Адгәыр Арӡынба алхыҩцәа ҭабуп ҳәа реиҳәеит

8
Аԥсны ахада иеиҭалхра мҩаԥысит хәажәкыра 22 рзы. Аԥсны АКХ заанаҵтәи адыррақәа рыла, аԥыжәара иоуит Аслан Бжьаниа (56,5%).

АҞӘА, хәажәкыра 24 – Sputnik. Аԥсны ахададарахьы акандидат Адгәыр Арӡынба алхрақәа зхы рылазырхәыз Аԥсны ажәлар зегьы ҭабуп ҳәа реиҳәеит.

"Шәара шәтәылауаҩратә уалԥшьа нашәыгӡеит, шәара шәымшалоуп алхрақәа аҩаӡара ҳарак рыман, иҭынчраны изымҩаԥысыз. Ҳара иаку жәларуп. Ҳара аҽазныкгьы адунеи иаҳарбеит ҳкультура, ҳхаҭара. Ҳәарада ҳара амилаҭтә интересқәа рыхьчара иазырхоу аполитикатә усзура иацаҳҵоит. Аԥсны иқәынхо амилаҭқәа зегьы ирзеиӷьасшьоит аҭынчра, аманшәалара", - иҳәеит иара.

Аԥсны ахада иеиҭалхра мҩаԥысит хәажәкыра 22 рзы. Аԥсны АКХ заанаҵтәи адыррақәа рыла, аԥыжәара иоуит Аслан Бжьаниа (56,5%), анаҩс дцоит Адгәыр Арӡынба (35,42%), уи ишьҭахь Леонид Ӡаԥшьба (2,22%).

Иара убас шәаԥхьар ҟалоит:

8
Атемақәа:
Аԥсны ахада иалхрақәа -2020 (125)

Аԥсны Апарламент ахь алхрақәа шьақәгылеит ауаа рааишьала уахәаԥшуазар

2
(ирҿыцуп 19:00 12.07.2020)
Аԥсны Жәлар Реизара - Апарламент ахь алхрақәа шьақәгылеит ҳәа иԥхьаӡоуп зыбжьы азҭо атәылауаа рахьтә 25% инареиҳаны абжьыҭара рхы аладырхәызар.

АҞӘА, ԥхынгәы 12 - Sputnik, Сариа Кәарцхьиаԥҳа. Асааҭ 18:00 рызтәи Аԥсны АКХ адыррақәа рыла, Апарламент ахь алхрақәа ахьымҩаԥысуаз алхратә ҭыԥ хадақәа рыԥшьбагьы рҟны ауаа рааишьа иаҿырԥшны ишьақәгылеит ҳәа иԥхьаӡатәуп.

  • Бзыԥтәи алхратә ҭыԥ хадаҟны ауаа рааишьа иартәоит 36,25%;
  • Оҭҳаратәи алхратә ҭыԥ хадаҟны - 32,67%;
  • Гәдоуҭатәи алхратә ҭыԥ хадаҟны - 37,33%;
  • Кындыӷтәи алхратә ҭыԥ хадаҟны - 47,14%.

Абжьыҭара хыркәшахоит асааҭ 20:00 рзы. Раԥхьатәи алҵшәақәа еилкаахоит алхратә ҭыԥқәа ркомиссиақәа Алхратә комиссиа хадахьы аԥкаанҵақәа аннаргалак ашьҭахь.

Азакәан ишаҳәо ала, алхратә ҭыԥқәа ркомиссиақәа алҵшәақәа ҩымш ирҭагӡаны реихшьаларазы азин рымоуп. Заанаҵтәи алҵшәақәа анрыларҳәалак ашьҭахь, абжьыҭара шымҩаԥысыз азы ашшыԥхьыӡқәа ҟалар, АКХ ҽнак ахи аҵыхәеи рыла урҭ рыднакылоит.

Бзыԥтәи алхратә ҭыԥ хада № 10 ала Жәлар Реизара адепутатрахь кандидатцәас иқәгылоуп Ҭамаз Леибеи Ҭемыр Беиеи; Оҭҳаратәи алхратә ҭыԥ хада №14 ала Жәлар Реизара адепутатрахь кандидатцәас иқәгылоуп Робесҭан Габлиеи Алмасхан Барцыци; Гәдоуҭатәи алхратә ҭыԥ хада №18 ала - Асҭамыр Ахбеи Алхас Ҳагбеи; Кындыӷтәи алхратә ҭыԥ хада №31 ала - Аидар Кәыҵниа, Гарри Кокаиа, Џьансыхә Адлеиба.

Аԥсны Жәлар Реизарахь алхрақәа мҩаԥысуеит ԥхынгәы 12 рзы иҭацәыз амандатқәа ԥшьба рахь - атәыла ахадас иалырхыз Аслан Бжьаниа, аԥыза-министрс иҟарҵаз Александр Анқәаб, Аҩнуҵҟатәи аусқәа рминистрс иҟарҵаз Дмитри Дбар, Гагра араион ахадас иҟарҵаз Иури Хагәышь рҭыԥқәа рахь.

2
Алхас Аргун

Аҭоурых иагәылаҵәаху: Аргәын Аԥсны аҳра амузеи аекспонат ҿыцқәа ирызкны

4
(ирҿыцуп 18:19 12.07.2020)
Афонҿыцтәи аҭоурых-культуратә ҳәырԥсарра "Анаҟәаԥиа" аиҳабы Алхас Аргәын арадио Sputnik Аԥсны аефир аҿы аҳәырԥсарра иаҵанакуа Аԥсны аҳра амузеи аекспонат ҿыцқәа ртәы еиҭеиҳәеит.
Аҭоурых иагәылаҵәаху: Аргәын Аԥсны аҳра амузеи аекспонат ҿыцқәа ирызкны

Шәазыӡырҩла арубрика "Аҭоурых иагәылаҵәаху" арадио Sputnik Аԥсны аефир аҿы есмҽыша.

Иара убас шәаԥхьар ҟалоит:

4