Гагратәи абжьаратә школ №1 цәыббрамза 1 азы ашколхәыҷқәа рзы ашәқәа аанартуеит

21
(ирҿыцуп 18:33 20.03.2020)
Гагратәи ашкол №1 аргылара иаҿуп урыстәылатәи афинанстә цхыраара аҳәаақәа ирҭагӡаны. Аусурақәа ирзоужьуп 337,9 миллион мааҭ.

АҞӘА, хәажәкыра 20 – Sputnik. Гагратәи абжьаратә школ №1 цәыббрамзазы аҵаратә процесс иалагоит. Аргыларақәа ахыркәшарахь инеихьеит ҳәа Sputnik иазеиҭеиҳәеит аргылара анапхгаҩы Ҭеимураз Ҷкотуа.

"Апроект инақәыршәаны аусурақәа ахыркәшарахь инеихьеит. Арыцқьаратә усурақәа ҳарҿуп. Ашкол маҭәахәқәа ааҳхәахьеит, рыҩнаргылара ҳаҿуп. Уажәы апроект аҿы иарбамыз аусурақәа мҩаԥаагоит", - иҳәоит иара.

© Sputnik / Томас Тхайцук
Ашкол иаҭаху амаҭәахәқәа зегьы ааргахьеит

 

Ашкол ԥшь-корпуск рыла ишьақәгылоуп.

"Актәи акорпус алагарҭатә классқәа ирызкуп, аҩбатәи – аиҳабыратә классқәа. Еиқәыршәоуп аспорттә зал, акрыфарҭа уҳәа иахьатәи аҵаратә усҳәарҭақәа рзы ихымԥадатәиу зегь рыла", - азгәеиҭеит Ҷкотуа.

© Sputnik / Томас Тхайцук
Аиҵбыратәи аиҳабыратәи аклассқәа хаз-хазы акорпусқәа рзалхуп

 

Ашкол ҿыц дыргылеит уаанӡатәи аҭыԥан. 700–ҩык рҟынӡа ахәыҷқәа акуеит. Аргылара иалагеит 2017 шықәса рзы.

Гагратәи ашкол №1 аргылара иаҿуп урыстәылатәи афинанстә цхыраара аҳәаақәа ирҭагӡаны. Аусурақәа ирзоужьуп 337,9 миллион мааҭ.

Иара убас шәаԥхьар ҟалоит:

21