Џьынџьал адемографиазы: ма аҭоурых аӡыблара ҳагоит, ма амаҵә ҳахьынҳалароуп

© Sputnik / Томас ТхайцукЏьынџьал: ма аҭоурых аӡыблара ҳагоит, ма амаҵә ҳахьынҳалароуп
Џьынџьал: ма аҭоурых аӡыблара ҳагоит, ма амаҵә ҳахьынҳалароуп - Sputnik Аҧсны
Анапаҵаҩра
Асоциалтә политикеи, аџьеи, агәабзиарахьчареи, адемографиеи аибашьра аветеранцәеи аинвалидцәеи русқәа рзы апарламенттә еилакы ахантәаҩы Алхас Џьынџьал Аԥсны Апарламент аҿы аус адулоуп адемографиатә политиказы азакәан апроект далацәажәеит Sputnik аҟны.

АҞӘА, жәабран 20 - Sputnik. Аԥсны Апарламент аҿы аус адулоуп адемографиатә политиказы азакәан апроект иҳәеит асоциалтә политикеи, аџьеи, агәабзиарахьчареи, адемографиеи, аибашьра аветеранцәеи аинвалидцәеи русқәа рзы апарламенттә еилакы ахантәаҩы Алхас Џьынџьал.

"Аусутә гәыԥ арепатриантцәа рзы азакәан ариашарақәа аус рыдырулеит, адемографиатә политиказы хаз игоу азакәани адемографиатә политиказы хықәкылатәи аҳәынҭқарратә программеи аус рыднаулеит. Адемографиатә политиказы азакәан азиндырратә ҵаҵӷәы анаҭоит абри аилкаара. Ҳара абри аус ҳшалацәажәогьы аус аҿы анормативқәа ҳамам, ахырхарҭақәа алкаам, аҭакзыԥхықәу ауаа шьақәыргылам", - иҳәеит Џьынџьал.

Иара агәыӷра ааирԥшит абри адокумент адемографиазы аҳәынҭпрограмма шьаҭас иаиуеит ҳәа. Ахықәкытә программа апрограмма маҷқәа рыла еихшоуп: ахәҭак аҭаацәара қәыԥшқәа нхарҭала реиқәыршәара иазырхоуп, егьи – усурҭаҭыԥла, ахԥатәи – амедицинатә цхыраара. Абри аан аҵакы амоуп апрограмма аинформациатә дгылара.

"Иахьа зегьы иаабоит ҳтәыла адемографиа ахықә аҿы инеины ишыҟоу. Иҟоу аҭагылазаашьа ала ма аҭоурых аӡыблара ҳагоит, ма амаҵә ҳахьынҳалароуп", - иҳәеит иара.

Уаанӡа арадио Sputnik аинтервиу азҭаз, Аԥсны адемографиа азҵаарақәа ҭызҵаауа, аекономикатә ҭҵаарадыррақәа ркандидат, ААУ адоцент Инга Арӡынԥҳа иазгәалҭеит адемографиатә процессқәа ҟазшьарбаганы ишрымоу аира аиҵахареи аԥсра аизҳареи. Аҵарауаҩ лажәақәа рыла аира азеиԥш коеффициент ҩынтәны еиҵахеит ҳәа.

Иара убас шәаԥхьар ҟалоит:

Ажәабжьқәа зегьы
0