Шахматы

Аҟәатәи ашахматтә турнир аҿы иаиааиз рыхьӡқәа рҳәеит

22
(ирҿыцуп 14:16 24.02.2020)
Аԥсны иҟоу "Россотрудничество" анапхгаҩы иажәақәа рыла, абри аҩыза атурнир есышықәса имҩаԥыргалоит.

АҞӘА, жәабран 24 - Sputnik. Аҟәа ихдыркәшеит Аԥсадгьыл ахьчаҩ имш иазкны имҩаԥгаз ашахматтә турнир аихшьалақәа рыҟаҵара. Аицлабрақәа ирылахәын Аԥсни Урыстәылеи рымчратә усбарҭақәа рхаҭарнакцәа, ААУ астудентцәа, аҟәатәи ашколқәа №1, №10, №11 рҵаҩцәа.

Атурнир аҟны аиааира агеит Аҟәа ақалақь акоманда. Аҩбатәи аҭыԥ – абыжьбатәи урыстәылатәи арратә база акоманда. Ахԥатәи – аҟәатәи абжьаратә школ №1. Ашколхәыҷқәа рыбжьара иреиӷьу алҵшәақәа ааирԥшит Аскар Аџьынџьал (ашкол №10), аветеранцәа рыбжьара - Борис Наҟоԥиа.

Зегьы иранашьан ахраҿақәа, аҳаҭыртә шәҟәқәа, агәалашәаратә ҳамҭақәа.

Атурнир еиҿыркааит: "Россотрудничество", Аԥсны Ашахмат азы афедерациа.

Аԥсны иҟоу "Россотрудничество" анапхгаҩы Вадим Чеха иҳәеит абри аҩыза атурнир есышықәса ишымҩаԥыргало.

Иара убас шәаԥхьар ҟалоит:

22

Гәымԥҳа: COVID-19 адунеи зегьы иалаҵәеит, иҳамчу - хәыҷык акрычҳара аарԥшроуп

4
(ирҿыцуп 18:52 03.08.2020)
Амилаҭтә туристтә еилахәра аусзуҩ, аекскурсиа амҩаԥгаҩ Алиса Гәымԥҳа арадио Sputnik аефир аҟны еиҭалҳәеит апандемиа аамҭазы русураҟны изықәныҟәо аԥҟарақәа ртәы.
Гәымԥҳа: COVID-19 адунеи зегьы иалаҵәеит, иҳамчу-хәыҷык акрычҳара аарԥшроуп

"Атуризм азы аминистрра аҟынтәи аԥҟарақәа ҳзаарышьҭит ф-пунктк рыла ишьақәгылоуп. Уаҟа иаҳәоит асабрадақәа, анапҭарԥақәа ныҟәаҳгар шакәу, насгьы ацқьара аԥҟарақәа ишрыцклаԥштәу, аекскурсиа амҩаԥгаҩ COVID-19 асимптомқәа аԥсшьаҩы иныибаалар амедицинатә усҳәарҭахь днаигар шаҭаху, аҭакԥхықәра ду ааирԥшыр шакәу. Сгәаанагарала, урҭ аԥҟарақәа рҿы иаҳзынамыгӡо ҳәа акгьы анӡам. Ачымазара ҿкы адунеи зегьы иалаҵәаз ауп, иҳамчу –хәыҷык акрычҳара аарԥшроуп", - лҳәеит Гәымԥҳа.

Иаҳа инеиҵыху анҵамҭа шәаҳар шәылшоит арадио Sputnik Аԥсны аефир аҟны.

Иара убас шәаԥхьар ҟалоит:

4

Баҭал Чежьиа WBC аверсиала адунеи ачемпион ититул азы деисраны дыҟоуп

5
(ирҿыцуп 18:45 03.08.2020)
Нанҳәа 15 рзы Шәача, Гәбаа адәаҿы имҩаԥысраны иҟоуп абокс азы ашоу Адунеизегьтәи абокс азы ахеилак 58 аконвенциа аҳәаақәа ирҭагӡаны. WBC аверсиала адунеи ачемпион ититул азы еисараны иҟоуп.

АҞӘА, нанҳәа 3 – Sputnik, Ренат Ԥачалиа. Аԥснытәи абоксиор Баҭал Чежьиеи Урыстәылатәи абоксиор Сергеи Кожухари WBC аверсиала адунеи ачемпион ититул азы еисараны иҟоуп.

Баҭал Чежьиа аинформациатә маҵзура Sputnik адырра аиҭеит аиндаҭлараҿы аиааира игар иреитинг акыр ишхало.

"Атурнир аиҿкааҩцәа руаӡәк, сызцықәгыло именеџьерцәа иреиуоу аҭел дысзасит, исирдырит аиндаҭлара арыцхә, аԥҟарақәа. Скомандеи сареи иҳаӡбеит ҳҽалаҳархәырц. Мышқәак ааҵуаны аилаӡара аарышьҭит, снапы аҵазҩит", - иҳәеит Чежьиа.

Аԥснытәи абоксиор Баҭал Чежьиа адунеитә реитинг аҿы 152-тәи апозициаҿ дыҟоуп, Урыстәыла иреиӷьу ажәаҩык дрылахәуп. Ицықәгыло Сергеи Кожухарь адунеи иреиӷьу 89 боксиор дреиуоуп, Урыстәыла иреиӷьу ахәҩык дрылахәуп.

Чежьиа иажәақәа рыла аиааира игар иреитинг акыр иҳаракхоит.

Баҭал Ҷежьиа – ажурнал "Про Бокс" аверсиала ИАРи Аславиан тәылақәеи дырчемпионуп, иахьазы жәантәтәи иқәгыларақәа рҟынтәи жәынтәы иааирала ихиркәшахьеит.

5