рзы.

Амҳаџьыраа рыԥшаҳәаҿы абҵара 22 асааҭ 14:40 рзы аиҿахысра ҟалеит. Ақьафурҭа "Сан-Ремо" аҿаԥхьа аҭыԥ змаз аиҿахысраан иҭахеит ҩыџьа ауааԥсыра. Асҭамыр Шамба аҭыԥ аҟны иԥсҭазаара далҵит, Алхас Аҩӡба - ахәышәтәырҭаҟны даннаргаз. Даҽа ҩыџьа ахәрақәа роуит.

Ақьафурҭа "Сан-Ремо" ахәынаҳаҩ Доминика Ақырҭааԥҳа лхы ахәра ӷәӷәа аиуит, уи диаган Ареспубликатә хәышәтәырҭа хада анеирохирургиа аҟәшахьы, ԥхынҷкәын 3 рзы лара лыԥсҭазаара далҵит.

Абҵара 22 рзы Аҟәа аиҿахысраан иҭахаз Алхас Аҩӡбеи Асҭамыр Шамбеи рыуацәеи рҭынхацәеи Аԥсны Аҩнуҵҟатәи аусқәа рминистр Гарри Аршба инапынҵақәа шьҭаҵаны Аԥсны дықәҵроуп рҳәеит ԥхынҷкәын 2 рзы Аҟәа имҩаԥысуаз амитинг аҿы еизаз рхаҭарнак Ахра Аҩӡба.

Абри аҭагылазаашьа инамаданы Аԥсны ахада Рауль Ҳаџьымба имҩаԥигаз аилацәажәара ашьҭахь Гарри Аршба имаҵура дамхын, иара убас уи актәи ихаҭыԥуаҩ Казбек Кишмахов. Анаҩс Апарламент ахь инашьҭын Апрокурор хада имаҵура иамхразы ажәалагала. Абасала рмаҵурақәа ирымырхит Аҩнуҵҟатәи аусқәа рминистр Апрокурор хада Зураб Ачба, уи ихаҭыԥуаҩ Ешсоу Какалиа.

Иара убас шәаԥхьар ҟалоит:

  • Аԥсны азинхьчаратә усбарҭақәа Аҟәа аҿагыларатә акциақәа рзы аусҭҵаарақәа ирҿуп
  • Аԥсны Апрокуратура хада Аҵәахырҭатә банк аҿы аҭыԥ змоу аԥарафара ҭнаҵаауеит

     

51

Урыстәылатәи аруаа ашьаҟауаа ржәылара ааныркылеит ашьхараҿ

1
(ирҿыцуп 15:58 07.08.2020)
Уахынлатәии ҽынлатәии ахысрамҩаԥгара иалахәын 500-ҩык аруааи 100 инеиҳаны арратә техникеи.

АҞӘА, нанҳәа 7 - Sputnik. Аԥсны иҟоу урыстәылатәи арратә база амотосхысцәеи артиллеристцәеи рыҟәшақәа Аԥсны иаԥдырҟәҟәааит "аӷа" иршьаҟауаа ржәылара ҳәа аанацҳауеит Аԥсны иҟоу урыстәылатәи арратә база апресс-маҵзура.

Аруаа ртанкқәеи, зкәылӡы ҵаӷоу атехникеи, илаҟәны иԥыруа ахархәагақәеи, ацәҟьарақәеи иреихсуан аполигон Ҵабал аҿы.

Ахархәара аҭан еиуеиԥшым абџьар, акәылӡтәы транспортиорқәа БТР-82А, анапылатә гранатаршәгақәа РПГ-7, 120-мм иҟоу аминомиотқәа уҳәа.

Аруаа анџьныртә ԥшыхәра мҩаԥганы, ахсаалақәеи аспутниктә система "Глонасс" рхы иархәаны рмаршрутқәа шьақәдыргылеит.

"Аӷа" иԥшааразы рхы иадырхәеит иара убасгьы аԥырҩы дызҭам арԥрыгақәа, еиҭарго аԥшыхәратә комплексқәа (КРУС) "Стрелец".

Иара убас шәаԥхьар ҟалоит:

1

Аԥсныҟа иааргараны иҟоуп хә-нызқь рҟынӡа атест-системақәа

4
(ирҿыцуп 15:04 07.08.2020)
Аԥсны иахьатәи аамҭазы иааизакны коронавирус рыманы ишьоуп 114-ҩык. Урҭ рҟынтәи 37-ҩык ргәы бзиахахьеит, хҩык ԥсит.

АҞӘА, нанҳәа 7 - Sputnik. Акоронавирустә инфекциа амазаара ашьақәыргыларазы хә-нызқь рҟынӡа атест-системақәа Аԥсныҟа иааргараны иҟоуп, абри атәы Sputnik имҩаԥысуаз апресс-конференциаҿ илҳәеит Агәабзиарахьчара аминистрра ахәышәтәратә усбарҭа аиҳабы Саида Делԥҳа.

"Хара имгакәа хә-нызқь система ааргараны иҟоуп, аха ҳара урҭ изыхәҭаны иҟоу ирзымҩаԥаагалоит", - лҳәеит лара.

Делԥҳа лажәақәа рыла, Аԥсныҟа иаарго атест-системақәа агәаҭара иахыжьуп, рырбагақәа рыгәра угартә иҟоуп.

Иара убас Делԥҳа илҳәеит, нанҳәа 7 рзы Сечин ихьӡ зху аинститут аҟазауаа Аԥсныҟа ишаауа, аковидтә центр ишаҭаауа, иаҭаххар аҭыԥантәи аҳақьымцәа ацхыраара шрырҭо.

Иара убас шәаԥхьар ҟалоит:

  • Аԥснынтә COVID-19 зманы инанаго апациентцәа рзы адкыларҭа дырхиоит Шәача
4
Атемақәа:
Ачымазара ҿкы – акоронавирус Аԥсни адунеи аҿи: иалкаау