Затулин: Аԥсны атәылауаа рзы Урыстәыла алалара рԥсыҽзар ауеит

17
Урыстәылатәи Афедерациа атәымтәылауааи атәылауаҩра змам ахаҿқәеи рзы аԥкырақәа аланагалеит хәажәкыра 18 инаркны лаҵара 1 аҟынӡа.

АҞӘА, хәажәкыра 19 – Sputnik. Урыстәыла Аҳәынҭқарратә дума адепутат Константин Затулин ажәалагала ҟаиҵеит, Урыстәылатәи Афедерациа атәымтәылауааи атәылауаҩра змам ахаҿқәеи рзы аԥкырақәа иаланагалаз, Аԥсны атәылауаа рзы ирԥсыҽзарц.

Пресс-служба Департамента здравоохранения города Москвы

"Атәымтәылауааи атәылауаҩра змам ахаҿқәеи рзы аԥкырақәа рҟны Аԥсни Аахыҵ Уаԥстәылеи, Лугански Донецки руааԥсыра рзы арԥсыҽрақәа алагалазар бзиоуп. Арҭ ауаа аҭагылазаашьа ҷыда рыманы инхоит, аха убри аан дара Урыстәыла иатәылауаауп", - иҳәоит Затулин ателеканал "Россия 1" аефир аҟны.

Урыстәыла аиҳабыра атәылахь аҳәаанырцә тәылауааи атәылауаҩра змам ахаҿқәеи ралалара аамҭала иԥнакуеит акоронавирус иахырҟьаны. Аԥкра хацыркхеит хәажәкыра 18 рзы, иаԥыххоит лаҵара 1 азы.

Хәажәкыра 14 инаркны Аԥсни Егры рыбжьара аҳәаа аркызарц адҵа ҟаиҵеит Атәыла ахада инапынҵақәа назыгӡо Валери Бганба, иара убас аԥкрақәа аларгалеит Ԥсоу аҳәааҿы. Ашколхәыҷқәа ааԥынтәи аԥсшьарахь мчыбжьык аԥхьа идәықәҵан, уи ашьҭахь рыԥсшьарамшқәа ирыцҵоуп. 

Хәажкыра 11 инаркны Аԥсны иаанкылоуп акультуратә уснагӡатәқәа зегьы.

Иара убас шәаԥхьар ҟалоит:

 

17
Атемақәа:
Ачымазара ҿкы – акоронавирус Аԥсни адунеи аҿи: иалкаау (268)