Таитәи бокс азы аиндаҭлараҿы Аԥснытәи акоманда амедалқәа жәба анашьахеит

19
(ирҿыцуп 15:11 10.02.2020)
Таитәи бокс азы афедералтә округ хада атурнир мҩаԥысуан Москва, жәабран 6- 9 рзы.

АҞӘА, жәабран 10 – Sputnik. Таитәи бокс азы афедералтә округ хада атурнир аҟны Аԥснытәи акоманда амедалқәа жәба анашьахеит: ахьтәы медалқәа – ҩба, аразны медалқәа ҩба, аџьазлых медалқәа – хәба. Абри атәы Sputnik иазеиҭеиҳәеит таитәи абокс азы Аԥсны Афедерациа ахада Ҭеимураз Гьергьедаа.

Аиндаҭларақәа реихшьаала ала Камилла Кутателаӡе, 14-15 лшықәса зхыҵуа рыбжьара актәи аҭыԥ нылкылеит. Актәи аҭыԥ лгеит Фатима Ҵәыџьԥҳагьы (67 кьыла зкапануаз рыбжьара). Кристина Беиаԥҳаи (12-13ш. - 42 кьыла) Сергеи Торосиани (12-13 ш. –36 киьыла) аразны медалқәа ранашьахеит. Аџьаз иалхыз амедалқәа ранашьахеит: Алиас Ажьиба (12-13ш. - 40 килограмкьыла), Анри Шьанаа (16-17ш. - 67 кьыла), Давид Амҷба (14-15 ш. - 45 киьыла), Леона Амҷба (16-17ш. -51 кьыла), Арина Агәхаа (18 ш. - 48 кьыла).

Атурнир аихшьаалақәа рыла аԥхьахәқәа занашьахаз зегьы Урыстәыла ачемпионат аҟны ақәгылара азин рымоуп. Ачемпионат мҩаԥысуеит хәажәкыра 25 инаркны мшаԥы 1 аҟынӡа.

© Foto / Теймураз Гергедава
Таитәи бокс азы аиндаҭлараҿы Аԥснытәи акоманда амедалқәа жәба анашьахеит

"Атурнир алҵшәақәа угәы иахәартә иҟоуп. Иҟоу ҳагха-ԥхақәа аус рыдулатәуп, ҳтәыла ахьӡала иқәгылараны иҟоу рсиа рхиатәуп", - иҳәеит Гьергьедаа.

Урыстәыла ачемпионат аихшьаалақәа иаадырԥшуеит Арабтәи Аемиратқәа рҟны имҩаԥысуа адунеи ачемпионат иалахәхои иалахәымхои. Актәи аҭыԥ зго уахь ицоит, аҩбатәи аҭыԥ зго – Европа ачемпионат ахь.

Москва имҩаԥысуаз атурнир иалахәын 600 -ҩык.

Иара убас шәаԥхьар ҟалоит:

19

Sputnik апресс-центр аҟны еиҭарҳәоит аԥсуаа рҿы аӡахәааӡара аҭоурых

7
(ирҿыцуп 20:21 01.10.2020)
Жьҭаара 2 асааҭ 14:00 рзы Sputnik Аԥсны амультимедиатә пресс-центр аҿы имҩаԥгахоит Фарид Кәабахьиеи Николаи Ачбеи рышәҟәы "Ажәытәан аԥсуаа рҟны аӡахәааӡареи аҩыҟаҵареи" иазку апресс-конференциа.

Апресс-конференциа иалахәуп:

  • Фарид Кәабахьиа – аҭоурыхдырыҩ, Аԥсуаҭҵааратә институт анаукатә усзуҩ;
  • Николаи Ачба – "Аԥсны аҩқәеи аӡқәеи" адиректор хада.

Амассатә-информациатә хархәагақәа рхаҭарнакцәа ааҳаԥхьоит апресс–конференциахь (аҭыӡҭыԥ: ақ. Аҟәа, Пушкин имҩ. 16, абизнес-центр "Гәдоу Плаза", 5-тәи аихагыла).

Аккредитациа ҟалоит абри аҭел ала: +7(940) 926 00 00

Азыҳәа анашьҭразы аелектронтә ҭыӡҭыԥ: info.abk@sputniknews.com

Иара убасгьы шәара ишәылшоит апресс-конференциа алахәылацәа зинтерес шәымоу азҵаарақәа рышәҭарц Sputnik Аԥсны асоциалтә ҳа Facebook аҿтәи адаҟьаҿы мамзаргьы аелектронтә ԥошьҭахь инашьҭны: info.abk@sputniknews.com

7

Раионк аԥсҭазаараҟнытә: Гәынба "Акурорт "Пицунда" аԥсшьаҩцәа раҭаара иазкны

4
(ирҿыцуп 20:10 01.10.2020)
"Акурорт Пицунда" аиҳабы Фрикан Гәынба арадио Sputnik аефир аҿы еиҭеиҳәеит иахьазы аԥсшьарҭатә комплекс аҿы шаҟаҩы рыԥсы ршьо, насгьы уи иамоу ауадаҩрақәа ртәы.
Раионк аԥсҭазаараҟнытә: акурорт "Пицунда" аԥсшьаҩцәа раҭаара иазкны

"Иахьазы аԥсшьарҭатә комплекс аҿы рыԥсы ршьоит 1800-ҩык. Ҵыԥх уажәааны 1200 ракәын иҟаз. Уи зыбзоурахазгьы ҳәа ҳгәы иззаанаго Гьаргь Блаб ихьӡ зху абокс азы Пицунда имҩаԥысуа атурнир ауп. Амшқәагьы аԥсшьараамҭазы ибзиоуп, уи алагала ыҟоуп. Уажәазы азыҳәарақәа маҷуп иҟарҵо еиҭа аԥсшьаразы, аха амз аҵыхәанӡа аус аауп ҳәа ҳгәыӷуеит", - ҳәа еиҭеиҳәеит Гәынба.

Аԥсшьарҭатә комплекс аҿы иҟоу ауадаҩрақoа ртәы далацәажәо, Гәынба иҳәеит.

"Аӡыканал ацхыраара аҭахуп, уи аҳабла зегьы ӡыла еиқәнаршәоит иара аԥсшьарҭатә комплекс адагьы, иара анаплакы абаланс аҿы иқәгылоуп, иҟаҵатәу рацәоуп. Аӡыцрыҵқәа ракәзар, ақәра рымоуп, есԥхынра амчра ӷәӷәа роуеит, усҟан ана-ара иацәцо иалагоит. Уи аҭыԥ аԥшаара усҟак имариам, иҳақәҿиеит иара атәы здыруа Алексеи Кьетиа дахьҳамоу. Иара акыр шықәса аус иуеит, аԥсшьарҭатә комплекс аҿы аӡыцрыҵқәа шьышьықәгылоу атәы идыруеит", - ҳәа еиҭеиҳәеит Гәынба.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы.

Иара убас шәаԥхьар ҟалоит:

4