Смыр: аԥсуа ҽылампыл алшарақәа зегьы идҳарбар ҳҭахуп

50
(ирҿыцуп 18:24 14.02.2020)
Москватәи аипподром аҿы аԥсуа команда ақәгылара аҽшазнархио, урыстәылатәи апублика ирыдыргалараны, изладыршанхараны иҟоу уҳәа ртәы шәаԥхьа Sputnik аматериал аҟны.

АҞӘА, жәабран 14 - Sputnik. Москватәи аипподром хадаҿы жәабран 29 рзы имҩаԥысуа ақәгыларақәа ирылахәхоит аԥсуа команда. Абри атәы арадио Sputnik Аԥсны иазеиҭеиҳәеит аԥсуа команда алахәыла, азыҟаҵаҩ Саид Смыр.

"Акоманда фҩык рыла ишьақәгылоуп. Ҳара иаҳҭахуп раԥхьа ҳҽыбӷаҟазаратә спорт алшарақәа зегьы идҳарбарц. Нас ҩ-гәыԥкны ҳаҽшаны аҽымпыл ҳахәмаруеит. Иаҳҭахуп ахәаԥшҩы ибарц ари аспортхкы аланарԥшыра ду иаҵоу", - иҳәеит Смыр.

Саид Смыр иажәақәа рыла, Асовет еидгыла ианаамҭаз аҽыбӷаҟазаратә спорт аҿиара бзиа аман, уи змаз атәылақәа рацәан, уажәы Аԥсны заҵәык ауп еиқәханы иахьыҟоу.

"Аҽылампыл аҿиара ҳацхраауеит, иаҳҭахуп изымбац идырбаны, даргьы адҳаԥхьаларц. Уажәы аԥыжәара арҭоит поло, аха, сара сгәаанагарала, ҳара ҳаспортхкы еиҳа иԥшӡоуп, еиҳа аинтерес аҵоуп, уи аспортхкы аасҭа", - иҳәеит Смыр.

Аҽылампыл – аԥсуа милаҭтә спортхкқәа иреиуоуп. Иара англиатәи атрадициатә поло излеиԥшым ыҟоуп. Аԥсуа спортхкы аҿы алабақәа (аклиушкақәа - аред.) рыла акәым, адаԥакаҭа (сачок - аред.) рылоуп ампыл шеимырдо.

Иара убас шәаԥхьар ҟалоит:

50

Акоронавирус змаз даҽа пациентк лыԥсҭазаара далҵит Гәдоуҭатәи ахәышәтәырҭаҿы

27
(ирҿыцуп 19:24 26.09.2020)
Иахьазы Аԥсны иахьаҵанакуа иаарԥшу акоронавирустә хҭысқәа рхыԥхьаӡара 1286 ыҟоуп. Ргәы бзиахахьеит 369-ҩык, жәҩык рыԥсҭазаара иалҵит.

АҞӘА, цәыббра 26 - Sputnik. Ԥшьынҩажәи жәаба шықәса зхыҵуаз, акоронавирус ззышьақәыргылаз Гәдоуҭатәи ахәышәтәырҭа апациент лыԥсҭазаара далҵит цәыббра 25 рзы ҳәа аанацҳауеит Ауааԥсыра COVID-19 рацәыхьчаразы оперативтә штаб.

Аԥҳәыс бырг Гәдоуҭатәи ахәышәтәырҭахь дааргеит цәыббра20 рзы, аԥсыԥлагаҩагара лцәыуадаҩны, ҩ-ганкахьалатәи агәаҵәкра лыманы.

"Атерапиа шылзыҟарҵозгьы лҭагылазаашьа еиҳа-еиҳа еицәахон, арыԥҳа-аҳауаҭарсгатә аппаратгьы даҿаркит, аха уигьы лмыхәеит, ахәашаҽны лыԥсҭазаара далҵит. Апациентка агәачымазарақәа лыман, иара убас ашьақәыӷәӷәара ҳараки атеросклерози", - аҳәоит аоперштаб аацҳамҭа. 

Аҵыхәтәантәи уахыки-ҽнаки рыла игәаҭаз 216-ҩык ауаа рахьтә акоронавирус рыдбалан 41-ҩык.  

Абыржәтәи аамҭазы Гәдоуҭатәи ахәышәтәырҭаы ишьҭоуп 118-ҩык ауааԥсыра, урҭ рахьтә 114-ҩык адиагноз COVID-19 рзышьақәыргылоуп. 14-ҩык апациентцәа рҭагылазаашьа хьанҭоуп, 25-ҩык – бжьаратәуп. Хҩык згәы бзиахаз ылҩаауп.

Акоронавирус иадҳәалоу аҵыхәтәантәи ажәабжьқәа шәрыԥхьар ҟалоит абра>>

27
Атемақәа:
Ачымазара ҿкы – акоронавирус Аԥсни адунеи аҿи: иалкаау

Анаплакҩы Ԥлиа апандемиа аамҭазы иусзуҩцәа рзы: сыҩнапык рыларԥаны искызаауеит

9
(ирҿыцуп 18:40 26.09.2020)
Анаплакҩы Давид Ԥлиа арадио Sputnik аефир аҟны еиҭеиҳәеит апандемиа аамҭазы аԥкрақәа шынарыгӡо, аусутә иахьагхаз инапаҵаҟа аус зуа ишырныԥшуа атәы.
Анаплакҩы Ԥлиа апандемиа аамҭазы иусзуҩцәа рзы: сыҩнапык рыларԥаны искызаауеит

Аԥсны ахада ауааԥсыра акоронавирус рацәыхьчаразы акоординациатә штаб аӡбара шьаҭас иаҭаны аусԥҟа инапы аҵаиҩит. Уаҟа иазгәаҭоуп жьҭаара 5 инаркны ауаажәларратә крыфарачаратә обиектқәа хымԥада аишәақәа рыбжьара метраки бжаки еиҵамкәа адистанциа рыбжьазароуп, амаҵзуратә персонал ахыхьчагатә хархәагақәа ныҟәыргозароуп ҳәа.

"Ас еиԥш иҟоу аԥҟара анрыдыркыла, иҟаҳҵари, ҳхы ақәҳаршәароуп… Уи усҟангьы иҟаҳҵеит (мшаԥымзазы иалагалаз аԥкрақәа раан – аред.), уажәгьы ауаа рсоциалтә дистанциа ҟаҳҵартә еиԥш аамҭа ҳамоуп, акрахьырфо азал дууп", - иҳәеит Ԥлиа.

Убри аан иара иазгәеиҭеит ауадаҩрақәа цәырҵыр шауа аус ахьыруа ашколқәа рыкрыфарҭақәа рҟны.

Анаплакҩы иазгәеиҭеит апандемиа русура акыр ишаныԥшыз, аха иагьа ус акәзаргьы иусуцәа уалафахәыда ишаанимыжьуа.

"Сҭаацәа ирыгыжьны аԥара сшәозаргьы, сусуцәа нхартә еиԥш, аус руртә еиԥш схы ныҟәазгароуп. Аԥхын иҳадаҳкыло, нас аӡын аусура иамҳхо ҳәа асистема ыҟаӡам ҳа ҳҿы. Сара даара зегьы срықәгәыӷуеит (инапаҵаҟа аус зуа рзы), убри аҟынтә сыҩнапык рыларԥаны ишыску жәдыруазааит",- иҳәеит Ԥлиа.

Шәазыӡырҩы аудио. Иаҳа инеиҵыху анҵамҭа шәаҳар шәылшоит арадио Sputnik Аԥсны аефир аҟны.

Иара убас шәаԥхьар ҟалоит:

9