Милиция

Аԥсны ААР: алхрақәа рышьҭахьтә аамҭаз зинеилагарак аҭыԥ амамызт

17
Аԥсны ахада иеиҭалхрақәа мҩаԥысит хәажәкыра 22 рзы. Аҭагылазаашьа хылаԥшра арҭон 850-ҩык инарзынаԥшуа азинхьчаратә усбарҭақәа русзуҩцәа.

АҞӘА, хәажәкыра 23 – Sputnik, Асмаҭ Ҵәыџьԥҳа. Хәажәкыра 23 ауха, абжьыҭара ашьҭахь, Аԥсны иахьаҵанакуа џьаргьы зинеилагарак аҭыԥ амамызт ҳәа Sputnik иазеиҭарҳәеит Аԥсны Аҩнуҵҟатәи аусқәа рминистрра апресс-маҵзураҿы.

"Ҳара ҳнапы ианын Аԥсны АКХ апресс-центргьы ахылаԥшра. Уоуп алхратә документациа зегьы ахьеизыркуа. Иарбанызаалак зинеилагарак ҟамлеит. Асааҭ жәеиза рзы Аԥсны АКХ ахантәаҩы иқәгылара ашьҭахь ҳусура уаанӡатәи арежим ахь ҳаиасит", - ҳәа азгәарҭеит аусбарҭаҿы.

Аԥсны ахада иеиҭалхрақәа мҩаԥысит хәажәкыра 22 рзы. Аҭагылазаашьа хылаԥшра арҭон 850-ҩык инарзынаԥшуа азинхьчаратә усбарҭақәа русзуҩцәа.

Ашәахьа, хәажәкыра 23 рзы Аԥсны АКХ ирыланаҳәеит раԥхьатәи аофициалтә дыррақәа. Урҭ инарықәыршәаны аԥхьагылара имоуп аоппозициатә блок аԥхьагыла Аслан Бжьаниа, иара изы рыбжьы рҭиит 56% алхыҩцәа, Адгәыр Арӡынба – 35,42%, Леонид Ӡаԥшьба – 2,22%.

Иара убас шәаԥхьар ҟалоит:

 

17
Атемақәа:
Аԥсны ахада иалхрақәа -2020 (125)
Валерий Кварчия

Кәарҷиа еиҭеиҳәеит Аҟәатәи иаарту аинститут абитуриентцәа занааҭқәас иалырхуа

8
(ирҿыцуп 15:22 13.07.2020)
Аҟәатәи иаарту аинститут аректор Валери Кәарҷиа арадио Sputnik Аԥсны аефир аҿы еиҭеиҳәеит аҵараиурҭахь абитуриентцәа рҟынтә ашәҟәқәа рыдкылара аус шцо атәы, насгьы ирабан занааҭқәоу иахьа азҿлымҳара змоу.

Кәарҷиа еиҭеиҳәеит иарбан занааҭқәоу Аҟәатәи иаарту аинститут абитуриентцәа иалырхуа

"Ԥхынгәы акы инаркны ҳалагеит арзаҳалқәа рыдкылара. Ашәҟәқәа ҳадаҳкылоит азанааҭқәа фба рыла. Иахьазы арзаҳалқәа зегь реиҳа иахьырацәоу аҳазалхратә ус аҿоуп. Абитуриентцәа зегьы ҳрыҿцәажәоит, аус рыдааулоит, нас ауп ашәҟәқәа анҳадаҳкыло дара рҟынтә. Ақыҭанхамҩа азанааҭ ала имаҷхар ҳәа ҳшәоит. ААУ аҿы иазыҟарҵоит агрономцәа, ҳара иазыҟаҳҵоит ақыҭанхамҩа аекономика ахырхарҭала, ҳаицәажәан ауп ишыҟаҳҵо. Даргьы иаурышьҭуеит 10-ҩык рҟынӡа, ҳаргьы - убасҵәҟьа. Аха иахьазы 4-ҩык роуп ҳаинститут ахь ақыҭанхамҩа аганахьала ашәҟәқәа алазҵахьоу", - ҳәа азгәеиҭеит Кәарҷиа.

Иаҳа инеиҵыху аиҿцәажәара шәазыӡырҩы аудио аҿы, мамзаргьы арадио Sputnik Аԥсны аефир аҿы.

Иара убас шәаԥхьар ҟалоит:

 

8
Зрители

Аԥсуа ҿартә театр аҽазнархиоит аспектакль "Амра аҭашәамҭаз" аԥхьарбара

5
(ирҿыцуп 13:39 13.07.2020)
Артур Лоурентс ипиеса "Вестсайдская история" амотивқәа ирылху аспектакль "Амра аҭашәамҭаз" арбара азыԥхьагәаҭан лаҵарамзазы. Аха авирус иахҟьаны иҟаз аԥкырақәа рымшала иахыган.

АҞӘА, ԥхынгәы 13 – Sputnik, Сариа Кәарцхьиаԥҳа. Аԥсуа ҿартә театр аҽазнархиоит аспектакль  "Амра аҭашәамҭаз" аԥхьарбара. Абри атәы Sputnik иазеиҭеиҳәеит атеатр адиректор Аслан Енықь.

Аспектакль ықәлыргылоит Аԥсуа ҳәынҭқарратә филармониа асахьаркыратә напхгаҩы Есма Џьениаԥҳа.

"Есма раԥхьаӡа акәны аспектакль ықәлыргылеит. Уаанӡа лара ацхыраара ҟалҵон амизансценақәа, ахореографиақәа рықәыргылараан. Лара ибзианы ҳактиорцәа лдыруеит, илдыруеит рылшарақәа. Лара лхаҭа атеатртә ҭаацәара дрыллиааит. Лан –Софа Агәмааԥҳа деицырдыруеит", - иҳәеит Енықь.

Есма иқәлыргылоит Артур Лоурентс ипиеса "Вестсайдская история" амотивқәа ирылху аспектакль. Енықь ишиҳәо ала, апиеса ахьӡ рыԥсахит.

"Арежиссер азин имоуп ахьӡ аԥсахразы. Ҳара иҳаӡбеит "Амра аҭашәамҭаз" ҳәа ахьӡаҳҵарц. Аспектакль аҿы ахҭысқәа амра анҭашәо имҩаԥысуеит", - иҳәеит атеатр адиректор.

Аспектакль иалахәхоит Аԥсны ААУ актиортә ҟазара аҟәша аушьҭымҭацәа. Урҭ ароль хадақәа ранашьоуп.

Аспектакль аус адулара ахыркәшарахь инеиуеит. Амизансценақәа хиоуп, ихиоуп адекорациақәа, ацәамаҭәа. Акызаҵәык, асцена ду аҿы арепетициа мҩаԥгам.

"Ишыжәдыруа еиԥш ҳақәыргыламҭақәа мҩаԥысуеит Аԥсуа драматә театр аҿы. Аха уа ааигәа аԥхьарбара мҩаԥысуан азы арепетициа ҳзымҩаԥгомызт. Ԥхынгәы 17 рзы иҳагәҭакуп адекорациақәа ааганы аспектакль уа арепептициа хада мҩаԥаагарц. Сгәы иаанагоит проблемак ҟаларым ҳәа. Аспектакль аиҳарак аҿар ирзааигәоуп. Сгәы иаанагоит иргәаԥхап ҳәа, ҳахәаԥшцәа рзы ныҳәак еиԥшхап ҳәа", - азгәеиҭеит Аслан Енықь.

Артур Лоурентс ипиеса "Вестсайдская история" амотивқәа ирылху аспектакль "Амра аҭашәамҭаз" арбара азыԥхьагәаҭан лаҵарамзазы. Аха авирус иахҟьаны иҟаз аԥкырақәа рымшала иахыган.

Аспектакль дырбахоит Аԥсуа драматә театр асценаҿы ԥхынгәы 28 -29 рзы.

Иара убас шәаԥхьар ҟалоит:

5