ашьапылампыл

Мыд ихәыц злашәаз: ашьапылампыл азы Аԥсны ачемпионати Ахраҿеи мҩаԥырымгар ҟалоит

27
Ашьапылампыл азы Аԥсны ачемпионати Аԥсны Ахраҿеи мҩаԥгахо имҩаԥымгахо, афинанстә уадаҩрақәа рзыӡбоу ирзымӡбоу уҳәа ртәы Sputnik аматериал аҟны.

Изаамҭанытәиу XXVII Аԥсны ачемпионати Ахраҿеи хацыркхар акәын 2019 шықәса цәыббрамзазы, аха 2020 шықәса ааԥынрахь ииаган аклубқәа рфинанстә проблемақәа ирхырҟьаны.

Sputnik

Иҟалома ашьапылампыл

Изаамҭанытәу Аԥсны ачемпионати Ахраҿеи хацыркхар акәын иҳаҩсыз ашықәс цәыббрамзазы иахьымҩаԥырымгаз ахҟьеит аклубқәа рфинанстә ҭагылазаашьа уадаҩ азы. Ишәгәалаҳаршәоит XXVI Аԥсны ачемпионат ишалахәыз акомандақәа фба – "Нарҭ", "Гагра", "Риҵа", "Афон", "Самырзаҟан", "Динамо" Аҟәа.

Акомандақәа "Афон", "Самырзаҟан" рфинанстә проблемақәа ирхырҟьаны ачемпионат изалахәхомызт, арҭ рҩызцәа аҭагылазашьақәа рҟны ачемпионат амҩаԥгарагьы алшомызт.

Аибашьра аанаҵәазар, ашьапылампыл ауадаҩрақәа амоуп, аха раԥхьаӡа акәны ачемпионати Ахраҿеи раамҭа иахыган. Аклубқәа реиҳарак аҳәынҭқарра аҟынтәи ацхыраара роуам. Урҭ ирылшо злаҟарҵо аспонсортә дгыларалоуп.

Ашьапылампылтә клуб "Нарҭ" ахада Геннади Ҵнариа иажәақәа рыла, ирацәаҩуп ашьапылапыласыҩцәа қәыԥшцәа рахьтә аспорт аанзыжьуа. Иара иазгәеиҭеит аспонсортә цхыраара шазымхо. Ус шакәугьы, апроблемақәа ӡбахап ҳәа дгәыӷуеит.

Аҳҭнықалақь акоманда "Динамо" – атәыла Ахраҿа ахалархәра иақәшаҳаҭуп, иара мҩаԥгахар.

"Динамо" аҽазыҟаҵарақәа ирҿуп. Аҳәынҭқарратә цхыраара ҳамам, аха ҳҩызцәа-ҳақәлацәа адгылара ҳарҭоит", - иҳәоит аклуб ахада Асҭамыр Адлеиба.

Аклубқәа рыхәҭак аԥаразоужьра рзыҟарҵоит араионқәа, аха араҟагьы аҭагылазаашьа мариам. Шықәсқәак раԥхьа ачемпионат иалҵит акомандақәа "Шахтиор" (Тҟәарчал), "Спартак" (Гәылрыԥшь). Изыхҟьаз – араионқәа аԥара рымамзаароуп. Абри аҩыза апроблема аиуит ииасыз ашықәс азы афонтәи акомандагьы.

"Афон" азыҟаҵаҩ Армен Капикиан Sputnik аинтервиу аҭо иҳәеит аԥаразоужьра еиҭахацыркхар, акоманда аицлабрақәа ишрылахәхо.

Акоманда "Гагра" аҭыԥантәи абиуџьет аҟынтәи аԥаразоужьра аиуеит, проблема амаӡам. Азыҟаҵаҩ Ҭамаз Еныкь иҳәеит аицлабрақәа ишырзыхиоу.

Акомандақәа рҿадагьы апроблемақәа ыҟоуп

Аԥаразоужьра адагьы апроблемақәа ыҟоуп аӡбаратә корпус аганахьала. Аԥсны аҿари аспорти русқәа рзы аилак ахантәаҩы инапынҵақәа назыгӡо Михаил Пиканин иҳәеит:

"Аныхратә харџьынҵақәа шьақәҳаргылеит. Актәи ачемпионат ԥшь-еикәшаракны ф-командак алахәхоит, аҩбатәи – х-еикәшаракны ф-командак алахәхоит. Арахь иаҵаҳаркит ахәыҷтәы-қәыԥштә лигагьы", - ҳәа.

2020 шықәса рзы ҩ-миллионк рҟынӡа аԥара азоужьхоит ачемпионати Алигеи рымҩаԥгара.

"Ааԥынразы атәыла ачемпионати Ахраҿеи мҩаԥгахар ҟалоит ҳәа ҳгәыӷыргьы ҟалоит, аха иҟоуп даҽа проблемакгьы - аӡбаҩцәа рыҟамзаара. Аицлабрақәа ҟалар, урҭ Урыстәылантәи рааԥхьара ҳақәшәоит", - иҳәеит Пиканин.

Иара иажәақәа рыла, Ачемпионат ҟало иҟамло ҳәа азҵаара ықәыргалазар ҟалаӡом. Уи есымшагьы имҩаԥгалатәуп. Уи апроблема аҭыԥ ақәҵаразы аплан шьақәыргыланы, иқәныҟәатәуп.

Иара убас шәаԥхьар ҟалоит:

27

Sputnik апресс-центр аҟны еиҭарҳәоит аԥсуаа рҿы аӡахәааӡара аҭоурых

7
(ирҿыцуп 20:21 01.10.2020)
Жьҭаара 2 асааҭ 14:00 рзы Sputnik Аԥсны амультимедиатә пресс-центр аҿы имҩаԥгахоит Фарид Кәабахьиеи Николаи Ачбеи рышәҟәы "Ажәытәан аԥсуаа рҟны аӡахәааӡареи аҩыҟаҵареи" иазку апресс-конференциа.

Апресс-конференциа иалахәуп:

  • Фарид Кәабахьиа – аҭоурыхдырыҩ, Аԥсуаҭҵааратә институт анаукатә усзуҩ;
  • Николаи Ачба – "Аԥсны аҩқәеи аӡқәеи" адиректор хада.

Амассатә-информациатә хархәагақәа рхаҭарнакцәа ааҳаԥхьоит апресс–конференциахь (аҭыӡҭыԥ: ақ. Аҟәа, Пушкин имҩ. 16, абизнес-центр "Гәдоу Плаза", 5-тәи аихагыла).

Аккредитациа ҟалоит абри аҭел ала: +7(940) 926 00 00

Азыҳәа анашьҭразы аелектронтә ҭыӡҭыԥ: info.abk@sputniknews.com

Иара убасгьы шәара ишәылшоит апресс-конференциа алахәылацәа зинтерес шәымоу азҵаарақәа рышәҭарц Sputnik Аԥсны асоциалтә ҳа Facebook аҿтәи адаҟьаҿы мамзаргьы аелектронтә ԥошьҭахь инашьҭны: info.abk@sputniknews.com

7

Раионк аԥсҭазаараҟнытә: Гәынба "Акурорт "Пицунда" аԥсшьаҩцәа раҭаара иазкны

4
(ирҿыцуп 20:10 01.10.2020)
"Акурорт Пицунда" аиҳабы Фрикан Гәынба арадио Sputnik аефир аҿы еиҭеиҳәеит иахьазы аԥсшьарҭатә комплекс аҿы шаҟаҩы рыԥсы ршьо, насгьы уи иамоу ауадаҩрақәа ртәы.
Раионк аԥсҭазаараҟнытә: акурорт "Пицунда" аԥсшьаҩцәа раҭаара иазкны

"Иахьазы аԥсшьарҭатә комплекс аҿы рыԥсы ршьоит 1800-ҩык. Ҵыԥх уажәааны 1200 ракәын иҟаз. Уи зыбзоурахазгьы ҳәа ҳгәы иззаанаго Гьаргь Блаб ихьӡ зху абокс азы Пицунда имҩаԥысуа атурнир ауп. Амшқәагьы аԥсшьараамҭазы ибзиоуп, уи алагала ыҟоуп. Уажәазы азыҳәарақәа маҷуп иҟарҵо еиҭа аԥсшьаразы, аха амз аҵыхәанӡа аус аауп ҳәа ҳгәыӷуеит", - ҳәа еиҭеиҳәеит Гәынба.

Аԥсшьарҭатә комплекс аҿы иҟоу ауадаҩрақoа ртәы далацәажәо, Гәынба иҳәеит.

"Аӡыканал ацхыраара аҭахуп, уи аҳабла зегьы ӡыла еиқәнаршәоит иара аԥсшьарҭатә комплекс адагьы, иара анаплакы абаланс аҿы иқәгылоуп, иҟаҵатәу рацәоуп. Аӡыцрыҵқәа ракәзар, ақәра рымоуп, есԥхынра амчра ӷәӷәа роуеит, усҟан ана-ара иацәцо иалагоит. Уи аҭыԥ аԥшаара усҟак имариам, иҳақәҿиеит иара атәы здыруа Алексеи Кьетиа дахьҳамоу. Иара акыр шықәса аус иуеит, аԥсшьарҭатә комплекс аҿы аӡыцрыҵқәа шьышьықәгылоу атәы идыруеит", - ҳәа еиҭеиҳәеит Гәынба.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы.

Иара убас шәаԥхьар ҟалоит:

4