Асааҭ 15:00 рзы атәыла ахада иалхразы рыбжьы арҭахьеит 43,29% алхыҩцәа ҳәа аанацҳауеит ацентртә алхратә комиссиа.
"Алхрақәа даара ибзианы имҩаԥысуеит. Ауаа шьыжьымҭан инаркны ааира иаҿуп. Уадаҩрак ҳәа макьана иҟаӡам. Егьырҭ алхрақәеи уажәтәи еиҿурԥшуазар, ауаа рхыԥхьаӡара иаҳа ирацәоуп, асааҭ 15 рзы 40% ҳахысхьеит. Акоронавирус аламырҵәаразы иҳарҭаз амаҭәарқәа зегьы акомиссиа алахәылацәа зегьы ираҳҭеит, рхы иадырхәоит. Алхыҩцәа рсиа акәзар, ҵыԥхтәи алхрақәа раасҭа 100-ҩык рыла еиҳахеит. Сиала 2955-ҩык ҭагалоуп. Ауаа ргәалаҟазаара бзиоуп, зегьы еинааланы абжьыҭара иааиуеит. Акандидатцәа рҟнытә иҳауз асиала анаԥшыҩцәа ыҟоуп, азинхьчаратә усбарҭа аусзуҩцәагьы руалԥшьа нарыгӡоит", - ҳәа еиҭеиҳәеит Чеквитаӡе.
Инеиҵыху аиҿцәажәара шәазыӡырҩы арадио Sputnik Аԥсны аефир аҿы.
Хәажәкыра 22 рзы Аԥсны имҩаԥысуеит аҳәынҭқарра ахада иалхрақәа. Атәыла ахадарахьы хҩык акандидатцәа ықәгылоуп. Аамз рыҩнуҵҟа Аԥсны хынтәны имҩаԥысуеит аҳәынҭқарра ахада иалхрақәа. Иҟоу адыррақәа рыла, алхыҩцәа рхыԥхьаӡара 127 нызқьҩык инацны иҟоуп.
Аԥсны атәыла ахада иалхрақәа рымҩаԥысшьа иазку ажәабжьқәа шәрыԥхьарц шәылшоит Sputnik Аԥсны а-Telegram каналаҿы, иара убас асаит аҟны ицо аонлаин текст аҿы.
Иара убас шәаԥхьар ҟалоит:
-
АКХ ахантәаҩы: ааишьа злаҟоу ала алхрақәа шьақәгылоит
-
Аԥсны Ацентртә алхратә комиссиа: 43% алхыҩцәа абжьыҭара инеихьеит
