Здание парламента Абхазии

Аслан Бжьаниа аинаугурациа ашьҭахь идепутаттә мандат шьҭеиҵоит

25
Хәажәкыра 22 рзы имҩаԥысыз Аԥсны ахада иалхрақәа рҟны аиааира игеит Аоппозициатә блок аԥхьагыла, Жәлар реизара адепутат Аслан Бжьаниа.

АҞӘА, хәажәкыра 24 – Sputnik, Сариа Кәарцхьиаԥҳа. Аԥсны ахадас иалху Аоппозициатә блок аԥхьагыла Аслан Бжьаниа идепутаттә мандат шьҭеиҵоит аинаугурациа аамышьҭахь.

Жәлар реизара ахантәаҩы Валери Кәарҷиа иажәақәа рыла, Бжьаниа официалла ахада имаҵурахьы даннеилак аамышьҭахь, 2017 шықәсазы Апарламенттә алхрақәа раан иара дахьалхыз 31-тәи аокруг аҟны аиҭалхрақәа рылаҳәахоит.

"Аслан Бжьаниа итәы еилкаауп. Атәыла ахадас далхуп. Азакәан ишаҳәо ала, аамҭак ашьҭахь иара дахьалхыз аҭыԥ аҟын аиҭалхрақәа рылаҳҳәароуп. Уи иара иҭоубашьҭаҵара ашьҭахь акәхоит, идепутаттә ҭыԥ ааныжьны Аԥсны ахада инапынҵақәа ихахьы ианигалак", – ҳәа азгәеиҭеит Кәарҷиа.

Апарамент ахантәаҩы иациҵеит, иҵегь иҭацәхо адепутаттә ҭыԥқәагьы ҟалар шалшо. Избан акәзар Бжьаниа хәажәкыра 24 рзы ипресс-конференциаҟны аҳәамҭа ҟаиҵеит атәыла аԥыза-министрс дшеиҭо уажәы Жәлар реизара адепутатс иҟоу Александр Анқәаб.

"Еиҭалхтәхо адепутатцәа иҵегь ҟалар ауеит. Аӡәы ҳәа уажәнатә дҳаԥхьаӡар ауеит Александр Анқәаб. Даҽа ҩыџьа-хҩы адепутатцәа анагӡаратә мчрахьы ииасыр ҟалап ҳәа сгәы иаанагоит. Шаҟа ҭыԥ ҭацәуа анеилкаахалак, Апарламент иалкаау аокругқәа рҟны аиҭалхрақәа рыланаҳәоит", - иҳәеит Кәарҷиа.

Аԥсны ахада иалхрақәа мҩаԥысит амҽыша, хәажәкыра 22 рзы. Алхрақәа рылҵшәақәа рыла, аиааира игеит Аоппозициатә блок аԥхьагыла Аслан Бжьаниа. Иара иоуит 56% инареиҳаны абжьқәа.

Аԥсны ахада иҭоубашьҭаҵара азакәан инақәыршәаны имҩаԥысуеит АКХ аҵыхәтәантәи алкаақәа анрыланаҳәа аҽны инаркны 30 мшы рышьҭахь.

Иара убас шәаԥхьар ҟалоит:

25
Атемақәа:
Аԥсны ахадас иалху Аслан Бжьаниа иҭоубашьҭаҵара (23)

Ажьиԥҳа аҭыԥантәи адепутатцәа рзы: рҵарагьы ыҟазароуп, аԥсшәагьы рдыруазароуп

5
Тҟәарчал араион алхратә комиссиа алахәыла Рита Ажьиԥҳа арадио Sputnik арубрика "Раионк аԥсҭазаараҟынтә" аҳәаақәа ирҭагӡаны аҭыԥантәи ахаланапхгараҭаратә усбарҭақәа рахь алхрақәа реихшьаала ҟалҵеит.
Раионк аԥсҭазаараҟынтә: Ажьиԥҳа ахаланапхгараҭарақәа рахь алхрақәа ирызкны

Аԥсны аҭыԥантәи ахаланапхгараҭарахь алхрақәа мҩаԥысит мшаԥы 11 рзы.

"Адепутатрахь иқәгылаз акандидатцәа ҩажәаҩык рахьынтә 15-ҩык алхын. Иманшәаланы еилагарада имҩаԥысит алхрақәа. 5196- ҩык ашәҟәы иҭагалаз алхыҩцәа рҟынтәи 2052 -ҩык алхрақәа рхы рыладырхәит. Уи аԥхьа иҟаз ас еиԥш алхрақәеи дареи еиҿурԥшуазар, усҟан 2800-ҩык ыҟан алхыҩцәа. Актәи аилатәара мҩаԥысраны иҟоуп иааиуа ашәахьаҽны мшаԥы 19 рзы. 15-ҩык адепутатцәа рахьынтә ҩыџьа аҳәса ыҟоуп. Уи аԥхьа иҟаз адепутатцәа рахьынтә ҩыџьа ықәгылан, руаӡәк ҩаԥхьа далырхит, уи Тҟәарчалтәи араионтә хәышәтәырҭа аиҳабы Лали Гаргәылиа лоуп", - лҳәеит Ажьиԥҳа.

Ажьиԥҳа лгәаанагара лҳәеит аҭыԥантәи ахаланапхгараҭарақәа рахь инеиуа адепутатцәа зеиԥшразар акәу.

5

Аԥсны Атәанчахәытә фонд аҿы ашәарақәа зеиԥҟьо атәы рҳәеит

5
(ирҿыцуп 20:14 14.04.2021)
Аԥсны Атәанчахәытә фонд Аԥсны атәылауаа рҿаԥхьа руал 55 миллион мааҭ ыҟоуп. Аҭагылазаашьа аҭышәынтәалара алшоны иҟоуп 2021 шықәса ахԥатәи аԥшьбаразы.

АҞӘА, мшаԥы 14 - Sputnik. Аԥсуа тәанчахәқәа ршәара апандемиа аамҭа иахҟьеит, избанзар 2020 шықәсазы Атәанчахәытә фонд 130 миллион мааҭ амоуӡеит. Абри атәы радио Sputnik иазеиҭеиҳәеит Аԥсны Атәанчахәытә фонд ахантәаҩы Денис Гәылариа.

2020 шықәсазы акоммерциатә еиҿкаарақәа ашәахтәқәа рықәырхит апандемиа инадҳәаланы. Ари афонд ахь аԥаранашьҭра анырра анаҭеит.

Ахантәаҩы иажәақәа рыла Атәанчахәытә фонд ахь аԥара назмышьҭуаз акоммерциатә еиҿкаарақәа рымацара ракәым, аҳәынҭқарратә еиҿкаарақәагьы рыдҵақәа нарыгӡомызт.

Убас ауал ду ақәны иҟоуп АУН "Амшынеиқәафымцамч", иҳәеит Гәылариа.

"Аха дара ишьақәырӷәӷәоу аграфик ҳзаарышьҭит, ирҳәеит ЕгрыГЕС аусура ишалагалак Атәанчахәытә фонд ахь ахыԥхьаӡаларақәа ишрылаго", - иҳәеит Гәылариа.

Иахьазы реиҳа ауал ду зықәны иҟоу еиҿкаароуп АУН "Амшынеиқәафымцамч".

Ашәарақәа еиҵахоит иара убасгьы ареспубликаҿы аԥсуа тәанчахәы зауа рхыԥхьаӡара иацло иахьалагаз ҳәа иҳәоит Гәылариа.

2020 шықәса алагамҭаз ари ахыԥхьаӡара 6656-ҩык инаӡозар, шықәса анҵәамҭазы 8592-ҩык ҟалеит.

Иахьа Атәанчахәытә фонд аамҭа-аамҭала ашәарақәа мҩаԥнагоит. Аԥхьа иззыршәо категорианы иҟоу Аԥсны жәлар реибашьра аинвалидцәа роуп.

"56 миллион мааҭ ауал ҳақәуп. Ари хәажәкырамза иатәуп. Аха иара есыҽны еиҵахоит. Раион-раионла аԥарақәа ҳшәоит. Аибашьра иадҳәало акатегориақәа рҿаԥхьа Аҟәа, Аҟәа араион, Очамчыратәии Тҟәарчалтәии араионқәа рҟны ҳуал ҳшәеит, иаанханы иҟоуп Гагреи Гәылрыԥшьи араионқәа", - иҳәеит афонд ахантәаҩы.

Гәылариа иажәақәа рыла Афонд ахь аԥаралагалара адинамика аныԥшуа иалагеит. Аҭагылазаашьа аҭышәынтәалара алшоны иҟоуп 2021 шықәса ахԥатәи аԥшьбаразы ҳәа иҳәоит иара.

5