Пленарное заседание Госдумы РФ

Затулин Аԥсны алхрақәа рымҩаԥысшьа ахәшьара аиҭеит

5
Хәажәкыра 22 асааҭ 15:00 рзы атәыла ахада иалхразы рыбжьы арҭахьеит 43,29% алхыҩцәа ҳәа аанацҳаит Ацентртә алхратә комиссиа.

АҞӘА, хәажәкыра 23 - Sputnik. Урыстәыла Аҳәынҭқарратә Дума адепутат Константин Затулин Аԥсны алхрақәа рымҩаԥысшьа ахәшьара аиҭеит арадио Sputnik аинтервиу аҭо.

Затулин игәаанагарала алхрақәа иааинырсланы реиҿкаара мҩаԥысзаргьы ахарҭәаара рыгым. Иара убасгьы, иазгәеиҭеит дара аҭагылазаашьа ҷыда рыманы ишымҩаԥысуа.

"Акандидатцәа руаӡәк алхрақәа дрылахәымхар ҟалап ҳәа ашәара ыҟан. Ишаадыруа еиԥш егьырҭ аҩыџьа азыхиан алхрақәа рыҿҳәара анахара, аха Аслан Бжьаниа уи дақәшаҳаҭмызт. Иахьа алхрақәа мҩаԥысуеит", - иҳәоит Затулин.

Иара игәаанагарала иалырхуа акандидат ауадаҩрақәа маҷымкәа изыԥшуп. Ахада ҿыц иара адгылара изымҭоз ауаа ргәы ақәшәашьа иԥшаароуп.

Затулин ҿырԥштәыс иааигеит Сергеи Багаԥшь иԥышәа.

"Сгәы ишаанаго ала иара илшеит иаӷацәаҵәҟьагьы иҩызцәахартә еиԥш ргәы акра. Ишәгәалашәозар, усеиԥш аҟаҵара зегьы ирабжьигон Деил Карнегигьы. Иара убасгьы ипроблеманы иҟоуп аҳәынҭқарра ԥхьаҟа аргылашьа амҩақәа ралкаара", - иҳәеит иара.

Константин Затулин иазгәеиҭеит Урыстәыла, аҵыхәтәантәи аамҭазы Аԥсны аҩныҵҟа политикатә ҭагылазаашьеи аҿиара маҷк ашьақәхареи агәынамӡара шанаҭо.

Аҳәынҭқарратә Дума адепутат иҟоу аҩыза аҩныҵҟатә политика дшаҿамгылогьы Апарламент аҿы ареспублика амилаҭтә уаԥшьқәа еиҳа инарҭбааны рыҟазаара акыр хра аманы дахәаԥшуеит.

5
Атемақәа:
Аԥсны ахада иалхрақәа -2020 (125)

Ажьиԥҳа аҭыԥантәи адепутатцәа рзы: рҵарагьы ыҟазароуп, аԥсшәагьы рдыруазароуп

5
Тҟәарчал араион алхратә комиссиа алахәыла Рита Ажьиԥҳа арадио Sputnik арубрика "Раионк аԥсҭазаараҟынтә" аҳәаақәа ирҭагӡаны аҭыԥантәи ахаланапхгараҭаратә усбарҭақәа рахь алхрақәа реихшьаала ҟалҵеит.
Раионк аԥсҭазаараҟынтә: Ажьиԥҳа ахаланапхгараҭарақәа рахь алхрақәа ирызкны

Аԥсны аҭыԥантәи ахаланапхгараҭарахь алхрақәа мҩаԥысит мшаԥы 11 рзы.

"Адепутатрахь иқәгылаз акандидатцәа ҩажәаҩык рахьынтә 15-ҩык алхын. Иманшәаланы еилагарада имҩаԥысит алхрақәа. 5196- ҩык ашәҟәы иҭагалаз алхыҩцәа рҟынтәи 2052 -ҩык алхрақәа рхы рыладырхәит. Уи аԥхьа иҟаз ас еиԥш алхрақәеи дареи еиҿурԥшуазар, усҟан 2800-ҩык ыҟан алхыҩцәа. Актәи аилатәара мҩаԥысраны иҟоуп иааиуа ашәахьаҽны мшаԥы 19 рзы. 15-ҩык адепутатцәа рахьынтә ҩыџьа аҳәса ыҟоуп. Уи аԥхьа иҟаз адепутатцәа рахьынтә ҩыџьа ықәгылан, руаӡәк ҩаԥхьа далырхит, уи Тҟәарчалтәи араионтә хәышәтәырҭа аиҳабы Лали Гаргәылиа лоуп", - лҳәеит Ажьиԥҳа.

Ажьиԥҳа лгәаанагара лҳәеит аҭыԥантәи ахаланапхгараҭарақәа рахь инеиуа адепутатцәа зеиԥшразар акәу.

5

Аԥсны Атәанчахәытә фонд аҿы ашәарақәа зеиԥҟьо атәы рҳәеит

3
(ирҿыцуп 20:14 14.04.2021)
Аԥсны Атәанчахәытә фонд Аԥсны атәылауаа рҿаԥхьа руал 55 миллион мааҭ ыҟоуп. Аҭагылазаашьа аҭышәынтәалара алшоны иҟоуп 2021 шықәса ахԥатәи аԥшьбаразы.

АҞӘА, мшаԥы 14 - Sputnik. Аԥсуа тәанчахәқәа ршәара апандемиа аамҭа иахҟьеит, избанзар 2020 шықәсазы Атәанчахәытә фонд 130 миллион мааҭ амоуӡеит. Абри атәы радио Sputnik иазеиҭеиҳәеит Аԥсны Атәанчахәытә фонд ахантәаҩы Денис Гәылариа.

2020 шықәсазы акоммерциатә еиҿкаарақәа ашәахтәқәа рықәырхит апандемиа инадҳәаланы. Ари афонд ахь аԥаранашьҭра анырра анаҭеит.

Ахантәаҩы иажәақәа рыла Атәанчахәытә фонд ахь аԥара назмышьҭуаз акоммерциатә еиҿкаарақәа рымацара ракәым, аҳәынҭқарратә еиҿкаарақәагьы рыдҵақәа нарыгӡомызт.

Убас ауал ду ақәны иҟоуп АУН "Амшынеиқәафымцамч", иҳәеит Гәылариа.

"Аха дара ишьақәырӷәӷәоу аграфик ҳзаарышьҭит, ирҳәеит ЕгрыГЕС аусура ишалагалак Атәанчахәытә фонд ахь ахыԥхьаӡаларақәа ишрылаго", - иҳәеит Гәылариа.

Иахьазы реиҳа ауал ду зықәны иҟоу еиҿкаароуп АУН "Амшынеиқәафымцамч".

Ашәарақәа еиҵахоит иара убасгьы ареспубликаҿы аԥсуа тәанчахәы зауа рхыԥхьаӡара иацло иахьалагаз ҳәа иҳәоит Гәылариа.

2020 шықәса алагамҭаз ари ахыԥхьаӡара 6656-ҩык инаӡозар, шықәса анҵәамҭазы 8592-ҩык ҟалеит.

Иахьа Атәанчахәытә фонд аамҭа-аамҭала ашәарақәа мҩаԥнагоит. Аԥхьа иззыршәо категорианы иҟоу Аԥсны жәлар реибашьра аинвалидцәа роуп.

"56 миллион мааҭ ауал ҳақәуп. Ари хәажәкырамза иатәуп. Аха иара есыҽны еиҵахоит. Раион-раионла аԥарақәа ҳшәоит. Аибашьра иадҳәало акатегориақәа рҿаԥхьа Аҟәа, Аҟәа араион, Очамчыратәии Тҟәарчалтәии араионқәа рҟны ҳуал ҳшәеит, иаанханы иҟоуп Гагреи Гәылрыԥшьи араионқәа", - иҳәеит афонд ахантәаҩы.

Гәылариа иажәақәа рыла Афонд ахь аԥаралагалара адинамика аныԥшуа иалагеит. Аҭагылазаашьа аҭышәынтәалара алшоны иҟоуп 2021 шықәса ахԥатәи аԥшьбаразы ҳәа иҳәоит иара.

3