Агәабзиарахьчара аминистрра иаанахәо арыцкьагақәа рыхәԥса анаплакыҩцәа иршәоит

18
Аԥхьаӡамҭа ҷыда аартуп Аԥсны Агәабзиарахьчареи асоциалтә еиқәыршәареи рминистрразы. Еизгоу аԥарақәа Аусбарҭабжьаратә штаб аӡбрала акоронавирус аҿагыларазы иаҭаххо аусмҩаԥгатәқәа рахь идырхоит.

АҞӘА, хәажәкыра 30– Sputnik, Бадри Есиава. Аԥсны Агәабзиарахьчареи асоциалтә еиқәыршәареи рминистрра иаанахәараны иҟоу адизинфекциатә хархәагақәа рыхәԥса хәажәкыра 31 рзы ишәахоит ареспублика анаплакыҩцәа еизыргаз аԥарақәа рҟынтәи ҳәа Sputnik акорреспондент изеиҭеиҳәеит Аусбарҭабжьаратә оперативтә штаб ахаҭарнак Борис Барцыц.

Иара иҳәеит хәажәкыра 30 рзы 15 миллиони 950 нызқьмааҭ шеизыргахьо. Арҭ аԥарақәа Аԥсны Агәабзиарахьчареи асоциалтә еиқәыршәареи рминистрра аԥхьаӡамҭа ҷыдахь инашьҭуп.

"Макьаназ аԥхьаӡамҭахь аԥара назышьҭхьо аиҿкаарақәа ааба роуп. Ҳара иаҳуалуп аԥарақәа ишахәҭоу еиԥш рхархәара. Абри аан Аиҳабырабжьаратә штаб азыҳәақәа ҳрықәныҟәоит. Уаҵәы 850 000 мааҭ ахшәаахоит адезинфекциатә хархәага апартиа, Аԥсны АҶА аҳәааҿи ауаа рацәа ахьеизало аҭыԥқәа рҿи адезинфекциа мҩаԥыргаларц", - ҳәа азгәеиҭеит Барцыц.

Хәажәкыра 26 рзы анаплакыҩцәа Валери Бганба иԥылеит, иалацәажәеит Аԥсны акоронавирустә инфекциа COVID-2019 аҿагылара азҵаарақәа.

Аиԥылара алахәылацәа азааит русураҿы Агәабзиарахьчара аминистрреи дареи реинырра шхымԥадатәиу.

Абри ашьҭахь анаплакыҩцәа раԥшьгаратә гәыԥ иаԥырҵеит аԥарақәа риагашьа аилкаара ахьалшо аплатформа "Ҳара ҳаидгылоуп".

Иара убас шәаԥхьар ҟалоит:

18
Атемақәа:
Ачымазара ҿкы – акоронавирус Аԥсни адунеи аҿи: иалкаау (461)

Чаблахԥҳа иаԥшәымадоу алақәа рызҵаара аӡбашьазы: ус дууп, зегь ҳзы ибзиоуп

19
Гагра араион Алаҳаӡы ақыҭан инхо Хамида Чаблахԥҳа арадио Sputnik аефир аҟны арубрика "Раионк аԥсҭазаараҟынтә" аҿы еиҭалҳәеит иаԥшәымадоу алақәа рызҵааразы араион аҟны аҭаагылазаашьа зеиԥшроу.
Раионк аԥсҭазаараҟынтә: Чаблахԥҳа иаԥшәымадоу алақәа ртәы

Гагра арион ахада инапынҵақәа назыгӡо Иури Хагәышь лаҵара 27 рзы аилацәажәара мҩаԥигеит иаԥшәымадоу алақәа рызҵаара иазкны. Уи аҟны аӡбамҭа рыдыркылеит араион аҟны иҟоу иҷыдоу алақәа рыԥхьарҭахь инаргаларц хылаԥшра змам аԥстәқәа.

"Аилацәажәараҟны ирыӡбаз аус бзиоуп. Шьҭа хәышықәса ҵуеит алақәа рааӡарҭа "Топа" аиҳабы Саида Оҭырԥҳа ари имариам аус лнапы алакуижьҭеи. Лара илыбзоураны 700 инареиҳаны алақәа Аԥсны анҭыҵҟа ишьҭуп, аԥшәмацәа рзыԥшаауп. Ааӡарҭаҟны 180 рҟынӡа алақәа ыҟоуп, аҭыԥ азхаӡом. Гагра ақалақь аӡәгьы итәымкәа иалоу алақәа маҷым, ари аҭагылазаашьа ҽеим ҳара ҳзеиԥш, дара алақәа рзгьы, ауадаҩрақәа рацәаны иацуп ари азҵаара. Амҩа иану алақәа амла иакуеит, амашьынақәа ирыҵалоит, ауаа ирзыҭрысыр ҟалоит, ишәарҭоуп, аха рышьра иашам, игәнаҳароуп ҳәа сыԥхьаӡоит. Ари азҵаара даҽа ӡбашьак амоуп - алақәа мшьӡакәа ааӡарҭахь рышьҭра. Уи иахьадгылаз Гагра ахадара иҭабуп ҳәа расҳәоит, ааӡарҭа ацҵара ацхыраара ахьарҭо азы. Ари ус дууп, зегьы ҳзы ибзиоуп", - лҳәеит Чаблахԥҳа.

Шәазыӡырҩы аудио. иаҳа инеиҵыху анҵамҭа шәаҳар шәылшоит арадио Sputnik Аԥсны аефир аҟны.

Иара убас шәаԥхьар ҟалоит:

19

Аԥсны анапхгара акурсантцәа рҵараиурҭақәа рахь рыхынҳәраҿ ирыцхраауеит

11
Ауааԥсыра акоронавирус рацәыхьчаразы Акоординациатә штаб аилатәара мҩаԥысит лаҵара 28 рзы Аминистрцәа реилазаараҿы.

АҞӘА, лаҵара 28 – Sputnik. Аԥсны анапхгара акурсантцәа рҵараиурҭақәа рахь рыхынҳәраҿ ирыцхраауеит иҳәеит аԥыза-министр Александр Анқәаб ауааԥсыра fкоронавирус рацәыхьчаразы Акоординациатә штаб аилатәараҿы.

Аԥыза-министр иазгәеиҭеит аҭаацәа абилеҭқәа раахәараҿы ауадаҩрақәа роур алшоит ҳәа.

"Владимир Валери-иԥа (Делба, Афинансқәа рминистр – аред.) иарбан цхыраароу иҟаҳҵар ҳалшо. Зынӡа ишәцәыуадаҩхар, абизнесуаа еизыргаз аҟынтәи инхаз иахаҳхып ма даҽаџьара аҳәара ҟаҳҵап, аҭаацәа ауадаҩра иақәаҳмыршәарц", - иҳәеит иара.

Атәылахьчара аминистр актәи ихаҭыԥуаҩ Беслан Ҵәыџьба иҳәеит акурсантцәа Аԥсны рыҟазаара аҿҳәара рашәара 5-10 рзы ишынҵәо.

Аха дара Урыстәыла ҩымз аҽыԥхьакратә режим иахьахысызи Аԥсны акарантин иахьахысызи Атәылахьчара аминистрра Урыстәыла Атәылахьчара аминистррахь аҳәаратә шәҟәы архиоит урҭ маҷк ихьшәаны аҵараиурҭақәа рахь инеирц, иаҳҳәозар, рашәарамза анҵәамҭазы.

"Аҭаацәарақәагьы абилеҭқәа рыхәԥса ршәартә аҭагылазаашьа ыҟам. Убри азы рашәара 1 азы ашәҟәы ҳашьҭуеит. Иахьазы акурсантцәа 268-ҩык ыҟоуп", - иҳәеит иара.

Иара убас шәаԥхьар ҟалоит:

11