Адәныҟатәи аусқәа рминистр Москвеи Черқьесски абжьыҭарақәа шцо атәы иҳәеит

© Sputnik / Томас ТхайцукВыборы президента Абхазии
Выборы президента Абхазии - Sputnik Аҧсны
Анапаҵаҩра
Аҳәаанырцә Аԥсны атәылауаа абжьыҭаразы ирыманы иҟазароуп 2016 шықәсатәи аҩныҵҟатә тәылауаҩшәҟә.

АҞӘА, хәажәкыра 22 - Sputnik. Аԥсны Адәныҟатәи аусқәа рминистр Даур Ақаҩба Аԥсны АКХ Жәларбжьаратәи апресс-центр аҿы иҳәеит Москвеи Черқьесски атәыла ахада иалхра активла ишымҩаԥысуа.

Ашьыжь, асааҭ 11 рзы Москва рыбжьы рҭихьан 150-ҩык ҳәа иҳәеит Ақаҩба.

Уаанӡатәи алхрақәа раан Черқьесск рыбжьы рҭиит 441-ҩык, Москва – 840-ҩык.

Аԥсны ахада иалхрақәа мҩаԥысраны иҟоуп 152 алхырҭатә ҭыԥ рҿы Аԥсны аҩныҵҟа, иара убасгьы атәыла анҭыҵ –Москвеи Черқьесски.

Алхырҭатә округ №6, алхырҭатә ҭыԥ № 4 аартуп Москва, Донскаиа амҩа, аҩны 18/7, аргылара 1 (аметро Шаболовскаиа) аҭыӡҭыԥ ала. Алхырҭатә округ №6, алхырҭатә ҭыԥ № 5 аартуп Черқьесск, Первомаитәи амҩа, аҩны №26 аҭыӡҭыԥ ала.

Аҳәаанырцә Аԥсны атәылауаа абжьыҭаразы ирымазароуп 2016 шықәсатәи аҩныҵҟатә тәылауаҩшәҟә.

Аԥсны атәыла ахада иалхрақәа рымҩаԥысшьа иазку ажәабжьқәа шәрыԥхьарц шәылшоит Sputnik Аԥсны а-Telegram каналаҿы, иара убас асаит аҟны ицо аонлаин текст аҿы.

Иара убас шәаԥхьар ҟалоит:

Ажәабжьқәа зегьы
0