Аҳәааҿы аҭаҭын аалыҵ аконтрабанда аанкылоуп

3
Аҭаҭын аалыҵ ҭаҵәахын автомашьына аҭуани ахыби рыбжьара, аԥхьатәи ашәқәа ркәыршабжьара, атәарҭақәа ркәыршаҿы.

АҞӘА, хәажәкыра 25 - Sputnik. Шәачатәи аҳазалхыҩцәа иааныркылеит закәаншьаҭада аҳәаа иахыргоз 121 ҭоԥ асигарет. Абри атәы аанацҳауеит Шәача аҳазалхратә усбарҭа апресс-маҵзура.

Аҳазалхыҩцәа иааныркылеит автомашьына TOYOTA ALPHARD. Амашьына аԥсҟы зкыз ихымҩаԥгашьа аҳазалхыҩцәа агәҽанҵара рнаҭеит. Амашьына амобилтә инспекциа-гәаҭаратә комплекс (МИДК) ала игәарҭеит, нам аҟазауаа-акинологцәа игәарҭеит. Иаарԥшын аҭаҵәахырҭақәа жәпаџьара.

Амашьына аԥсҟы зкыз, Шәача инхо, иҳәеит Аԥсны аҭаҭын аалыҵ шааихәаз, Шәача аҭира хықәкыс иҟаҵаны.

© Foto / Сочинская таможня
Аҭаҭын аконтрабанда

Атауари амашьынеи аанкылоуп. Аусҭҵаара хацыркуп.

Иара убас шәаԥхьар ҟалоит:

3