Бжьаниа: Аԥсни Урыстәылеи иаку туристтә ҵакырак еицаԥырҵар ҟалоит

16
(ирҿыцуп 18:12 29.03.2020)
Урыстәыла иаку атуристтә ҵакыра аԥырҵо иалагахьеит Амшын еиқәа аҿықәан – Ҟрым, Кубань адгьылқәа рҟны.

АҞӘА, хәажәкыра 26 – Sputnik. Аԥсны аиҳабыра иахәаԥшырц иазхиоуп Урыстәыла Амшын еиқәа аҿықәан иаԥнаҵо иаку атуристтә ҵакыра алалара азҵаара. Абри атәы агентра ТАСС иазеиҭеиҳәеит ҿыц иалху Аԥсны ахада Аслан Бжьаниа.

"Ари идеиа бзиоуп, аха иара анагӡаразы иӡбатәу иацааиуа азҵаарақәа рацәоуп. Уахь иаҵанакуеит аҳәынҭқарратә ҳәаа аусушьа, атранспорттә инфраструктура ахаҭабзиара аҳаракра, ауаа рцареи-раареи рыԥсшьареи маншәалазарц. Афымцамч азҵаара аҭышәныртәалара уҳәа убас ирацәаны", – иҳәеит Бжьаниа.

Иара иациҵеит, абарҭқәа зегьы Аԥсны аекономика аҿиара иацхраашт, убри аҟнытә ас еиԥш иҟоу алшара аҩыжьра иашахом ҳәа.

"Ари атема алацәажәара ҳазыҟаҵоуп. Ҳара ҳхы ҳазаанхоит, ҳаҭҵаарақәа имҩаԥаҳго рԥышәа ҳаманы, урыстәылатәи аган ари аидеиа анагӡараҿы ацхыраара ҳарымҭар. Аха сара агәра ганы сыҟоуп ишҳацхраауа, избан акәзар арахь ԥсшьара иаауа реиҳараҩӡак Урыстәыла ауааԥсыра роуп. Абри ҳпозициақәа еизааигәанатәуеит. Абас иҟоу атуристтә ԥышәеимдара аинтерес ҳамоуп ҳара", – иҳәеит Бжьаниа.

Убыржәтәи аамҭазы Урыстәыла иаку атуристтә ҭаӡара аԥҵара иаҿуп Амшын еиқәа аҿықәан – Ҟрым, Кубань аҵакырадгьылқәа рҟны. Арҭ арегионқәа рнапхгаҩцәа рымчқәа еибырҭарц рыӡбеит аԥсшьаҩцәа дара рҟәара радыԥхьаларазы, иаку ԥсшьарҭатә ҭаӡарак аҳасабала ирҿиауа. Иаҳхысыз ашықәсан аусура иалагеит "Боспортәи аҳра ахьы мацәаз" ҳәа хьӡыс изауз аԥсшьарҭатә маршрут, иара Ростовтәи аобласт, Краснодартәи атәылаҿацә, Ҟрым, Севастополь уҳәа иргәылсны ицоит.

Иара убас шәаԥхьар ҟалоит:

16

Акоронавирус змаз даҽа пациентк лыԥсҭазаара далҵит Гәдоуҭатәи ахәышәтәырҭаҿы

32
(ирҿыцуп 19:24 26.09.2020)
Иахьазы Аԥсны иахьаҵанакуа иаарԥшу акоронавирустә хҭысқәа рхыԥхьаӡара 1286 ыҟоуп. Ргәы бзиахахьеит 369-ҩык, жәҩык рыԥсҭазаара иалҵит.

АҞӘА, цәыббра 26 - Sputnik. Ԥшьынҩажәи жәаба шықәса зхыҵуаз, акоронавирус ззышьақәыргылаз Гәдоуҭатәи ахәышәтәырҭа апациент лыԥсҭазаара далҵит цәыббра 25 рзы ҳәа аанацҳауеит Ауааԥсыра COVID-19 рацәыхьчаразы оперативтә штаб.

Аԥҳәыс бырг Гәдоуҭатәи ахәышәтәырҭахь дааргеит цәыббра20 рзы, аԥсыԥлагаҩагара лцәыуадаҩны, ҩ-ганкахьалатәи агәаҵәкра лыманы.

"Атерапиа шылзыҟарҵозгьы лҭагылазаашьа еиҳа-еиҳа еицәахон, арыԥҳа-аҳауаҭарсгатә аппаратгьы даҿаркит, аха уигьы лмыхәеит, ахәашаҽны лыԥсҭазаара далҵит. Апациентка агәачымазарақәа лыман, иара убас ашьақәыӷәӷәара ҳараки атеросклерози", - аҳәоит аоперштаб аацҳамҭа. 

Аҵыхәтәантәи уахыки-ҽнаки рыла игәаҭаз 216-ҩык ауаа рахьтә акоронавирус рыдбалан 41-ҩык.  

Абыржәтәи аамҭазы Гәдоуҭатәи ахәышәтәырҭаы ишьҭоуп 118-ҩык ауааԥсыра, урҭ рахьтә 114-ҩык адиагноз COVID-19 рзышьақәыргылоуп. 14-ҩык апациентцәа рҭагылазаашьа хьанҭоуп, 25-ҩык – бжьаратәуп. Хҩык згәы бзиахаз ылҩаауп.

Акоронавирус иадҳәалоу аҵыхәтәантәи ажәабжьқәа шәрыԥхьар ҟалоит абра>>

32
Атемақәа:
Ачымазара ҿкы – акоронавирус Аԥсни адунеи аҿи: иалкаау

Анаплакҩы Ԥлиа апандемиа аамҭазы иусзуҩцәа рзы: сыҩнапык рыларԥаны искызаауеит

11
(ирҿыцуп 18:40 26.09.2020)
Анаплакҩы Давид Ԥлиа арадио Sputnik аефир аҟны еиҭеиҳәеит апандемиа аамҭазы аԥкрақәа шынарыгӡо, аусутә иахьагхаз инапаҵаҟа аус зуа ишырныԥшуа атәы.
Анаплакҩы Ԥлиа апандемиа аамҭазы иусзуҩцәа рзы: сыҩнапык рыларԥаны искызаауеит

Аԥсны ахада ауааԥсыра акоронавирус рацәыхьчаразы акоординациатә штаб аӡбара шьаҭас иаҭаны аусԥҟа инапы аҵаиҩит. Уаҟа иазгәаҭоуп жьҭаара 5 инаркны ауаажәларратә крыфарачаратә обиектқәа хымԥада аишәақәа рыбжьара метраки бжаки еиҵамкәа адистанциа рыбжьазароуп, амаҵзуратә персонал ахыхьчагатә хархәагақәа ныҟәыргозароуп ҳәа.

"Ас еиԥш иҟоу аԥҟара анрыдыркыла, иҟаҳҵари, ҳхы ақәҳаршәароуп… Уи усҟангьы иҟаҳҵеит (мшаԥымзазы иалагалаз аԥкрақәа раан – аред.), уажәгьы ауаа рсоциалтә дистанциа ҟаҳҵартә еиԥш аамҭа ҳамоуп, акрахьырфо азал дууп", - иҳәеит Ԥлиа.

Убри аан иара иазгәеиҭеит ауадаҩрақәа цәырҵыр шауа аус ахьыруа ашколқәа рыкрыфарҭақәа рҟны.

Анаплакҩы иазгәеиҭеит апандемиа русура акыр ишаныԥшыз, аха иагьа ус акәзаргьы иусуцәа уалафахәыда ишаанимыжьуа.

"Сҭаацәа ирыгыжьны аԥара сшәозаргьы, сусуцәа нхартә еиԥш, аус руртә еиԥш схы ныҟәазгароуп. Аԥхын иҳадаҳкыло, нас аӡын аусура иамҳхо ҳәа асистема ыҟаӡам ҳа ҳҿы. Сара даара зегьы срықәгәыӷуеит (инапаҵаҟа аус зуа рзы), убри аҟынтә сыҩнапык рыларԥаны ишыску жәдыруазааит",- иҳәеит Ԥлиа.

Шәазыӡырҩы аудио. Иаҳа инеиҵыху анҵамҭа шәаҳар шәылшоит арадио Sputnik Аԥсны аефир аҟны.

Иара убас шәаԥхьар ҟалоит:

11