Озган ишьра далахәуп ҳәа агәаанагара ззыҟаз ахаҿы абахҭаҟны дыршьит

© Sputnik / Томас ТхайцукАрхивное фото СИЗО Дранда
Архивное фото СИЗО Дранда - Sputnik Аҧсны
Анапаҵаҩра
Заанаҵтәи адыррақәа рыла Асҭамыр Ӡиӡариа дшьын жәабран 4 ауха Дранда абахҭаҿы.

АҞӘА, жәабран 4 - Sputnik. Дмитри Озган ишьра далахәын ҳәа зыхьӡ ҳәаз Асҭамыр Ӡиӡариа дшьын Дранда абахҭаҿы, жәабран 4 ауха. Абри атәы аанацҳауеит Аԥсны апрокуратура хада асаит.

Суд по делу похищения Дочия  - Sputnik Аҧсны
Дочиаԥҳа лӷьычреи Озган ишьреи рзы ахарадҵара рыларҳәоит жәабран 13 рзы

"Аԥсыбаҩ агәаҭараан ишьақәыргылан Ӡиӡариа ицәеижь ахәрақәа жәпакы аман ҳәа. Ахҭыс ахьыҟалаз аҭыԥ ҭҵаауп, иаԥҵоуп аӡбара -медицинатә експертиза, имҩаԥыргоит аоператив-ҭҵааратә уснагӡатәқәа ацәгьа зуз ахаҿы ишьақәыргыларазы", - аҳәоит адырраҭараҿы.

Аԥҳәыс лӷьычра иалахәын ҳәа иԥхьаӡоуп: Асҭамыр Ӡиӡариа, Геннади Блаб, Арден Чантуриа, Џьумбер Аҩӡба. Дмитри Озган ишьра иалахәны иԥхьаӡоуп Асҭамыри Алхаси Ӡиӡариаа. Дмитри Озган иакәзаргьы Ирина Дочиаԥҳа лӷьычра далахәылан ҳәа азгәаҭоуп.

Иара убас шәаԥхьар ҟалоит:

Ажәабжьқәа зегьы
0