Аԥсны акоронавирус аҿагыларазы амедусзуҩцәа рзы агуманитартә цхыраара ааит

54
(ирҿыцуп 19:33 14.03.2020)
Акоронавирус аҿагыларазы раԥхьатәи агуманитартә цхыраара ааит Аԥсны аиҳабыра Еиду амилаҭқәа реиҿкаараҟны аус зуа жәларбжьаратәи аиҿкаарақәа рахь официалла аҳәара анынарышьҭыз ашьҭахь.

АҞӘА, хәажәкыра 14 - Sputnik. Аԥсныҟа иааит раԥхьатәи агуманитартә еидара жәларбжьаратәи аиҿкаарақәа рҟынтәи, уи иалоуп амедицинатә усзуҩцәа акоронавирус рацәыхьчаразы иақәнагоу ахархәагақәеи ахәшәқәеи. Абри атәы аанацҳауеит Агәабзиарахьчареи асоциалтә еиқәыршәареи рминистрра апресс-маҵзура.

"Хара имгакәа жәларбжьаратәи аиҿкаарақәа рҟынтәи иҵегьы ацхыраара ҳазыԥшуп, Адунеизегьтәи агәабзиарахьчара аиҿкаара ахаҭарнакцәагьы аар ҟалоит Аԥсны аҭагылазаашьа ахәшьара аҭаразы", - ҳәа азгәеиҭеит Адәныҟатәи аусқәа рминистр Даур Ақаҩба.

Иааираны иҟоу ацхыраараҟны иҟалоит акоронавирус хаҭалатәи ацәыхьчаразы ахархәагақәа ркомплектқәа 500. 

Асанитартә ҳақьым хада Лиудмила Скорик лажәақәа рыла, Асанитартә епидемиатә станциа иаиуит амедицинатә усзуҩцәа рыхьчаразы иаҭахыз ахархәага ҷыдақәа - иҷыдоу афильтр змоу асабрадақәа, иҷыдоу амедицинатә комбинезонқәа, анапҭарԥақәа, акостиумқәа, зныктәи ахархәаразы ашьаршьафқәеи абахилқәеи.

  • Аԥсны акоронавирус аҿагыларазы амедусзуҩцәа рзы агуманитартә цхыраара ааит
    © Foto / Пресс-служба Министерства здравоохранения РА
  • Аԥсны акоронавирус аҿагыларазы амедусзуҩцәа рзы агуманитартә цхыраара ааит
    © Foto / Пресс-служба Министерства здравоохранения РА
1 / 2
© Foto / Пресс-служба Министерства здравоохранения РА
Аԥсны акоронавирус аҿагыларазы амедусзуҩцәа рзы агуманитартә цхыраара ааит

Иааиз агуманитартә еидара нашьҭхоит Аимҳәаду аҿагыларазы ареспубликатә диспансер ахь, уаҟа ауп иахьазгәаҭоу аӡәыр акоронавирус ихьыр ихәышәтәра амҩаԥгара.

Асанитартә епидемиатә станциа аспециалистцәа есҽны имҩаԥыргоит Аԥсны ауаажәларратә транспорт иҷыдоу ахәшәқәа рыла аус рыдулара ашьыжь иандәықәлои, иара убас ахәылбыҽха автопарк ахь ианыхынҳәуеи. 

Иара убас Аԥсныҟа иаарышьҭит иҷыдоу атепловизор, уи иааиуа амшқәа рзы ишьақәыргылахоит Аԥсни Урыстәылеи рҳәааҟны асаниатар-карантинтә ҭыԥ аҟны. Уи аурыс-аԥсуа ҳәааҟны акоронавирус рыхьуеит ҳәа гәҩарас ироуа атәылауаа гәазҭо аҳақьымцәа русура акыр иацхраауеит. 

"Уи атепловизор иҟанаҵо агәаҭарақәа акыр ииашоуп, аусурагьы алҵшәа бзиақәа аанарԥшуеит, секундқәак рыла аҳәынҭқарратә ҳәаа иахысуа ауааԥсыра рымцашоура гәанаҭоит, аградус ажәабатәи ахәҭақәа рҟынӡа ииашаны. Уи шьақәҳагылоит агәаҭара-аушьҭырҭатә ҭыԥ Ԥсоу аҟны", - лҳәеит Скорик.

© Foto / Пресс-служба Министерства здравоохранения РА
Ацәарҭамаҭәа адезинфекциа азуразы асанитар-епидемиологиатә маҵзура рхы иадырхәо амашьына ҷыда

Аусбарҭа апресс-маҵзураҟны иара убас излазгәарҭаз ала, асанитар-епидемиологиатә маҵзура шықәсқәак рыҩнуҵҟа иҷыдоу автомобиль ала ацәарҭамаҭәеи итатоу ахархәагақәеи адезинфекциа шырзыруа, уигьы атәылаҿы акоронавирус иаҿагыланы ақәԥараҟны ахархәара шаиуа.

Иара убас шәаԥхьар ҟалоит:

54
Атемақәа:
Ачымазара ҿкы – акоронавирус Аԥсни адунеи аҿи: иалкаау (602)

Гәымԥҳа: COVID-19 адунеи зегьы иалаҵәеит, иҳамчу - хәыҷык акрычҳара аарԥшроуп

4
(ирҿыцуп 18:52 03.08.2020)
Амилаҭтә туристтә еилахәра аусзуҩ, аекскурсиа амҩаԥгаҩ Алиса Гәымԥҳа арадио Sputnik аефир аҟны еиҭалҳәеит апандемиа аамҭазы русураҟны изықәныҟәо аԥҟарақәа ртәы.
Гәымԥҳа: COVID-19 адунеи зегьы иалаҵәеит, иҳамчу-хәыҷык акрычҳара аарԥшроуп

"Атуризм азы аминистрра аҟынтәи аԥҟарақәа ҳзаарышьҭит ф-пунктк рыла ишьақәгылоуп. Уаҟа иаҳәоит асабрадақәа, анапҭарԥақәа ныҟәаҳгар шакәу, насгьы ацқьара аԥҟарақәа ишрыцклаԥштәу, аекскурсиа амҩаԥгаҩ COVID-19 асимптомқәа аԥсшьаҩы иныибаалар амедицинатә усҳәарҭахь днаигар шаҭаху, аҭакԥхықәра ду ааирԥшыр шакәу. Сгәаанагарала, урҭ аԥҟарақәа рҿы иаҳзынамыгӡо ҳәа акгьы анӡам. Ачымазара ҿкы адунеи зегьы иалаҵәаз ауп, иҳамчу –хәыҷык акрычҳара аарԥшроуп", - лҳәеит Гәымԥҳа.

Иаҳа инеиҵыху анҵамҭа шәаҳар шәылшоит арадио Sputnik Аԥсны аефир аҟны.

Иара убас шәаԥхьар ҟалоит:

4

Баҭал Чежьиа WBC аверсиала адунеи ачемпион ититул азы деисраны дыҟоуп

5
(ирҿыцуп 18:45 03.08.2020)
Нанҳәа 15 рзы Шәача, Гәбаа адәаҿы имҩаԥысраны иҟоуп абокс азы ашоу Адунеизегьтәи абокс азы ахеилак 58 аконвенциа аҳәаақәа ирҭагӡаны. WBC аверсиала адунеи ачемпион ититул азы еисараны иҟоуп.

АҞӘА, нанҳәа 3 – Sputnik, Ренат Ԥачалиа. Аԥснытәи абоксиор Баҭал Чежьиеи Урыстәылатәи абоксиор Сергеи Кожухари WBC аверсиала адунеи ачемпион ититул азы еисараны иҟоуп.

Баҭал Чежьиа аинформациатә маҵзура Sputnik адырра аиҭеит аиндаҭлараҿы аиааира игар иреитинг акыр ишхало.

"Атурнир аиҿкааҩцәа руаӡәк, сызцықәгыло именеџьерцәа иреиуоу аҭел дысзасит, исирдырит аиндаҭлара арыцхә, аԥҟарақәа. Скомандеи сареи иҳаӡбеит ҳҽалаҳархәырц. Мышқәак ааҵуаны аилаӡара аарышьҭит, снапы аҵазҩит", - иҳәеит Чежьиа.

Аԥснытәи абоксиор Баҭал Чежьиа адунеитә реитинг аҿы 152-тәи апозициаҿ дыҟоуп, Урыстәыла иреиӷьу ажәаҩык дрылахәуп. Ицықәгыло Сергеи Кожухарь адунеи иреиӷьу 89 боксиор дреиуоуп, Урыстәыла иреиӷьу ахәҩык дрылахәуп.

Чежьиа иажәақәа рыла аиааира игар иреитинг акыр иҳаракхоит.

Баҭал Ҷежьиа – ажурнал "Про Бокс" аверсиала ИАРи Аславиан тәылақәеи дырчемпионуп, иахьазы жәантәтәи иқәгыларақәа рҟынтәи жәынтәы иааирала ихиркәшахьеит.

5