Абхазский государственный драматический театр им. С. Чанба

Арсалиаԥҳа акоронавирус иахырҟьаны зыҿҳәара еиҭаку ауснагӡатәқәа дрылацәажәеит

55
(ирҿыцуп 11:30 17.03.2020)
Аԥсны ахада инапынҵақәа назыгӡо Валери Бганба аамҭала аспорттә, акультуратә-массатә уснагӡатәқәа мшаԥы 7, 2020 шықәсанӡа иаанкылазарц Аусԥҟа инапы аҵаиҩит.

АҞӘА, хәажәкыра 16 – Sputnik. Аԥсны акультура аминистр Ельвира Арсалиаԥҳа арадио Sputnik аинтервиу аҭо еиҭалҳәеит акоронавирус иахырҟьаны зыҿҳәара еиҭаку ауснагӡатәқәа ртәы.

Аминистр лажәақәа рыла, акультуратә-массатә уснагӡатәқәеи агастрольқәеи атәыла анҭыҵ аиԥш аҩныҵҟагьы иаанкылахоит.

"Хәажәкыра анҵәамҭазы Аҳәынҭқарратә ансамбль Кремль иқәгылараны иҟан, РУСДРАМ акәзаргьы, Мордовиаҟа агастрольқәа ирзыԥшын, Аҿар ртеатр – Маиҟәаԥҟа", - лҳәеит аминистр.

Ельвира Арсалиаԥҳа мшаԥы 7 рҟынӡа аспектакльқәа шаанкылахои Марттәи ажәыларазы иҭахаз ргәалашәаразы есышықәсатәи аконцерт-реквием шымҩаԥымгахои атәы лҳәеит.

"Ҳгәыӷуеит иарбоу ауснагӡатәқәа зегьы рыҿҳәара инахап ҳәа, ҳапланқәагьы нас инаҳагӡап ҳәа", - лҳәоит лара.

Аԥсны ахада инапынҵақәа назыгӡо Валери Бганба аамҭала аспорттә, акультуратә-массатә уснагӡатәқәа мшаԥы 7, 2020 шықәсанӡа иаанкылазарц Аусԥҟа инапы аҵаиҩит.

Аусԥҟа анагӡашьа ахылаԥшра арҭоит: Афинансқәа рминистрра, Акультура аминистрра, Аҵара аминистрра, Аҿари аспорти рзы аҳәынҭқарратә еилакы, араионқәеи ақалақьқәеи рхадарақәа.

55
Атемақәа:
Ачымазара ҿкы – акоронавирус Аԥсни адунеи аҿи: иалкаау (726)

Sputnik апресс-центр аҟны еиҭарҳәоит аԥсуаа рҿы аӡахәааӡара аҭоурых

7
(ирҿыцуп 20:21 01.10.2020)
Жьҭаара 2 асааҭ 14:00 рзы Sputnik Аԥсны амультимедиатә пресс-центр аҿы имҩаԥгахоит Фарид Кәабахьиеи Николаи Ачбеи рышәҟәы "Ажәытәан аԥсуаа рҟны аӡахәааӡареи аҩыҟаҵареи" иазку апресс-конференциа.

Апресс-конференциа иалахәуп:

  • Фарид Кәабахьиа – аҭоурыхдырыҩ, Аԥсуаҭҵааратә институт анаукатә усзуҩ;
  • Николаи Ачба – "Аԥсны аҩқәеи аӡқәеи" адиректор хада.

Амассатә-информациатә хархәагақәа рхаҭарнакцәа ааҳаԥхьоит апресс–конференциахь (аҭыӡҭыԥ: ақ. Аҟәа, Пушкин имҩ. 16, абизнес-центр "Гәдоу Плаза", 5-тәи аихагыла).

Аккредитациа ҟалоит абри аҭел ала: +7(940) 926 00 00

Азыҳәа анашьҭразы аелектронтә ҭыӡҭыԥ: info.abk@sputniknews.com

Иара убасгьы шәара ишәылшоит апресс-конференциа алахәылацәа зинтерес шәымоу азҵаарақәа рышәҭарц Sputnik Аԥсны асоциалтә ҳа Facebook аҿтәи адаҟьаҿы мамзаргьы аелектронтә ԥошьҭахь инашьҭны: info.abk@sputniknews.com

7

Раионк аԥсҭазаараҟнытә: Гәынба "Акурорт "Пицунда" аԥсшьаҩцәа раҭаара иазкны

4
(ирҿыцуп 20:10 01.10.2020)
"Акурорт Пицунда" аиҳабы Фрикан Гәынба арадио Sputnik аефир аҿы еиҭеиҳәеит иахьазы аԥсшьарҭатә комплекс аҿы шаҟаҩы рыԥсы ршьо, насгьы уи иамоу ауадаҩрақәа ртәы.
Раионк аԥсҭазаараҟнытә: акурорт "Пицунда" аԥсшьаҩцәа раҭаара иазкны

"Иахьазы аԥсшьарҭатә комплекс аҿы рыԥсы ршьоит 1800-ҩык. Ҵыԥх уажәааны 1200 ракәын иҟаз. Уи зыбзоурахазгьы ҳәа ҳгәы иззаанаго Гьаргь Блаб ихьӡ зху абокс азы Пицунда имҩаԥысуа атурнир ауп. Амшқәагьы аԥсшьараамҭазы ибзиоуп, уи алагала ыҟоуп. Уажәазы азыҳәарақәа маҷуп иҟарҵо еиҭа аԥсшьаразы, аха амз аҵыхәанӡа аус аауп ҳәа ҳгәыӷуеит", - ҳәа еиҭеиҳәеит Гәынба.

Аԥсшьарҭатә комплекс аҿы иҟоу ауадаҩрақoа ртәы далацәажәо, Гәынба иҳәеит.

"Аӡыканал ацхыраара аҭахуп, уи аҳабла зегьы ӡыла еиқәнаршәоит иара аԥсшьарҭатә комплекс адагьы, иара анаплакы абаланс аҿы иқәгылоуп, иҟаҵатәу рацәоуп. Аӡыцрыҵқәа ракәзар, ақәра рымоуп, есԥхынра амчра ӷәӷәа роуеит, усҟан ана-ара иацәцо иалагоит. Уи аҭыԥ аԥшаара усҟак имариам, иҳақәҿиеит иара атәы здыруа Алексеи Кьетиа дахьҳамоу. Иара акыр шықәса аус иуеит, аԥсшьарҭатә комплекс аҿы аӡыцрыҵқәа шьышьықәгылоу атәы идыруеит", - ҳәа еиҭеиҳәеит Гәынба.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы.

Иара убас шәаԥхьар ҟалоит:

4