Игор Адлеиба Екатеринбург абоксиортә турнир аҿы дықәгылоит

17
RCC Boxing Promotions аҟынтә аиубилеитә 35-тәи абокс азы жәларбжьаратәи атурнир мҩаԥгахоит Екатеринбург, хәажәкыра 7 рзы.

АҞӘА, жәабран 18 – Sputnik. Игор Адлеи RCC Boxing Promotions аҟынтә аиубилеитә 35-тәи абокс азы жәларбжьаратәи атурнир далахәхоит Екатеринбург, хәажәкыра 7 рзы. Аԥсуа спортсмен диндаҭлоит Аркади Арутиуниан.

© Foto / из личного архива Игоря Адлейба

Ашоу аҳәаақәа ирҭагӡаны имҩаԥысуеит жәа-еиндаҭларак. Аҿар рыбжьара WBO ачемпион Игор Адлеибеи Аркади Арутиуниани рықәгылара ф-раундк рыла имҩаԥгахоит.

Апрофессионалтә ринг аҿы Игор Адлеиба жәа-қәгыларак мҩаԥигахьеит. Рызегь рҟны аиааира игеит. Иара индаҭло абоксиор 12 қәгылара мҩаԥигахьеит, урҭ рҟынтәи ԥшь-иааирак игеит.

"Хымчыбжьоуп аҽазыҟаҵарақәа Москва сырҿуижьҭеи. Едди Кольменарес ицықәгылара ашьҭахь аҟәаҟәа-чаҟәарақәа сымоуп, убри азы ф-раундк мҩаԥаагарц ҳаӡбеит", - иҳәеит Игор Адлеиба.

Игор Адлеиба хышықәсоуп аӡәгьы дизымиааиижьҭеи, акапанбжьара иаҵанакуа урыстәылатәи абоксиорцәа рреитинг аҿы аҩажәатәи аҭыԥ никылоит.

"Сзындаҭло аԥышәа змоу спортсменуп. 35-шықәса ихыҵуеит" - иҳәеит иара.

Абоксиортә хәылԥаз аҟны атитултә еиндаҭларақәа ԥшьба мҩаԥгахоит. Магомед Курбанови Мухаммад Иакубову WBO International атитулқәа рыхьчароуп, аолимпиатә чемпион Евгени Тишьченко —WBO Inter-Continental амаҟа ихьчароуп, Марк Урванов – WBO International атитул.

Игор Адлеиба –WBO аверсиала аҿар рыбжьара адунеи дачемпионуп, кикбоксинг (фул контакт) азы адунеи Ахраҿа ианашьоуп, ареспублика аспорт азҟаза, Урыстәыла аспорт азҟазарахь акандидат.

Иара убас шәаԥхьар ҟалоит:

  • Игор Адлеиба апресс-конференциаҿ Екатеринбург имҩаԥысыз иқәгылара далацәажәеит
17

Sputnik апресс-центр аҟны еиҭарҳәоит аԥсуаа рҿы аӡахәааӡара аҭоурых

4
(ирҿыцуп 20:21 01.10.2020)
Жьҭаара 2 асааҭ 14:00 рзы Sputnik Аԥсны амультимедиатә пресс-центр аҿы имҩаԥгахоит Фарид Кәабахьиеи Николаи Ачбеи рышәҟәы "Ажәытәан аԥсуаа рҟны аӡахәааӡареи аҩыҟаҵареи" иазку апресс-конференциа.

Апресс-конференциа иалахәуп:

  • Фарид Кәабахьиа – аҭоурыхдырыҩ, Аԥсуаҭҵааратә институт анаукатә усзуҩ;
  • Николаи Ачба – "Аԥсны аҩқәеи аӡқәеи" адиректор хада.

Амассатә-информациатә хархәагақәа рхаҭарнакцәа ааҳаԥхьоит апресс–конференциахь (аҭыӡҭыԥ: ақ. Аҟәа, Пушкин имҩ. 16, абизнес-центр "Гәдоу Плаза", 5-тәи аихагыла).

Аккредитациа ҟалоит абри аҭел ала: +7(940) 926 00 00

Азыҳәа анашьҭразы аелектронтә ҭыӡҭыԥ: info.abk@sputniknews.com

Иара убасгьы шәара ишәылшоит апресс-конференциа алахәылацәа зинтерес шәымоу азҵаарақәа рышәҭарц Sputnik Аԥсны асоциалтә ҳа Facebook аҿтәи адаҟьаҿы мамзаргьы аелектронтә ԥошьҭахь инашьҭны: info.abk@sputniknews.com

4

Раионк аԥсҭазаараҟнытә: Гәынба "Акурорт "Пицунда" аԥсшьаҩцәа раҭаара иазкны

4
(ирҿыцуп 20:10 01.10.2020)
"Акурорт Пицунда" аиҳабы Фрикан Гәынба арадио Sputnik аефир аҿы еиҭеиҳәеит иахьазы аԥсшьарҭатә комплекс аҿы шаҟаҩы рыԥсы ршьо, насгьы уи иамоу ауадаҩрақәа ртәы.
Раионк аԥсҭазаараҟнытә: акурорт "Пицунда" аԥсшьаҩцәа раҭаара иазкны

"Иахьазы аԥсшьарҭатә комплекс аҿы рыԥсы ршьоит 1800-ҩык. Ҵыԥх уажәааны 1200 ракәын иҟаз. Уи зыбзоурахазгьы ҳәа ҳгәы иззаанаго Гьаргь Блаб ихьӡ зху абокс азы Пицунда имҩаԥысуа атурнир ауп. Амшқәагьы аԥсшьараамҭазы ибзиоуп, уи алагала ыҟоуп. Уажәазы азыҳәарақәа маҷуп иҟарҵо еиҭа аԥсшьаразы, аха амз аҵыхәанӡа аус аауп ҳәа ҳгәыӷуеит", - ҳәа еиҭеиҳәеит Гәынба.

Аԥсшьарҭатә комплекс аҿы иҟоу ауадаҩрақoа ртәы далацәажәо, Гәынба иҳәеит.

"Аӡыканал ацхыраара аҭахуп, уи аҳабла зегьы ӡыла еиқәнаршәоит иара аԥсшьарҭатә комплекс адагьы, иара анаплакы абаланс аҿы иқәгылоуп, иҟаҵатәу рацәоуп. Аӡыцрыҵқәа ракәзар, ақәра рымоуп, есԥхынра амчра ӷәӷәа роуеит, усҟан ана-ара иацәцо иалагоит. Уи аҭыԥ аԥшаара усҟак имариам, иҳақәҿиеит иара атәы здыруа Алексеи Кьетиа дахьҳамоу. Иара акыр шықәса аус иуеит, аԥсшьарҭатә комплекс аҿы аӡыцрыҵқәа шьышьықәгылоу атәы идыруеит", - ҳәа еиҭеиҳәеит Гәынба.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы.

Иара убас шәаԥхьар ҟалоит:

4