Абоксиор Анри Аршба Санкт-Петербург қәҿиарала дықәгылеит

18
(ирҿыцуп 09:58 22.02.2020)
Аџьынџьтәылатә еибашьра ду аҿы Аиааира 75-шықәса ахыҵра иазку Жәларбжьаратәи ақәыԥшцәа рықәгылара мҩаԥысуеит Санкт-Петербург, жәабран 19- 23 рзы.

АҞӘА, жәабран 21 – Sputnik. Абоксиор Анри Аршба Узбекистантәи Азиа ачемпион Мухиддин Џьахонгир дииааины атурнир уажәшьҭантәи аикәшарахь днеит ҳәа Sputnik иазеиҭеиҳәеит аспортсмен иазыҟаҵаҩ, абокс азы Аԥсны Афедерациа ахада Альберт Карди-оӷлы.

Анри Аршба Урыстәыла еизго акоманда далахәны 57 кьыла зкапануа рыбжьара дықәгылоит, 15 шықәса ихыҵуеит. Атурнир иалахәуп Санкт-Петербург, Белоруссиа, Узбекистан, Урыстәыла арегионқәа рҟынтәи абоксиорцәа.

"Атурнир аикәыршаратә системала имҩаԥысуеит. Аԥхьа Урыстәылеи Узбекистани ркомандақәа еиԥылоит, нас – Узбекистани Белоруссиеи, ашьҭахь Урыстәылеи Белоруссиеи", - иҳәоит иара.

Санкт-Петербургтәи атурнир ашьҭахь Урыстәыла акоманда мчыбжьык аԥсшьара амоуп, нас жәларбжьаратәи аицлабрақәа рҽырзыҟарҵалоит.

Анри Аршба ԥшьы-еиԥыларак мҩаԥигараны дыҟоуп иҳәоит Альберт Карди-оӷлы.

Анри Аршба хәышықәса ҵуеит абокс инапы алакуижьҭеи, изныкымкәа Аԥсни анҭыҵи аԥхьахәқәа игахьеит.

18

Sputnik апресс-центр аҟны еиҭарҳәоит аԥсуаа рҿы аӡахәааӡара аҭоурых

4
(ирҿыцуп 20:21 01.10.2020)
Жьҭаара 2 асааҭ 14:00 рзы Sputnik Аԥсны амультимедиатә пресс-центр аҿы имҩаԥгахоит Фарид Кәабахьиеи Николаи Ачбеи рышәҟәы "Ажәытәан аԥсуаа рҟны аӡахәааӡареи аҩыҟаҵареи" иазку апресс-конференциа.

Апресс-конференциа иалахәуп:

  • Фарид Кәабахьиа – аҭоурыхдырыҩ, Аԥсуаҭҵааратә институт анаукатә усзуҩ;
  • Николаи Ачба – "Аԥсны аҩқәеи аӡқәеи" адиректор хада.

Амассатә-информациатә хархәагақәа рхаҭарнакцәа ааҳаԥхьоит апресс–конференциахь (аҭыӡҭыԥ: ақ. Аҟәа, Пушкин имҩ. 16, абизнес-центр "Гәдоу Плаза", 5-тәи аихагыла).

Аккредитациа ҟалоит абри аҭел ала: +7(940) 926 00 00

Азыҳәа анашьҭразы аелектронтә ҭыӡҭыԥ: info.abk@sputniknews.com

Иара убасгьы шәара ишәылшоит апресс-конференциа алахәылацәа зинтерес шәымоу азҵаарақәа рышәҭарц Sputnik Аԥсны асоциалтә ҳа Facebook аҿтәи адаҟьаҿы мамзаргьы аелектронтә ԥошьҭахь инашьҭны: info.abk@sputniknews.com

4

Раионк аԥсҭазаараҟнытә: Гәынба "Акурорт "Пицунда" аԥсшьаҩцәа раҭаара иазкны

4
(ирҿыцуп 20:10 01.10.2020)
"Акурорт Пицунда" аиҳабы Фрикан Гәынба арадио Sputnik аефир аҿы еиҭеиҳәеит иахьазы аԥсшьарҭатә комплекс аҿы шаҟаҩы рыԥсы ршьо, насгьы уи иамоу ауадаҩрақәа ртәы.
Раионк аԥсҭазаараҟнытә: акурорт "Пицунда" аԥсшьаҩцәа раҭаара иазкны

"Иахьазы аԥсшьарҭатә комплекс аҿы рыԥсы ршьоит 1800-ҩык. Ҵыԥх уажәааны 1200 ракәын иҟаз. Уи зыбзоурахазгьы ҳәа ҳгәы иззаанаго Гьаргь Блаб ихьӡ зху абокс азы Пицунда имҩаԥысуа атурнир ауп. Амшқәагьы аԥсшьараамҭазы ибзиоуп, уи алагала ыҟоуп. Уажәазы азыҳәарақәа маҷуп иҟарҵо еиҭа аԥсшьаразы, аха амз аҵыхәанӡа аус аауп ҳәа ҳгәыӷуеит", - ҳәа еиҭеиҳәеит Гәынба.

Аԥсшьарҭатә комплекс аҿы иҟоу ауадаҩрақoа ртәы далацәажәо, Гәынба иҳәеит.

"Аӡыканал ацхыраара аҭахуп, уи аҳабла зегьы ӡыла еиқәнаршәоит иара аԥсшьарҭатә комплекс адагьы, иара анаплакы абаланс аҿы иқәгылоуп, иҟаҵатәу рацәоуп. Аӡыцрыҵқәа ракәзар, ақәра рымоуп, есԥхынра амчра ӷәӷәа роуеит, усҟан ана-ара иацәцо иалагоит. Уи аҭыԥ аԥшаара усҟак имариам, иҳақәҿиеит иара атәы здыруа Алексеи Кьетиа дахьҳамоу. Иара акыр шықәса аус иуеит, аԥсшьарҭатә комплекс аҿы аӡыцрыҵқәа шьышьықәгылоу атәы идыруеит", - ҳәа еиҭеиҳәеит Гәынба.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы.

Иара убас шәаԥхьар ҟалоит:

4