Апациентцәа рзы "аихшаратә пункт" аадыртуеит Ареспубликатә хәышәтәырҭа ашҭаҿы

47
(ирҿыцуп 19:53 26.03.2020)
Иахьатәи аамҭазы Аԥсны акоронавирус зыхьуа ҳәа аӡәгьы дшьақәыргылам, аха уи аԥырҟәҟәааразы ауснагӡатәқәа рыдыркылоит.

АҞӘА, хәажәкыра 26 – Sputnik, Бадри Есиава. Апациентцәа рзы "Аихшаратә пункт" аадыртуеит Аԥсны Ареспубликатә хәышәтәырҭа аҩналарҭа аҿаԥхьа, абри атәы еиҭеиҳәеит Аԥсны АҶА амедицинатә усбарҭа аиҳабы Андзор Гоов.

"Ареспубликатә хәышәтәырҭа анапхгара ҳаҳәеит аихшарҭатә ҭыԥ аҳасабала амшьамбақәа ҳаргыларц. Уи заҭаху ашоура змоуи егьырҭ апациентцәеи хаз-хазы ргәаҭаразоуп", - ҳәа азгәеиҭеит Гоов.

Иара иажәақәа рыла, арҭ амшьамбақәа рҿы аҳақьымцәа апациентцәа рыдыркылалоит, иҭырҵаалоит, Ареспубликатә хәышәтәырҭа иахьахәҭоу аҟәшақәа рахь ирышьҭлоит.

Ареспубликатә хәышәтәырҭа атерапевттә ҟәша аиҳабы Анжела Арҷелиаԥҳа излалҳәаз ала, арҭ рҩызцәа амшьамбақәа рыԥшаара мариамызт, ари азҵаара аӡбараҿы ацхыраара ҟанаҵеит АҶА. Урҭ маругала ишеиқәыршәахо атәы еилкаахоит ахәаша, хәажәкыра 27 рзы.

Иахьатәи аамҭазы Аԥсны акоронавирус зыхьуа ҳәа аӡәгьы дшьақәыргылам.

Уаанӡа "аихшаратә пункт" еиҿкаан Тҟәарчалтәи араионтә хәышәтәырҭаҟны.

Акоронавирус Аԥсны аламырҵәара иазку ажәабжьқәа зегьы шәрыԥхьар ҟалоит абра>>

47
Атемақәа:
Ачымазара ҿкы – акоронавирус Аԥсни адунеи аҿи: иалкаау (540)

Латипов Егры аҳәаа аамҭала аартразы: ҳтәылауаа ринтересқәа рыхьчара иазырхоуп

17
(ирҿыцуп 18:52 13.07.2020)
Аԥсны ашәарҭадаратә маҵзура ахантәаҩы ихаҭыԥуаҩ, аҳәаахьчаратә маҵзура аиҳабы Рустам Латипов арадио Sputnik аефир аҿы еиҭеиҳәеит Аԥсни Қырҭҭәылеи рҳәааҿы аамҭалатәи акоридор аус шауа атәы.
Раионк аԥсҭазаараҟынтә: Латипов Аԥсныи-Қырҭтәылеи рҳәаа аамҭала аартра иазкны

"300-ҩык инареиҳаны иахьа еиуеиԥшыма амзызқәа ирыхҟьаны Қырҭтәыла иҟоуп. Асааҭ 9 инаркны асааҭ 15:00 рҟынӡа иахьатәи аамҭа иалагӡаны аҳәаа иахысхьеит 70-ҩык инареиҳаны. Урҭ рахьынтә иҟоуп згәамбзиара иахҟьаны ицазгьы, аха ус еиԥш иҟаз хәҩык роуп, аиҳараҩык уахьынтә иаауа Гал иқәынхо, еиуеиԥшым азҵааракәа рыла Қырҭтәыла инанагаз роуп. Уа дыҟан аҵара зҵо, аԥсра иақәшәаз, зҭаацәа збоит ҳәа ицаз уҳәа. Хынтә иаартыз акоридор иабзоураны 1500-ҩык инареиҳаны рыҩнқәа рахь ихынҳәит. Ари аҭагылазаашьа ауааԥсыра гәахәарыла ирыдыркылоит, ҳтәылауаа ринтересқәа рыхьчаразы Аԥсны атәыла анапхгара ари аус анагӡара хымԥадатәны иахәаԥшуеит", – ҳәа азгәеиҭеит Латипов.

Иаҳа инеиҵыху аиҿцәажәара шәазыӡырҩы аудио аҿы, мамзаргьы арадио Sputnik Аԥсны аефир аҿы.

Иара убас шәаԥхьар ҟалоит:

 

 

17

Акоронавирус змаз ҩыџьа апациентцәа Гәдоуҭатәи ахәышәтәырҭа илрыҩаараны иҟоуп

14
(ирҿыцуп 18:41 13.07.2020)
Аҵыхәтәантәи уахыки-ҽнаки рыла Аԥсны акоронавирустә инфекциа амазааразы агәаҭара иахысит 36-ҩык ауааԥсыра.

АҞӘА, ԥхынгәы 13 - Sputnik. Гәдоуҭатәи ахәышәтәырҭаҟны ишьҭоу акоронавирус зцәа иалаз акурсантцәа ҩыџьа аҩашаҽны, ԥхынгәы 14 рзы рылҩаара иаздырхиоит ҳәа адырра ҟанаҵоит Ауааԥсыра акоронавирус рацәыхьчаразы аоперативтә штаб.

Ари амш иалагӡаны агәаҭара иахрыжьыз 36-ҩык рҟынтә аӡәгьы иҿы акоронавирус  шьақәырӷәӷәамхеит

Иахьазы Аԥсны зынӡа акоронавиурс рыдырбалахьеит 38-ҩык. Урҭ рахьтә ҩыџьа макьанагьы Гәдоуҭатәи ахәышәтәырҭа иҭоуп, 35 ргәы бзиахеит, аӡәы лыԥсҭазаара далҵит.

Адунеизегьтәи агәабзиарахьчаратә еиҿкаара аҵыхәтәантәи адыррақәа рыла, адунеи аҿы ишьақәдырӷәӷәахьеит 12,5 миллион хҭыс инареиҳаны, рыԥсҭазаара иалҵит 561 нызқьҩык инарзынаԥшуа.

Акоронавирус иазку ажәабжьқәа зегьы шәрыԥхьар ҟалоит абра>>

14
Атемақәа:
Ачымазара ҿкы – акоронавирус Аԥсни адунеи аҿи: иалкаау (540)