Ачарақәа, аҵара, аџьармыкьа, атранспорт: акоронавирус аҽацәыхьчаразы адҵа ҿыцқәа

48
(ирҿыцуп 11:52 25.03.2020)
Аԥсны ахада иусқәа назыгӡо Валери Бганба ихантәаҩрала аҩаша, хәажәкыра 24 рзы имҩаԥысит ауааԥсыра акоронавирус аҟынтәи рацәыхьчаразы Акоординациатә штаб аилатәара.

АҞӘА, хәажәкыра 25 - Sputnik, Бадри Есиава. Аԥсны ахада иусқәа назыгӡо Валери Бганба ауааԥсыра акоронавиурстә инфекциа COVID-19 рацәыхьчаразы ауснагӡатә ҿыцқәа рзы адҵа инапы аҵаиҩит.

Хәажәкыра 25 асааҭ 24:00 инаркны мшаԥы 7, 2020 шықәсанӡа иҟалом амассатә, акорпоративтә (агәырӷьаратә) усмҩаԥгатәқәеи ачарақәа ахьыруа ахыбрақәа русуреи.

Валери Бганба излазгәеиҭаз ала, ауааԥсыра рыцхыраарада ҳаԥхьа игылоу апроблема аҿагылара уадаҩхоит. Иара агәынамӡара ааирԥшит шьоукы-шьоукы иҟоу ашәарҭара иазымхәыцкәа зқьы-зқьи бжаки ауаа ираҳәаны ачара дуқәа ахьыруа.

Хәажәкыра 25 инаркны мшаԥы 7-нӡа иҟалом:

  • Аԥсны аекскурсиақәа рымҩаԥгареи атәылауаҩра змам аҳәаанырцә тәылауаа аекскурсиатәи атуристтәи хықәкы рыманы атәылахь ралалареи, иара убас аекскурсиа ҳасабла арахь атранспортқәа раареи;
  • абаџьдатә хәаахәҭра ахьымҩаԥысуа адәқьанқәа (диути-фри) русура;
  • ауаажәларратә крыфарҭақәеи, Аҟәеи Аԥсны егьырҭ араинқәеи рҟны аџьармыкьа хадақәеи, амаҭәа ахьырҭиуа аџьармыкьақәеи русура;
  • ауаажәларратә транспорт аныҟәара, убри аан ахәаахәҭырҭақәа азин рымам зда ԥсыхәа ыҟам атауарқәа рыхә ашьҭыхра, афатә, ахәыҷқәа рзы атауарқәа, ахәшәқәа, амедицинатә маругақәа, адезинфекциатә маҭәашьарқәа, ауаҩы ихтәы ҽыхьчагатә маҭәарқәа убрахь иналаҵаны;
  • афитнес-центрқәа, аспорт залқәа, афизиотерапиа асалонқәа (spa-салонқәа).

Ахәыҷқәа рыԥсшьарамшқәа иара убас мшаԥы 7-нӡа ирыцҵоуп, уахь иаҵанакуеит ашколқәранӡатәи аусбарҭақәа, ахатәтәра аформа иахьмырԥшкәа, арҵаратә кружокқәа, аспорттәи акәашаратәи секциақәа, ашколтә ҵаратә усбарҭақәа.

Аԥснытәи аҳәынҭқарратә университет, Аҟәатәи иаарту аинститут, иара убас абжьара-профессионалтә ҵаратә усбарҭақәа рҟны мшаԥы 7, 2020 шықәсанӡа иаанкылоуп аҵаратә процесс.

Хазы адҵаҿы аҳәынҭқарратә усбарҭақәа рахь хәажәкыра 25 асааҭ 24:00 инаркны мшаԥы 7, 2020 шықәсанӡа анаҩстәи адҵаԥҟақәа алагалоуп:

  • аԥсуа-аурыс ҳәынҭқарратә ҳәааҟны аушьҭырҭатә ҭыԥқәа рҟны Аҳәынҭқарратә миграциатә маҵзура, Аҵиаақәа ркарантин азы Аҳәынҭқарратә инспекциа, Аҳәынҭқарратә ветеринартә маҵзура, Астандартқәеи, ахархәаратәи атехникатәи гәаҭареи рзы Аҳәынҭқарратә еилакы аусзуҩцәа русура аанкылазааит;
  • Аԥсны АҶА аԥсуа-аурыс ҳәынҭқарратә ҳәааҟны аушьҭырҭатә ҭыԥқәа рҟны еиҿнакаароуп уахи-ҽни иҷаԥшьало АҶА Амедицинатә усбарҭа абригадақәа, иаҭаххозар Аԥсны Аҳәынҭқарра Атәылахьчара аминистрра Амедицинатә усбарҭеи Агәабзиарахьчареи асоциалтә еиқәыршәареи рминистрра аусбарҭақәеи русзуҩцәа адгаланы.

Аԥсны Аҳәынҭқарра Агәабзиарахьчареи асоциалтә еиқәыршәареи рминистрра анаҩстәи адҵақәа аҭоуп:

  • акоронавирустә инфекциа COVID-1 иадҳәалоу асимптомқәа, апрофилактика, уи аԥырҟәҟәааразы ианаамҭоу инагӡатәу аусқәа рзы ауааԥсыра адырра рыҭаразы аусура аиҿкаара;
  • акоронавирустә инфекциа COVID-1 имоуп ҳәа агәҩара зызрымоу апациентцәа иалкаау амедицинатә усбарҭақәа рахь риагаразы амедицинатә цхырааразы иҷаԥшьо абригадақәа уахи-ҽни русура аиҿкаара;
  • акоронавирустә инфекциа COVID-1 рымоуп ҳәа ишьақәырӷәӷәахо ачымазцәа ҟалар амедицинатә усзуҩцәа иҟарҵаша рдырыртә еиԥш разыҟаҵара.

Аԥсны Аҳәынҭқарра Асанитартә ҳақьым хада, Аҟәеи араионқәеи рсанитар-епидемиологиатә маҵзурақәа ирыдҵоуп:

  • ирӷәӷәатәуп ахәаахәҭырҭақәеи, ауаа рнырхарҭақәеи (асасааирҭақәа, аԥсшьарҭаҩнқәа, уб.иҵ.), алабораториатә диагностика аобиектқәеи русура асанитар-епидемиологиатә хылаԥшра;
  • еиҿкаатәуп ауаа рацәа зҭаауа аҭыԥқәа апрофилактикатә дезинфекциа рзура.

Ацентртәи аҭыԥантәии аҳәынҭқарратә наԥхгараҭаратә усбарҭақәеи, аҳәынҭқарратә усбарҭақәеи, анаплакқәеи аиҿкаарақәеи, амчратәи азинхьчаратәи, агәабзиарахьчаратәи асоциалтәи, амашәыр-еиқәырхаратәи акоммуналтәи усбарҭақәа аламҵакәа, рнапхгаҩцәа идыркьаҿроуп иахьынӡауа русзуҩцәа русурҭақәа рҟны раангылара аамҭа руалафахәы рзааныжьны хәажәкыра 25 инаркны мшаԥы 7, 2020 рҟынӡа.

Агәабзиарахьчара аминистр Ҭамаз Ҵахнакьиа иажәақәа рыла, Аԥсныҟа акоронавирус ааир, Аԥсны ишазымхо ахәышәтәырҭақәа, аматериал-техникатә база, ахәшәқәа, ахыхьчагатә маҭәахәқәа. Амедицинатә усбарҭақәа рзы ирмазеиу арезервқәа ачымазара анҳалаҵәалак ирлас инҵәоит, аныхгатә материалқәа, амаругақәа, атест-системақәа рыԥшаара уадаҩхоит. 

Аԥсны иахьазы акоронавирус зыхьуа ҳәа аӡәгьы дшьақәыргылам.

48
Атемақәа:
Ачымазара ҿкы – акоронавирус Аԥсни адунеи аҿи: иалкаау (880)
Прокладка канализации на улице Имама Шамиля

Гәдоуҭа аканализациатә насос-станциақәа рремонт ахыркәшарахь инеиуеит

4
(ирҿыцуп 15:03 30.11.2020)
Гәдоуҭа аканализациатә насос-станциақәа рремонт иазоушьҭуп 152 миллион мааҭ Аԥсны асоциал-економикатә ҿиараз Аинвестпрограмма аҟынтә.

АҞӘА, абҵара 30 – Sputnik, Бадри Есиава. Гәдоуҭа аканализациатә насос-станциақәа ҩба рремонт ахыркәшарахь инеиуеит ҳәа Sputnik иазеиҭеиҳәеит акапиталтә ргылара Аусбарҭа аиҳабы ихаҭыԥуаҩ Демир Гамсониа.

"Ари аусура анагӡаразы иара убасгьы аремонт азуын звольт ҳараку аҳа – КНС 1, КНС 2 афымцалашара рызназго, ишьҭаҵан аколлектор ҿыц арыцқьаратә усурақәа рзы. Аусурақәа ҩымчыбжьҟа рнаҩс ихыркәшахоит", - иҳәоит иара.

© Sputnik / Бадри Есиава
Гәдоуҭа аканализациатә насос-станциақәа рремонт ахыркәшарахь инеиуеит

Гамсониа иҳәеит аканализациатә насос-станциақәа зԥыршьуа арыцқьаратә хархәагақәа Приморск ақыҭеи Гәдоуҭеи рыбжьара иҟоуп ҳәа. Дара асовет аамҭақәа раан иргылан. Урҭгьы аремонт рҭахны иҟоуп. Арҭ аусурақәа рхышәаҵышәа аплан аҿы ишарбоугьы Аинвестпрограмма иалагалам.

Аканализациатә насостә-станциақәа рремонт иалаган 2017 шықәсазы. 2017-2019 шықәсқәа рызтәи Аԥсны асоциал-економикатә ҿиараз Аинвестпрограмма иалагалан. Апроект ахәԥса 152 миллион мааҭ ыҟан. Урҭ рҟынтәи жәа-миллион мааҭ 2020-2022 шықәсқәазтәи апрограммахь ииаган.

4

Ҭыжәԥҳа Аԥсуа театр Нальчик имҩаԥысуа афестиваль алахәхаразы: итрадициахеит

17
(ирҿыцуп 14:07 30.11.2020)
Ҟабарда-Балкариа имҩаԥысуа жәларбжьаратәи атеатртә фестиваль ахь ирго ақәыргыламҭазы аӡбамҭа шрыдыркылази, уи алахәхара аҵаки ртәы арадио Sputnik аефир аҟны еиҭалҳәеит Ауаажәларратә еимадарақәа рзы Аԥсуа ҳәынҭқарратә драматә театр аиҳабы ихаҭыԥуаҩ Шьарида Ҭыжәԥҳа.
Ҭыжәԥҳа Аԥсуа театр Нальчик имҩаԥысуа афестиваль алахәхаразы: итрадициахеит

Самсон Ҷанба ихьӡ зху Аԥсуа драматә театр Жәларбжьаратәи атеатртә фестиваль "Южная сцена-100", иалахәхараны иҟоуп. Афестиваль мҩаԥысуеит Ҟабарда-Балкариа ареспубликаҿы ԥхынҷкәын 3 инаркны 7-нӡа. Нальчиктәи афестиваль аҿы италиатәи адраматург Едуардо де Филиппо ипиеса иалху, арежиссер Бенар Ақаҩба иқәыргыламҭа аспектакль "Цилиндр" днарбоит. Ари ақәыргыламҭа аԥхьарбара мҩаԥысит ԥхынгәымзазы.

"Афестиваль ахь иаҳгар ҳҭахын "Ромеои Џьулеттеи", иара ақәыргыламҭа ҿыцуп, ахәаԥшцәа бзиа ирбоит, аха иалахәу рацәоуп, ачымазара (COVID-19- аред. ) иахҟьаны иаҳзеиқәмыршәаӡеит, ирлас иузымӡбо еиуеиԥшым азҵаарақәа цәырҵит. Акультура аминистрреи атеатр анапхгареи иазхәыцит иаҳгаша аспектакль, иалаҳхит "Цилиндр". Ақәыргыламҭа ҿыцуп, иалахәу актиорцәагьы рызхара имхәмарӡацт, избанзар акарантин иахҟьаны атеатр адыркуан, иаадыртуан, Аԥсны ҩынтә рыда иқәыргыламызт. Сынтәа афестиваль ахь ҳамцар ҟаломызт, избанзар шьҭа итрадициоуп", - лҳәеит Ҭыжәԥҳа.

2019 шықәсазы Самсон Ҷанба ихьӡ зху Аԥсуа ҳәынҭқарратә драматә театр Жәларбжьаратәи атеатртә фестиваль "Южная сцена-100" иалахәын аспектакль "Ажәҩан аҟәара" аманы. Атеатр атруппа "Иреиӷьу актиортә еилазаара" ҳәа адиплом анашьан.

Иара убас шәаԥхьар ҟалоит:

17

Москвеи Санкт-Петербурги рҵараиурҭақәа адистанциатә ҵарахь ииаргеит

2
(ирҿыцуп 16:32 30.11.2020)
Москвеи Санкт-Петербурги рҵараиурҭақәа рыстудентцәа адистанциатә ҵарахь риагаразы адҵа анапы аҵаҩны иҭыжьын абҵара 11 рзы.

АҞӘА, абҵара 30 — Sputnik. Акоронавирустә инфекциа алаҵәара инадҳәаланы Москвеи Санкт-Петербурги рҵараиурҭақәа адистанциатә ҵарахь ииаргеит ҳәа Telegram-канал аҿы адырра ҟанаҵоит Урыстәыла аҵара аминистрра. Абри атәы аанацҳауеит РИА Новости.

Адырраҭараҿы иарбоуп регионалтә ҵараиурҭақәакгьы адистанциатә ҵарахь ишиагоу.

Аминистрраҟны аус адырулеит аҵаратә процесс хра аманы аиҿкааразы абжьгарақәа.

Уаанӡа, Москвеи Санкт-Петербурги рҵараиурҭақәа рыстудентцәа адистанциатә ҵарахь риагаразы адҵа анапы аҵаҩны иҭыжьын абҵара 11 рзы.

Арегионалтә ҵараиурҭақәагьы ирабжьган адистанциатә ҵарахь ииасразы.

Урыстәыла COVID-19 рыхьхьеит 2 295 65-ҩык. Рыԥсҭазаара иалҵит 39 895-ҩык, ргәы бзиахеит — 1 778 704-ҩык.

2