Ԥсоу аҳәааҿы АҶА амедикцәа уахыки-ҽнаки рыла русура шымҩаԥысыз

39
(ирҿыцуп 20:06 26.03.2020)
Аԥсны АҶА амедицинатә усбарҭа абригада Ԥсоу аҳәаа иахысуа ауааԥсыра ргәаҭара иалагеит ахаша, хәажәкыра 25 рзы.

АҞӘА, хәажәкыра 26 – Sputnik, Бадри Есиава. Аҵыхәтәантәи уахыки-ҽнаки рыла Ԥсоу аҳәаа иахысуаз ҩыџьа Аԥсны атәылауааи Урыстәыла атәылауаҩыки ашоура ҳаракы рыдырбалеит Аԥсны АҶА амедикцәа, абри атәы Sputnik акорреспондент изеиҭеиҳәеит аҭагылазаашьа ҷыдақәа рзы аминистр Лев Кәыҵниа.

"+37 градус еиҳаны амцашоура шлымаз шьақәыргылан Гагра араион иқәынхо аԥҳәыс, аха ҳмедицинатә усзҩуцәа излеилыркааз ала, уи акьыба чымазара лымоуп, Шәачантәи агәаҭарақәа рышьҭахь даауан. Илыҿцәажәан, аҩныҟа даурышьҭит. Аҭыԥантәи аҳақьымцәа лыӡбахә рдыруеит, ахәышәтәырҭа дҭаҩуп. Даҽаӡәгьы +37 инеиҳаны ашоура змаз Аԥсны даҽа атәылауаҩык дааныркылеит. Аха уи еиуеиԥшым ачымазарақәа имоуп, уигьы Гаграәи аҳақьымцәа рҿы дықәгылоуп. Аҩныҟа дрышьҭит", - иҳәеит аминистр.

Маикопынтәи иаауаз Урыстәыла атәылауаҩ аҳәааҟны ддырхынҳәит шьҭахьҟа. Уи ишоура +38 градус ыҟан. Кәыҵниа иажәақәа рыла, абаџьдатә дәқьан диути-фри анадыркызи аекскурсиақәа рымҩаԥгара ианаҟәыҵызи рышьҭахь, автотранспорт ашьаҟауааи рхыԥхьаӡара ҩынтә еиҵахеит.

Аԥсны ахада инапынҵақәа назыгӡо Валери Бганба атәыла АҶА дҵас иеиҭеит аԥсуа-аурыс ҳәааҟны уахи-ҽни амедициантә усбарҭа абригада ҷаԥшьаларц.

Акоронавирустә инфекциа иазку ажәабжьқәа зегьы шәрыԥхьар ҟалоит абра>>

39
Атемақәа:
Ачымазара ҿкы – акоронавирус Аԥсни адунеи аҿи: иалкаау (540)

Латипов Егры аҳәаа аамҭала аартразы: ҳтәылауаа ринтересқәа рыхьчара иазырхоуп

17
(ирҿыцуп 18:52 13.07.2020)
Аԥсны ашәарҭадаратә маҵзура ахантәаҩы ихаҭыԥуаҩ, аҳәаахьчаратә маҵзура аиҳабы Рустам Латипов арадио Sputnik аефир аҿы еиҭеиҳәеит Аԥсни Қырҭҭәылеи рҳәааҿы аамҭалатәи акоридор аус шауа атәы.
Раионк аԥсҭазаараҟынтә: Латипов Аԥсныи-Қырҭтәылеи рҳәаа аамҭала аартра иазкны

"300-ҩык инареиҳаны иахьа еиуеиԥшыма амзызқәа ирыхҟьаны Қырҭтәыла иҟоуп. Асааҭ 9 инаркны асааҭ 15:00 рҟынӡа иахьатәи аамҭа иалагӡаны аҳәаа иахысхьеит 70-ҩык инареиҳаны. Урҭ рахьынтә иҟоуп згәамбзиара иахҟьаны ицазгьы, аха ус еиԥш иҟаз хәҩык роуп, аиҳараҩык уахьынтә иаауа Гал иқәынхо, еиуеиԥшым азҵааракәа рыла Қырҭтәыла инанагаз роуп. Уа дыҟан аҵара зҵо, аԥсра иақәшәаз, зҭаацәа збоит ҳәа ицаз уҳәа. Хынтә иаартыз акоридор иабзоураны 1500-ҩык инареиҳаны рыҩнқәа рахь ихынҳәит. Ари аҭагылазаашьа ауааԥсыра гәахәарыла ирыдыркылоит, ҳтәылауаа ринтересқәа рыхьчаразы Аԥсны атәыла анапхгара ари аус анагӡара хымԥадатәны иахәаԥшуеит", – ҳәа азгәеиҭеит Латипов.

Иаҳа инеиҵыху аиҿцәажәара шәазыӡырҩы аудио аҿы, мамзаргьы арадио Sputnik Аԥсны аефир аҿы.

Иара убас шәаԥхьар ҟалоит:

 

 

17

Акоронавирус змаз ҩыџьа апациентцәа Гәдоуҭатәи ахәышәтәырҭа илрыҩаараны иҟоуп

14
(ирҿыцуп 18:41 13.07.2020)
Аҵыхәтәантәи уахыки-ҽнаки рыла Аԥсны акоронавирустә инфекциа амазааразы агәаҭара иахысит 36-ҩык ауааԥсыра.

АҞӘА, ԥхынгәы 13 - Sputnik. Гәдоуҭатәи ахәышәтәырҭаҟны ишьҭоу акоронавирус зцәа иалаз акурсантцәа ҩыџьа аҩашаҽны, ԥхынгәы 14 рзы рылҩаара иаздырхиоит ҳәа адырра ҟанаҵоит Ауааԥсыра акоронавирус рацәыхьчаразы аоперативтә штаб.

Ари амш иалагӡаны агәаҭара иахрыжьыз 36-ҩык рҟынтә аӡәгьы иҿы акоронавирус  шьақәырӷәӷәамхеит

Иахьазы Аԥсны зынӡа акоронавиурс рыдырбалахьеит 38-ҩык. Урҭ рахьтә ҩыџьа макьанагьы Гәдоуҭатәи ахәышәтәырҭа иҭоуп, 35 ргәы бзиахеит, аӡәы лыԥсҭазаара далҵит.

Адунеизегьтәи агәабзиарахьчаратә еиҿкаара аҵыхәтәантәи адыррақәа рыла, адунеи аҿы ишьақәдырӷәӷәахьеит 12,5 миллион хҭыс инареиҳаны, рыԥсҭазаара иалҵит 561 нызқьҩык инарзынаԥшуа.

Акоронавирус иазку ажәабжьқәа зегьы шәрыԥхьар ҟалоит абра>>

14
Атемақәа:
Ачымазара ҿкы – акоронавирус Аԥсни адунеи аҿи: иалкаау (540)