Аԥсны аџьармыкьақәа зегьы адыркуеит акоронавирус алаҵәара ашәарҭара ахьыҟоу азы

47
(ирҿыцуп 15:48 25.03.2020)
Аԥсны ахада инапынҵақәа назыгӡо Валери Бганба иҟаиҵаз адҵала, Аԥсны мшаԥы 7 рҟынӡа иалагалоуп акоронавирус аламҵәаразы адҵа ҿыцқәа.

АҞӘА, хәажәкыра 23 - Sputnik. Амаҭәа ахьырҭиуа рыдагьы, афатә ахьырҭиуа аџьармыкьақәагьы адыркуеит  хәажәкыра 27 ауха инаркны ҳәа арадио Sputnik иазеиҭеиҳәеит Аҟәатәи аџьармыкьа хада аиҳабы Алхас Гәыргәлиа.

Иара иазгәеиҭеит атәыла зегь аҟны аџьармыкьақәа шаркхо.

"Иаха Аҟәа ақалақь ахада Кан Кәарҷиа иҟны аилатәара мҩаԥган, уи дҵас иҳаиҭеит аџьармыкьа зынӡа иаркызааит ҳәа. Амаҭәаҭирҭа "Сухумприбор" аркхоит, афатә ахьырҭиуа аџьармыкьа хадагьы",  - иҳәеит Гәыргәлиа.

Аҟәатәи аџьармыкьа хада аиҳабы иара убас адырра ҟаиҵеит ашьыжь аџьармыкьа анапхгареи иареи шеиҿцәажәаз, аусзуҩцәа адҵа рыҭан аҽазыҟаҵаратә усура мҩаԥыргар азы, аҭиҩцәа, ахәаахәҭырҭақәа реиҳабацәа, иара убас иахьа иаҭааз аахәаҩцәа ирарҳәеит уаҵәы инаркны аџьармыкьа аусура шаанкылахо азы.

"Ҩымш рыҭоуп ртауар зегьы рҭирц, аахәаҩцәа ирҭаху атауарқәа аархәарц азы. Ахәаша ауха инаркны аџьармыкьа аҳаркуеит", - иҳәеит Гәыргәлиа.

Иара убас Аҟәа ахадараҟны имҩаԥысыз аилатәараҟны иалацәажәон ақалақь аҿы иҟоу афатәҭирҭақәа рызҵаарагьы.

"Иахьынӡаздыруа ала афатәҭирҭа маҷқәа аус рулоит, ауаа ҩналар ахьрылымшо, агәаран ахьыҟамло, метрак-метрак рыбжьазар ахьалыршахо адәқьан маҷқәа. Мамзаргьы афатәҭира ахышәқәа рҟынтәи иалыршахар ахьыҟало. Абарҭ азҵаарақәагьы иацы ҳрылацәажәон, аха макьана иӡбаны иҟам", - иҳәеит Аҟәатәи аџьармыкьа хада аиҳабы.

Амилициа, амедицинатә усбарҭақәа, аԥҭекақәа русура ааныркылом, азгәеиҭеит Гәыргәлиа. 

47
Атемақәа:
Ачымазара ҿкы – акоронавирус Аԥсни адунеи аҿи: иалкаау (538)

Аслан Бжьаниа Аԥсны Апарламент ахь аиҭалхрақәа рҿы ибжьы аиҭеит

3
(ирҿыцуп 19:22 12.07.2020)
Аԥсны Апарламент ахь аиҭалхрақәа шьақәгылеит ауаа рааишьа инақәыршәаны, асааҭ 18:00 рызтәи Алхратә комиссиа хада иаанацҳаз адыррақәа рыла. Алхратә ҭыԥқәа адыркуеит асааҭ 20:00 рзы.

АҞӘА, ԥхынгәы 12 - Sputnik. Аԥсны ахада Аслан Бжьаниа Апарламент ахь аиҭалхрақәа рҿы абжьыҭара иҽалаирхәит амҽыша, ԥхынгәы 12 рзы ҳәа аанацҳауеит атәыла ахада ипресс-маҵзура.

Аслан Бжьаниа ибжьы аиҭеит дахьҭаҩу аҭыӡҭыԥ ала, Тамшь ақыҭан иҟоу алхратә ҭыԥ аҿы.

Абжьыҭара хыркәшахоит асааҭ 20:00 рзы. Раԥхьатәи алҵшәақәа еилкаахоит алхратә ҭыԥқәа ркомиссиақәа Алхратә комиссиа хадахьы аԥкаанҵақәа аннаргалак ашьҭахь.

Азакәан ишаҳәо ала, алхратә ҭыԥқәа ркомиссиақәа алҵшәақәа ҩымш ирҭагӡаны реихшьаларазы азин рымоуп. Заанаҵтәи алҵшәақәа анрыларҳәалак ашьҭахь, абжьыҭара шымҩаԥысыз азы ашшыԥхьыӡқәа ҟалар, АКХ ҽнак ахи аҵыхәеи рыла урҭ рыднакылоит.
Бзыԥтәи алхратә ҭыԥ хада № 10 ала Жәлар Реизара адепутатрахь кандидатцәас иқәгылоуп Ҭамаз Леибеи Ҭемыр Беиеи; Оҭҳаратәи алхратә ҭыԥ хада №14 ала Жәлар Реизара адепутатрахь кандидатцәас иқәгылоуп Робесҭан Габлиеи Алмасхан Барцыци; Гәдоуҭатәи алхратә ҭыԥ хада №18 ала - Асҭамыр Ахбеи Алхас Ҳагбеи; Кындыӷтәи алхратә ҭыԥ хада №31 ала - Аидар Кәыҵниа, Гарри Кокаиа, Џьансыхә Адлеиба.

Аԥсны Жәлар Реизарахь алхрақәа мҩаԥысуеит ԥхынгәы 12 рзы иҭацәыз амандатқәа ԥшьба рахь - атәыла ахадас иалырхыз Аслан Бжьаниа, аԥыза-министрс иҟарҵаз Александр Анқәаб, Аҩнуҵҟатәи аусқәа рминистрс иҟарҵаз Дмитри Дбар, Гагра араион ахадас иҟарҵаз Иури Хагәышь рҭыԥқәа рахь.

3

Аԥсны Апарламент ахь алхрақәа шьақәгылеит ауаа рааишьала уахәаԥшуазар

3
(ирҿыцуп 19:00 12.07.2020)
Аԥсны Жәлар Реизара - Апарламент ахь алхрақәа шьақәгылеит ҳәа иԥхьаӡоуп зыбжьы азҭо атәылауаа рахьтә 25% инареиҳаны абжьыҭара рхы аладырхәызар.

АҞӘА, ԥхынгәы 12 - Sputnik, Сариа Кәарцхьиаԥҳа. Асааҭ 18:00 рызтәи Аԥсны АКХ адыррақәа рыла, Апарламент ахь алхрақәа ахьымҩаԥысуаз алхратә ҭыԥ хадақәа рыԥшьбагьы рҟны ауаа рааишьа иаҿырԥшны ишьақәгылеит ҳәа иԥхьаӡатәуп.

  • Бзыԥтәи алхратә ҭыԥ хадаҟны ауаа рааишьа иартәоит 36,25%;
  • Оҭҳаратәи алхратә ҭыԥ хадаҟны - 32,67%;
  • Гәдоуҭатәи алхратә ҭыԥ хадаҟны - 37,33%;
  • Кындыӷтәи алхратә ҭыԥ хадаҟны - 47,14%.

Абжьыҭара хыркәшахоит асааҭ 20:00 рзы. Раԥхьатәи алҵшәақәа еилкаахоит алхратә ҭыԥқәа ркомиссиақәа Алхратә комиссиа хадахьы аԥкаанҵақәа аннаргалак ашьҭахь.

Азакәан ишаҳәо ала, алхратә ҭыԥқәа ркомиссиақәа алҵшәақәа ҩымш ирҭагӡаны реихшьаларазы азин рымоуп. Заанаҵтәи алҵшәақәа анрыларҳәалак ашьҭахь, абжьыҭара шымҩаԥысыз азы ашшыԥхьыӡқәа ҟалар, АКХ ҽнак ахи аҵыхәеи рыла урҭ рыднакылоит.

Бзыԥтәи алхратә ҭыԥ хада № 10 ала Жәлар Реизара адепутатрахь кандидатцәас иқәгылоуп Ҭамаз Леибеи Ҭемыр Беиеи; Оҭҳаратәи алхратә ҭыԥ хада №14 ала Жәлар Реизара адепутатрахь кандидатцәас иқәгылоуп Робесҭан Габлиеи Алмасхан Барцыци; Гәдоуҭатәи алхратә ҭыԥ хада №18 ала - Асҭамыр Ахбеи Алхас Ҳагбеи; Кындыӷтәи алхратә ҭыԥ хада №31 ала - Аидар Кәыҵниа, Гарри Кокаиа, Џьансыхә Адлеиба.

Аԥсны Жәлар Реизарахь алхрақәа мҩаԥысуеит ԥхынгәы 12 рзы иҭацәыз амандатқәа ԥшьба рахь - атәыла ахадас иалырхыз Аслан Бжьаниа, аԥыза-министрс иҟарҵаз Александр Анқәаб, Аҩнуҵҟатәи аусқәа рминистрс иҟарҵаз Дмитри Дбар, Гагра араион ахадас иҟарҵаз Иури Хагәышь рҭыԥқәа рахь.

3