Александр Анқәаб Аԥсны аԥыза-министрс дҟалоит

78
(ирҿыцуп 16:35 24.03.2020)
Аԥсны Алхратә комиссиа хада хәажәкыра 24 рзы ахада иалхрақәа рофициалтә еихшьаалақәа ҟанаҵеит. Аԥсны ауааԥсыра атәыла ахадас далырхит Аслан Бжьаниа.

АҞӘА, хәажәкыра 24 – Sputnik. Ҿыц иалху Аԥсны ахада алаҳәара ҟаиҵеит атәыла аиҳабыра рнапхгаҩыс дшаҭахо Александр Анқәаб.

Абри аҳәамҭа Аслан Бжьаниа иҟаиҵеит хәажәкыра 24 рзы имҩаԥысуа ипресс-конференциаҿы.

Алкаақәа ҟаҵоуп: Аслан Бжьаниа Аԥсны ахада иалхрақәа рҟны аиааира игеит

Аԥсны ахада иалхрақәа мҩаԥысит амҽыша, хәажәкыра 22 рзы. АКХ аҵыхәтәантәи абжьыԥхьаӡара алҵәшәақәа рыла, абжьқәа абас еиԥш еихшахеит:

  • Аслан Бжьаниа - 53741 бжьы, 56,5%
  • Адгәыр Арӡынба - 33686 бжьы, 35,42%
  • Леонид Ӡаԥшьба - 2114 бжьы, 2,22%
  • Зегьы ирҿагыланы - 1666 бжьы, 1,75

Иԥхасҭатәны иԥхьаӡоуп 3902 биуллетен

Иара убас шәаԥхьар ҟалоит:

78
Атемақәа:
Аԥсны ахада иалхрақәа -2020 (125)
Валерий Кварчия

Кәарҷиа еиҭеиҳәеит Аҟәатәи иаарту аинститут абитуриентцәа занааҭқәас иалырхуа

8
(ирҿыцуп 15:22 13.07.2020)
Аҟәатәи иаарту аинститут аректор Валери Кәарҷиа арадио Sputnik Аԥсны аефир аҿы еиҭеиҳәеит аҵараиурҭахь абитуриентцәа рҟынтә ашәҟәқәа рыдкылара аус шцо атәы, насгьы ирабан занааҭқәоу иахьа азҿлымҳара змоу.

Кәарҷиа еиҭеиҳәеит иарбан занааҭқәоу Аҟәатәи иаарту аинститут абитуриентцәа иалырхуа

"Ԥхынгәы акы инаркны ҳалагеит арзаҳалқәа рыдкылара. Ашәҟәқәа ҳадаҳкылоит азанааҭқәа фба рыла. Иахьазы арзаҳалқәа зегь реиҳа иахьырацәоу аҳазалхратә ус аҿоуп. Абитуриентцәа зегьы ҳрыҿцәажәоит, аус рыдааулоит, нас ауп ашәҟәқәа анҳадаҳкыло дара рҟынтә. Ақыҭанхамҩа азанааҭ ала имаҷхар ҳәа ҳшәоит. ААУ аҿы иазыҟарҵоит агрономцәа, ҳара иазыҟаҳҵоит ақыҭанхамҩа аекономика ахырхарҭала, ҳаицәажәан ауп ишыҟаҳҵо. Даргьы иаурышьҭуеит 10-ҩык рҟынӡа, ҳаргьы - убасҵәҟьа. Аха иахьазы 4-ҩык роуп ҳаинститут ахь ақыҭанхамҩа аганахьала ашәҟәқәа алазҵахьоу", - ҳәа азгәеиҭеит Кәарҷиа.

Иаҳа инеиҵыху аиҿцәажәара шәазыӡырҩы аудио аҿы, мамзаргьы арадио Sputnik Аԥсны аефир аҿы.

Иара убас шәаԥхьар ҟалоит:

 

8
Зрители

Аԥсуа ҿартә театр аҽазнархиоит аспектакль "Амра аҭашәамҭаз" аԥхьарбара

5
(ирҿыцуп 13:39 13.07.2020)
Артур Лоурентс ипиеса "Вестсайдская история" амотивқәа ирылху аспектакль "Амра аҭашәамҭаз" арбара азыԥхьагәаҭан лаҵарамзазы. Аха авирус иахҟьаны иҟаз аԥкырақәа рымшала иахыган.

АҞӘА, ԥхынгәы 13 – Sputnik, Сариа Кәарцхьиаԥҳа. Аԥсуа ҿартә театр аҽазнархиоит аспектакль  "Амра аҭашәамҭаз" аԥхьарбара. Абри атәы Sputnik иазеиҭеиҳәеит атеатр адиректор Аслан Енықь.

Аспектакль ықәлыргылоит Аԥсуа ҳәынҭқарратә филармониа асахьаркыратә напхгаҩы Есма Џьениаԥҳа.

"Есма раԥхьаӡа акәны аспектакль ықәлыргылеит. Уаанӡа лара ацхыраара ҟалҵон амизансценақәа, ахореографиақәа рықәыргылараан. Лара ибзианы ҳактиорцәа лдыруеит, илдыруеит рылшарақәа. Лара лхаҭа атеатртә ҭаацәара дрыллиааит. Лан –Софа Агәмааԥҳа деицырдыруеит", - иҳәеит Енықь.

Есма иқәлыргылоит Артур Лоурентс ипиеса "Вестсайдская история" амотивқәа ирылху аспектакль. Енықь ишиҳәо ала, апиеса ахьӡ рыԥсахит.

"Арежиссер азин имоуп ахьӡ аԥсахразы. Ҳара иҳаӡбеит "Амра аҭашәамҭаз" ҳәа ахьӡаҳҵарц. Аспектакль аҿы ахҭысқәа амра анҭашәо имҩаԥысуеит", - иҳәеит атеатр адиректор.

Аспектакль иалахәхоит Аԥсны ААУ актиортә ҟазара аҟәша аушьҭымҭацәа. Урҭ ароль хадақәа ранашьоуп.

Аспектакль аус адулара ахыркәшарахь инеиуеит. Амизансценақәа хиоуп, ихиоуп адекорациақәа, ацәамаҭәа. Акызаҵәык, асцена ду аҿы арепетициа мҩаԥгам.

"Ишыжәдыруа еиԥш ҳақәыргыламҭақәа мҩаԥысуеит Аԥсуа драматә театр аҿы. Аха уа ааигәа аԥхьарбара мҩаԥысуан азы арепетициа ҳзымҩаԥгомызт. Ԥхынгәы 17 рзы иҳагәҭакуп адекорациақәа ааганы аспектакль уа арепептициа хада мҩаԥаагарц. Сгәы иаанагоит проблемак ҟаларым ҳәа. Аспектакль аиҳарак аҿар ирзааигәоуп. Сгәы иаанагоит иргәаԥхап ҳәа, ҳахәаԥшцәа рзы ныҳәак еиԥшхап ҳәа", - азгәеиҭеит Аслан Енықь.

Артур Лоурентс ипиеса "Вестсайдская история" амотивқәа ирылху аспектакль "Амра аҭашәамҭаз" арбара азыԥхьагәаҭан лаҵарамзазы. Аха авирус иахҟьаны иҟаз аԥкырақәа рымшала иахыган.

Аспектакль дырбахоит Аԥсуа драматә театр асценаҿы ԥхынгәы 28 -29 рзы.

Иара убас шәаԥхьар ҟалоит:

5