Аҟәа рыӡахра иалагеит уаҩы иҿаиршәуа акасыш ҿаҳәагақәа

36
(ирҿыцуп 16:27 19.03.2020)
Акоронавирус рҽацәыхьчаразы Аԥсны ауааԥсыра аԥҭекақәа рҿы иҟаз амедицинатә сабрадақәа аархәеит.

АҞӘА, хәаәкыра 19 – Sputnik, Бадри Есиава. Аҟәа рыӡахра иалагеит уаҩы иҿаиршәуа акасыш ҿаҳәагақәа́. Абри атәы Sputnik иазеиҭеиҳәеит анаплакы "Мода-Текс" адиректор Бату Арӡынба.

  • Аҟәа рыӡахра иалагеит уаҩы иҿаиршәуа акасыш ҿаҳәагақәа
    © Sputnik / Томас Тхайцук
  • Аҟәа рыӡахра иалагеит уаҩы иҿаиршәуа акасыш ҿаҳәагақәа
    © Sputnik / Томас Тхайцук
  • Аҟәа рыӡахра иалагеит уаҩы иҿаиршәуа акасыш ҿаҳәагақәа
    © Sputnik / Томас Тхайцук
  • Аҟәа рыӡахра иалагеит уаҩы иҿаиршәуа акасыш ҿаҳәагақәа
    © Sputnik / Томас Тхайцук
  • Аҟәа рыӡахра иалагеит уаҩы иҿаиршәуа акасыш ҿаҳәагақәа
    © Sputnik / Томас Тхайцук
1 / 5
© Sputnik / Томас Тхайцук
Аҟәа рыӡахра иалагеит уаҩы иҿаиршәуа акасыш ҿаҳәагақәа

"Аԥсны аиҳабыра иҟарҵаз аҿаҵала амедицинатә ҿаршәқәа рыӡахра ҳалагоит. Актәи апартиа, 1500 цыра алхрақәа рымш азы анаԥшыҩцәеи акомиссиақәа рлахәылацәеи рзы АКХ иаҳҭоит. Абри ашьҭахь ауааԥсыра рзы аӡахра ҳалагоит", - иҳәеит иара.

Иара иазгәеиҭеит макьаназы ирымаз аҵәах материал ишалырхуа, аха иахьа-уаҵәы Урыстәылантәи аматериал аара ишазыԥшу.

Ахәԥса 35 -40 мааҭ рҟынӡа артәоит.

Уаанӡа Валери Бганба ажәадгала ҟаиҵахьан аҿаршәқәа авалантиорцәа рыцхыраарала ауааԥсыра ирызшазарц.

"Мода-Текс" амодельер-конструктор Амина Гамсаниаԥҳа иаҳлырбеит аусура шцо. Лара лажәақәа рыла анаплакы аусзуҩцәа зегьы ари аус рнапы алакуп.

Аҿаршәқәа ҩхкыкны иҟоуп, ԥшьбаны еиқәуи хԥаны еиқәуи.

"Ҳара абымбалых иалаҳхуеит. Ахаҭабзиарагьы аԥҭекақәа рҿы ирҭиуа еиӷьуп. Аиҭахархәара ҟалоит", - лҳәеит лара.

Мышкы ахы-аҵыхәала усзуҩык шәкы рҟынӡа ҿаршә иӡахыр илшоит. Бжьаратәла 20 минуҭ уадхалоит.

Заанаҵтәи азыԥхьагәаҭарала мышкы аҩныҵҟа 4000 цыра рыӡахра алшартә иҟоуп.

Иара убас шәаԥхьар ҟалоит:

36
Атемақәа:
Ачымазара ҿкы – акоронавирус Аԥсни адунеи аҿи: иалкаау (268)