Баҭал Ҷежьиа ареитингтә қәгылара мҩаԥигоит Анапа

Баҭал Ҷежьиа ареитингтә қәгылара мҩаԥигоит Анапа

17
(ирҿыцуп 18:45 20.02.2020)
Апрофессионалтә бокс ашоу "Gladiator-VI" мҩаԥысуеит Анапа азал "Капитан" аҿы хәажәкыра 14 рзы. Иалагоит асааҭ 18:00 рзы.

АҞӘА, жәабран 20 – Sputnik. Баҭал Чежьиа Апрофессионалтә бокс ашоу "Gladiator-VI" далахәхоит. Апрофессионалтә бокс ашоу "Gladiator-VI" мҩаԥысуеит Анапа азал "Капитан" аҿы хәажәкыра 14 рзы, диндаҭлоит урыстәылатәи аспортсмен Сергеи Горохов.

Сергеи Горохов жәынтә аиааира игахьеит, ҩынтә даҵахахьеит.

"Даара аԥышәа змоу спортсменуп", - иҳәоит уи изы Ҷежьиа.

Баҭал Ҷежьиа Абокс азы адунеизегьтәи аиҿкаара (WBO) аверсиала аҿар рыбжьара иреиӷьу ҳәа ахьӡ азы ақәгылара мҩаԥигеит абҵара 14, 2019 шықәса рзы Санкт-Петербург. Украинатәи аспортсмен Џьамал Усманови иареи рықәгылара еиҭахарала ихдыркәшеит.

Абри ашьҭахь Аԥснытәи абоксиор арадио Spunik амҩаԥгаҩ изеиҭеиҳәеит Абокс азы адунеизегьтәи аиҿкаара (WBO) аверсиала аҿар рыбжьара иреиӷьу ҳәа ахьӡ азы Санкт-Петербург иқәгылара аӡбаҩцәа ирыдыркылаз аӡбамҭа дшақәшаҳаҭым, Усманави иареи реиндаҭлара аҭыхымҭа деиҭашахәаԥшыз. Ихы бзианы иааирԥшит ҳәа ишишьо, аха аӡбара ахашшаара аҭахны иԥхьаӡом.

Аиҭахарагьы лҵшәа бзиоуп. Уи адагьы уи ԥышәоуп ҳәа азиҳәоит Ҷежьиа.

Ҷежьиа иара убасгьы иҳәеит аматч-реванш мҩаԥгазар шиҭахыз, аха Усманов икоманда уи мап шацәыркыз, избанзар дара аиҭахара иааирак еиԥш иазнеиуеит.

Баҭал Ҷежьиа – ажурнал "Про Бокс" аверсиала ИАРи Аславиан тәылақәеи дырчемпионуп, 2017 шықәса рзы Анапа имҩаԥысуаз ашоу "Гладиаторы ринга" аҟны даиааит, Ростов-на-Дону ақалақь аҿы апрофессионалтә бокс ахәылԥаз далахәны Москва иқәгылараан акамерун Даниел Нигата дииааиуеит.

22 шықәса зхыҵуа Баҭал Ҷежьиа иахьазы адунеитә реитинг аҿы 154-тәи апозициаҿ дыҟоуп, Урыстәыла – икапантә категориала аабатәи аҭыԥ аҿы дгылоуп.

Сергеи Горохов адунеи иреиӷьу 250 боксиор дреиуоуп. Урыстәыла иреиӷьу ажәаҩык дрылахәуп.

Иара убас шәаԥхьар ҟалоит:

17

Sputnik апресс-центр аҟны еиҭарҳәоит аԥсуаа рҿы аӡахәааӡара аҭоурых

8
(ирҿыцуп 20:21 01.10.2020)
Жьҭаара 2 асааҭ 14:00 рзы Sputnik Аԥсны амультимедиатә пресс-центр аҿы имҩаԥгахоит Фарид Кәабахьиеи Николаи Ачбеи рышәҟәы "Ажәытәан аԥсуаа рҟны аӡахәааӡареи аҩыҟаҵареи" иазку апресс-конференциа.

Апресс-конференциа иалахәуп:

  • Фарид Кәабахьиа – аҭоурыхдырыҩ, Аԥсуаҭҵааратә институт анаукатә усзуҩ;
  • Николаи Ачба – "Аԥсны аҩқәеи аӡқәеи" адиректор хада.

Амассатә-информациатә хархәагақәа рхаҭарнакцәа ааҳаԥхьоит апресс–конференциахь (аҭыӡҭыԥ: ақ. Аҟәа, Пушкин имҩ. 16, абизнес-центр "Гәдоу Плаза", 5-тәи аихагыла).

Аккредитациа ҟалоит абри аҭел ала: +7(940) 926 00 00

Азыҳәа анашьҭразы аелектронтә ҭыӡҭыԥ: info.abk@sputniknews.com

Иара убасгьы шәара ишәылшоит апресс-конференциа алахәылацәа зинтерес шәымоу азҵаарақәа рышәҭарц Sputnik Аԥсны асоциалтә ҳа Facebook аҿтәи адаҟьаҿы мамзаргьы аелектронтә ԥошьҭахь инашьҭны: info.abk@sputniknews.com

8

Раионк аԥсҭазаараҟнытә: Гәынба "Акурорт "Пицунда" аԥсшьаҩцәа раҭаара иазкны

5
(ирҿыцуп 20:10 01.10.2020)
"Акурорт Пицунда" аиҳабы Фрикан Гәынба арадио Sputnik аефир аҿы еиҭеиҳәеит иахьазы аԥсшьарҭатә комплекс аҿы шаҟаҩы рыԥсы ршьо, насгьы уи иамоу ауадаҩрақәа ртәы.
Раионк аԥсҭазаараҟнытә: акурорт "Пицунда" аԥсшьаҩцәа раҭаара иазкны

"Иахьазы аԥсшьарҭатә комплекс аҿы рыԥсы ршьоит 1800-ҩык. Ҵыԥх уажәааны 1200 ракәын иҟаз. Уи зыбзоурахазгьы ҳәа ҳгәы иззаанаго Гьаргь Блаб ихьӡ зху абокс азы Пицунда имҩаԥысуа атурнир ауп. Амшқәагьы аԥсшьараамҭазы ибзиоуп, уи алагала ыҟоуп. Уажәазы азыҳәарақәа маҷуп иҟарҵо еиҭа аԥсшьаразы, аха амз аҵыхәанӡа аус аауп ҳәа ҳгәыӷуеит", - ҳәа еиҭеиҳәеит Гәынба.

Аԥсшьарҭатә комплекс аҿы иҟоу ауадаҩрақoа ртәы далацәажәо, Гәынба иҳәеит.

"Аӡыканал ацхыраара аҭахуп, уи аҳабла зегьы ӡыла еиқәнаршәоит иара аԥсшьарҭатә комплекс адагьы, иара анаплакы абаланс аҿы иқәгылоуп, иҟаҵатәу рацәоуп. Аӡыцрыҵқәа ракәзар, ақәра рымоуп, есԥхынра амчра ӷәӷәа роуеит, усҟан ана-ара иацәцо иалагоит. Уи аҭыԥ аԥшаара усҟак имариам, иҳақәҿиеит иара атәы здыруа Алексеи Кьетиа дахьҳамоу. Иара акыр шықәса аус иуеит, аԥсшьарҭатә комплекс аҿы аӡыцрыҵқәа шьышьықәгылоу атәы идыруеит", - ҳәа еиҭеиҳәеит Гәынба.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы.

Иара убас шәаԥхьар ҟалоит:

5