Аҟәа ақалақь аҿы аевкалипт анхарҭаҩны иақәҳаит

37
(ирҿыцуп 11:42 20.03.2020)
Хәажәкыра 20 асааҭ 08:30 рзы Аҟәа, Ешба имҩаҿы игылаз аевкалипт хжәан, аҩнеихагылақәа руак иақәҳаит.

АҞӘА, хәажәкыра 20 - Sputnik. Аҟәа, Ешба имҩаҿы игылоу анхарҭаҩны аевкалипт ақәҳаит ҳәа Sputnik иазеиҭеиҳәеит Аҟәеи Аҟәа араиони рҿы амцарцәареиқәырхаратә отриад аиҳабы Ҭемыр Кәыҵниа.

© Foto / Дмитрий Счастный
Аҟәа, Ешба имҩаду аҿы аевкалипт каҳаит

"Аевкалипт жәбаны еихагылоу аҩны иақәҳаит. Уи адагьы амашьынақәа ҩба ԥҽит, урҭ аӡәгьы дырҭатәамызт. Иара убасгьы актәи инаркны аԥшьбатәи аихагылаҟынӡа аԥенџьырқәа ԥҽит", - иҳәеит иара.

© Foto / Дмитрий Счастный
Икаҳаз аевкалипт аҩнеихагыла аԥенџьырқәеи, абалконқәеи, ҩ-машьынаки ԥнаҽит

Уажәазы аҭыԥ аҿы акоммуналтә маҵзурақәа аус руеит аҵла ԥҟаны ақәгаразы. Амҩаду аҿы амашьынақәа рныҟәара аҵла ахькаҳаз иаԥырхагамхеит иҳәеит Ҭемыр Кәыҵниа.

37