Ахырхарҭа ҿыцқәа: Аԥсны жәларбжьаратәи атуристтә цәыргақәҵа MITT аҟны иқәгылоит

16
(ирҿыцуп 18:05 19.02.2020)
2020 хәажәкырамзазы Москва имҩаԥысраны иҟоу жәларбжьаратәи атуристтә цәыргақәҵа MITT Аԥсны алахәхоит.

АҞӘА, жәабран 19 – Sputnik. 2020 хәажәкыра 17-19 рзы Москва имҩаԥысуа жәларбжьаратәи атуристтә цәыргақәҵа MITT Аԥсны алахәхоит ҳәа арадио Sputnik иазеиҭеиҳәеит Акурортқәеи атуризми рзы аилак ахантәаҩы Авҭандил Гарцкьиа.

2020 шықәса хәажәкырамзазы Москва имҩаԥысуа жәларбжьаратәи атуристтә цәыргақәҵа MITT аҟны ареспублика ахьӡала иқәгылоит атуристә усхк знапы алаку 15 субиект. Арахь иаҵанакуеит: Шакурантәи, Аацытәи, Аҟармаратәи аӡхыҽҽақәа, арадонтә ӡыхьқәа, аспелео- и арафтинги-турқәа.

"Сынтәа аинтерес зҵоу апрограммақәа ҳамоуп. Еиуеиԥшым урыстәылатәи АИХқәа абри аус аҿы адгылара ҳарҭоит. Ҳара есышықәса иҿыцу ак цәыраагоит. Сынтәагьы аекскурсиатә хырхарҭа ҿыцқәа алаагалоит", - иҳәоит Гарцкьиа.

Иара иазгәеиҭеит ацәыргақәҵа Аԥсны аимиџь азы аҵак ду аманы иҟоуп ҳәа. Ареспублика абри ауснагӡатә есышықәса х-миллион мааҭ ақәнарӡуеит, аха ари уаҵәтәи амш азы илагалоуп, избанзар MITT аҿы аиқәшаҳаҭрақәа жәпакы рнапы рыҵарыҩуеит.

"Ҳара уа асасцәа рацәаҩны иаҳҭаауеит, ҳхы ӡыраагоит. Астенд бзиаӡа ҳамоуп. Изныкымкәангьы ҳалкааны ҳаӡбахә рҳәахьеит. Иҟоуп изҳәо "изаҭахузеи?" ҳәа. Аха уи иашам. Алахәхара миллион бжак иаԥсоуп, астендгьы убри аҟара. Шықәсык бжьахар, ҳастенд ҳцәыӡуеит", - иҳәоит иара.

Гарцкьиа иазгәеиҭеит есышықәса Аԥсны ишаҭаауа миллионҩык рҟынӡа атуристцәа. Иара иажәақәа рыла, уажәы ихадароу аполитикатә процессқәа абри аус анырра бааԥс арымҭарц ауп.

"Ҳара иаадыруеит атуризм ишалахәу зықьҩыла ҳуааԥсыра. Ауаа афеида рызҭо хырхарҭоуп. Аимак-аиҿак ахьыҟоу, аҭагылазаашьа ахьҭышәынтәалам атурист днеиуам. Уи аԥсшьара, ҭынч аамҭа ахгароуп ииҭаху. Ҳара ҳзы атуризм ахьы иаҩызоуп", - иҳәоит Гарцкьиа.

Аԥсны 2020 шықәса хәажәкырамзазы Москва имҩаԥысуа жәларбжьаратәи атуристтә цәыргақәҵа MITT иалахәхоит. Сынтәа ацәыргақәҵаҿ иҟалоит 200 рҟынӡа тәыла рхаҭарнакцәа.

Иара убас шәаԥхьар ҟалоит:

16

Sputnik апресс-центр аҟны еиҭарҳәоит аԥсуаа рҿы аӡахәааӡара аҭоурых

8
(ирҿыцуп 20:21 01.10.2020)
Жьҭаара 2 асааҭ 14:00 рзы Sputnik Аԥсны амультимедиатә пресс-центр аҿы имҩаԥгахоит Фарид Кәабахьиеи Николаи Ачбеи рышәҟәы "Ажәытәан аԥсуаа рҟны аӡахәааӡареи аҩыҟаҵареи" иазку апресс-конференциа.

Апресс-конференциа иалахәуп:

  • Фарид Кәабахьиа – аҭоурыхдырыҩ, Аԥсуаҭҵааратә институт анаукатә усзуҩ;
  • Николаи Ачба – "Аԥсны аҩқәеи аӡқәеи" адиректор хада.

Амассатә-информациатә хархәагақәа рхаҭарнакцәа ааҳаԥхьоит апресс–конференциахь (аҭыӡҭыԥ: ақ. Аҟәа, Пушкин имҩ. 16, абизнес-центр "Гәдоу Плаза", 5-тәи аихагыла).

Аккредитациа ҟалоит абри аҭел ала: +7(940) 926 00 00

Азыҳәа анашьҭразы аелектронтә ҭыӡҭыԥ: info.abk@sputniknews.com

Иара убасгьы шәара ишәылшоит апресс-конференциа алахәылацәа зинтерес шәымоу азҵаарақәа рышәҭарц Sputnik Аԥсны асоциалтә ҳа Facebook аҿтәи адаҟьаҿы мамзаргьы аелектронтә ԥошьҭахь инашьҭны: info.abk@sputniknews.com

8

Раионк аԥсҭазаараҟнытә: Гәынба "Акурорт "Пицунда" аԥсшьаҩцәа раҭаара иазкны

4
(ирҿыцуп 20:10 01.10.2020)
"Акурорт Пицунда" аиҳабы Фрикан Гәынба арадио Sputnik аефир аҿы еиҭеиҳәеит иахьазы аԥсшьарҭатә комплекс аҿы шаҟаҩы рыԥсы ршьо, насгьы уи иамоу ауадаҩрақәа ртәы.
Раионк аԥсҭазаараҟнытә: акурорт "Пицунда" аԥсшьаҩцәа раҭаара иазкны

"Иахьазы аԥсшьарҭатә комплекс аҿы рыԥсы ршьоит 1800-ҩык. Ҵыԥх уажәааны 1200 ракәын иҟаз. Уи зыбзоурахазгьы ҳәа ҳгәы иззаанаго Гьаргь Блаб ихьӡ зху абокс азы Пицунда имҩаԥысуа атурнир ауп. Амшқәагьы аԥсшьараамҭазы ибзиоуп, уи алагала ыҟоуп. Уажәазы азыҳәарақәа маҷуп иҟарҵо еиҭа аԥсшьаразы, аха амз аҵыхәанӡа аус аауп ҳәа ҳгәыӷуеит", - ҳәа еиҭеиҳәеит Гәынба.

Аԥсшьарҭатә комплекс аҿы иҟоу ауадаҩрақoа ртәы далацәажәо, Гәынба иҳәеит.

"Аӡыканал ацхыраара аҭахуп, уи аҳабла зегьы ӡыла еиқәнаршәоит иара аԥсшьарҭатә комплекс адагьы, иара анаплакы абаланс аҿы иқәгылоуп, иҟаҵатәу рацәоуп. Аӡыцрыҵқәа ракәзар, ақәра рымоуп, есԥхынра амчра ӷәӷәа роуеит, усҟан ана-ара иацәцо иалагоит. Уи аҭыԥ аԥшаара усҟак имариам, иҳақәҿиеит иара атәы здыруа Алексеи Кьетиа дахьҳамоу. Иара акыр шықәса аус иуеит, аԥсшьарҭатә комплекс аҿы аӡыцрыҵқәа шьышьықәгылоу атәы идыруеит", - ҳәа еиҭеиҳәеит Гәынба.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы.

Иара убас шәаԥхьар ҟалоит:

4