Аҳәынҭқарра ахадарахьы акандидат Аслан Бжьаниа Аԥсныҟа дхынҳәит

75
Аслан Бжьаниа Краснодартәи атәылаҿацәтә хәышәтәырҭа дҭырҩааит хәажәкыра 11 рзы, анаҩс иара Москваҟа дцеит уа аиԥыларақәа рымҩаԥгаразы.

АҞӘА, хәажәкыра 14 – Sputnik, Сариа Кәарцхьиаԥҳа. Аԥсны ахадарахьы акандидат Аслан Бжьаниа атәылахь дхынҳәит асабша, хәажәкыра 14 рзы. Абри атәы Sputnik акорреспондент илзеиҭеиҳәеит аштаб ахаҭарнак Алхас Ҷолокәуа.

"Уажәы иара Аԥсны дыҟоуп, ихы бзианы ибоит. Москва аиԥыларақәа акымкәа-ҩбамкәа имҩаԥигеит. Уажәшьҭа алхратә кампаниа иациҵоит", - иҳәеит Ҷолокәуа.

Аслан Бжьаниа иалхратә кампаниа аанкылан хәажәкыра 2 рзы уи иаалырҟьаны игәабзиара анышьақәҟьа ашьҭахь, Шәачатәи ахәышәтәшырҭақәа руак данҭашәа. Уи амедикаментозтә кома далагаланы Краснодарҟа диаган асанитартә авиациа иатәу авертолиот ала. Уа диагнозс изықәдыргылеит ҩ-ганктәи аполисегментартә гәыҵәкра.

Хәажәкыра 10 рзы Аԥсны Апрокуратура хада аҳасабырба ҟанаҵеит ахадарахьы акандидат ахәышәтәырҭа дахьҭашәаз мзызс иҟоу аҭҵааразы имҩаԥыргаз аусқәа рзы.

Ишырҳәаз ала, аҳақьымцәа Аԥсны ахадарахьы акандидат ицәеижь аҟны "адәныҟантәи ашҳамтә нырра аазырԥшуа арбагақәа илам" ҳәа. Апрокуратура адыррақәа рыла, Бжьаниа ичымазара "идикылоз ахәшә ахьинымаалаз ауп изыхҟьаз". 

Краснодартәи атәылаҿацәтә хәышәтәырҭа дҭырҩааит хәажәкыра 11 рзы, анаҩс иара Москваҟа дцеит уа аиԥыларақәа рымҩаԥгаразы.

Аԥсны ахада иеиҭалхрақәа мҩаԥысраны иҟоуп ҳазҭоу ашықәс хәажәкыра 22 рзы. Ахадарахьы кандидатцәас иқәгылоуп Адгәыр Арӡынба, Аслан Бжьаниа, Леонид Ӡаԥшьба.

Иара убас шәаԥхьар ҟалоит:

75

Гәымԥҳа: COVID-19 адунеи зегьы иалаҵәеит, иҳамчу - хәыҷык акрычҳара аарԥшроуп

4
(ирҿыцуп 18:52 03.08.2020)
Амилаҭтә туристтә еилахәра аусзуҩ, аекскурсиа амҩаԥгаҩ Алиса Гәымԥҳа арадио Sputnik аефир аҟны еиҭалҳәеит апандемиа аамҭазы русураҟны изықәныҟәо аԥҟарақәа ртәы.
Гәымԥҳа: COVID-19 адунеи зегьы иалаҵәеит, иҳамчу-хәыҷык акрычҳара аарԥшроуп

"Атуризм азы аминистрра аҟынтәи аԥҟарақәа ҳзаарышьҭит ф-пунктк рыла ишьақәгылоуп. Уаҟа иаҳәоит асабрадақәа, анапҭарԥақәа ныҟәаҳгар шакәу, насгьы ацқьара аԥҟарақәа ишрыцклаԥштәу, аекскурсиа амҩаԥгаҩ COVID-19 асимптомқәа аԥсшьаҩы иныибаалар амедицинатә усҳәарҭахь днаигар шаҭаху, аҭакԥхықәра ду ааирԥшыр шакәу. Сгәаанагарала, урҭ аԥҟарақәа рҿы иаҳзынамыгӡо ҳәа акгьы анӡам. Ачымазара ҿкы адунеи зегьы иалаҵәаз ауп, иҳамчу –хәыҷык акрычҳара аарԥшроуп", - лҳәеит Гәымԥҳа.

Иаҳа инеиҵыху анҵамҭа шәаҳар шәылшоит арадио Sputnik Аԥсны аефир аҟны.

Иара убас шәаԥхьар ҟалоит:

4

Баҭал Чежьиа WBC аверсиала адунеи ачемпион ититул азы деисраны дыҟоуп

5
(ирҿыцуп 18:45 03.08.2020)
Нанҳәа 15 рзы Шәача, Гәбаа адәаҿы имҩаԥысраны иҟоуп абокс азы ашоу Адунеизегьтәи абокс азы ахеилак 58 аконвенциа аҳәаақәа ирҭагӡаны. WBC аверсиала адунеи ачемпион ититул азы еисараны иҟоуп.

АҞӘА, нанҳәа 3 – Sputnik, Ренат Ԥачалиа. Аԥснытәи абоксиор Баҭал Чежьиеи Урыстәылатәи абоксиор Сергеи Кожухари WBC аверсиала адунеи ачемпион ититул азы еисараны иҟоуп.

Баҭал Чежьиа аинформациатә маҵзура Sputnik адырра аиҭеит аиндаҭлараҿы аиааира игар иреитинг акыр ишхало.

"Атурнир аиҿкааҩцәа руаӡәк, сызцықәгыло именеџьерцәа иреиуоу аҭел дысзасит, исирдырит аиндаҭлара арыцхә, аԥҟарақәа. Скомандеи сареи иҳаӡбеит ҳҽалаҳархәырц. Мышқәак ааҵуаны аилаӡара аарышьҭит, снапы аҵазҩит", - иҳәеит Чежьиа.

Аԥснытәи абоксиор Баҭал Чежьиа адунеитә реитинг аҿы 152-тәи апозициаҿ дыҟоуп, Урыстәыла иреиӷьу ажәаҩык дрылахәуп. Ицықәгыло Сергеи Кожухарь адунеи иреиӷьу 89 боксиор дреиуоуп, Урыстәыла иреиӷьу ахәҩык дрылахәуп.

Чежьиа иажәақәа рыла аиааира игар иреитинг акыр иҳаракхоит.

Баҭал Ҷежьиа – ажурнал "Про Бокс" аверсиала ИАРи Аславиан тәылақәеи дырчемпионуп, иахьазы жәантәтәи иқәгыларақәа рҟынтәи жәынтәы иааирала ихиркәшахьеит.

5