Искандер ихьӡ зху аԥхьахә алонг-бӷьыц рылаҳәоуп

11
(ирҿыцуп 12:46 01.04.2020)
Фазиль Искандер ихьӡ зху Жәларбжьаратәи аԥхьахә аԥнаҵеит Урыстәылатәи ПЕН-центр 2016 шықәса нанҳәамзазы.

АҞӘА, мшаԥымза 1 - Sputnik. Фазиль Искандер ихьӡ зху Жәларбжьаратәи аԥхьахә аиҿкааҩцәа ирыларҳәеит аԥхьахә аиура зылшо рсиа абарҭ аноминациақәа рҿы: "Апроза", "Апоезиа", "Акиносценарии адраматургиеи", "Ахәыҷқәеи ақәыԥшцәеи рзы апроза", ҳәа радио Sputnik иазеиҭеиҳәеит Урыстәылатәи ПЕН-центр апрезидент, ажиури ахантәаҩы Евгени Попов.

"Сынтәа Аԥсны ахаҭарнакцәа ҩыџьа ыҟоуп, аха урҭ рыхьӡ сҳәаанӡа иазгәасҭар сҭахуп асиа акыр ишауу. Асиаҿ ишарбоу Диана Рубина, Валери Попов уҳәа реиԥш еицырдыруа алитераторцәеи алитератор ҿарацәеи", - иҳәеит иара.

Асиаҿ Аԥсны ахаҭарнак иаҳасаб ала ихьӡ ҳәоуп - Витали Шариа (ажәабжь "Машинка времени"), аҩбатәи - Асҭамыр Какалиа (аҭоурыхтә роман "Гостеприимное море").

Фазиль Искандер ихьӡ зху Жәларбжьаратәи аԥхьахә роуеит абарҭ аноминациақәа рыла: "Апроза", "Апоезиа", "Акиносценарии адраматургиеи", "Ахәыҷқәеи ақәыԥшцәеи рзы апроза".

"Ажиури алахәылацәа аҩымҭақәа зегьы ирыԥхьоит. Нас абжьыҭира мҩаԥысуеит. Уи ҩбаҟа мзы иадхалоит. Уи ашьҭахь шорт-бӷьыц рылаҳәахоит", - иҳәеит Попов.

Фазили Искандер ихьӡ зху аԥхьахә аиура мҩаԥгахоит ԥхынҷкәынмзазы.

Аԥхьахә аиуразы сынтәа иқәыргылоуп 51 усумҭа. Асиа иаҵанакуеит: еицырдыруа – Валери Бочков, Мариа Ватутина, Олег Глушкин, Дина Рубина, Максим Замшев, Виачеслав Куприанов, Валери Попов, Елена Усачева, Антон Уткин, Вадим Фадин, Витали Шариа, иара убасгьы аҿарацәа –Елена Буевич, Анаит Григориан, Надиа Делаланд, Ирина Гориунова, Асҭамур Какалиа, Александр Карпенко, Инга Кузнецова, Артеми Леонтьев, Александра Николаенко, Георг Панкратов, Валериа Пустоваиа.

Фазиль Искандер ихьӡ зху Жәларбжьаратәи аԥхьахә аԥнаҵеит Урыстәылатәи ПЕН-центр 2016 шықәса нанҳәамзазы.

Фазиль Абдул-иԥа Искандер диит хәажәкыра 6, 1929 шықәса рзы, Аҟәа. 1954 шықәса рзы далгеит А.М. Горки ихьӡ зху Алитературатә институт. Ҩышықәса рышьҭахь дхынҳәуеит Аԥсныҟа, Аҳәынҭшәҟәҭыжьырҭа аԥсуа ҟәша аредакторс. 1956 инаркны иҩымҭақәа ркьыԥхьуан ажурналқәа: "Смена", "Неделя", "Костер", "Сельская молодежь" уҳәа рыҟны. Раԥхьатәи иажәеинраалақәа реизга "Горные тропы" ҭыҵит 1957 шықәса рзы Аҟәа. 1966 шықәса рзы ажурнал "Новый мир" аҟны икьыԥхьын аповест "Созвездие Козлотура".

Искандер ирҿиамҭақәа ирылукаартә иҟоуп "Сандро из Чегема" (1973-1988, автобиографиатә ҩымҭа). Искандер иажәабжьқәеи иповестқәеи еиҭагоуп шамахамзар европатәи абызшәақәа зегьы рахь.

Иара убас шәаԥхьар ҟалоит:

11
Верующие во время празднования дня Крещения Христова у источника Святого Василиска возле села Каман в Республике Абхазия

Аԥсны ауахәамақәа рыҟны Иаса Қьырса Иӡаахра иазку амҵаныҳәара мҩаԥыргоит

6
(ирҿыцуп 10:21 17.01.2021)
Иаса Қьырса Иӡаахра азгәарҭоит ажьырныҳәа 19 рзы. Аныҳәа азкуп Назареҭтәи Иаса Қьырса Иордан аӡы аҟны иӡаахра. Қьырса динаҭит Иоанн Анцәаиажәаҳәаҩ. Арҭ амшқәа рзы ауахәамақәа рҟны имҩаԥысуа аныҳәарақәа Аӡаахра иадҳәалоуп.

АҞӘА, ажьырныҳәа 17-Sputnik. Аиашахаҵаратә қьырсианра иаҵанакуа ауахәамақәа рҟны имҩаԥгахоит Иаса Қьырса Иӡаахра иазку анцәа имҵаныҳәара, абри атәы иҳәеит Аԥсны Аиашахаҵаратә уахәама аиҳабы аб Виссарион (Аԥлиа).

Арҭ амшқәа рзы ауахәамақәа рҟны имҩаԥысуа аныҳәарақәа Аӡаахра иадҳәалоуп. Ажәытәан Иаса Қьырса иирагьы иӡӡаахрагьы мышкы иазгәарҭон. Иара ихазы аҽӡаахра ԥсыхәа амамкәан иҟамызт. Аӡы иҽӡааихит, иҽҭишьит, уи ала адунеи аӡқәа зегьы ррыцқьаразы. Ари аныҳәазы ишыхьҭоугьы, изылшо, згәы иаҭаху аӡы иҭалоит ҩнуҵҟалагьы, цәеижьлагьы аҽрыцқьаразы.

Қьырса ныҳәа инаркны Аӡаахра аҟынӡа (ажьырныҳәа 7 инаркны 19-нӡа) иԥшьоу, ицқьоу амшқәа ҳәа ирышьҭоуп. Аныҳәа мышкы шыбжьоу чгара мшуп.

Аҽӡаахра амшныҳәаз Анцәа дхазҵо иргәаладыршәоит 30 шықәса ирҭагылаз Иаса Қьырса Галилеинтәи аӡиас Иордан ашҟа дышнеиз иҽӡааихырц азы. Иара аӡы данҭыҵуаз адунеи зегьы ирбарҭахеит Анцәа-Аб, Анцәа-Аԥа, аҳәыҳә асахьа зманы Иаса Қьырса ижәҩахыр иқәтәаз Анцәа-Иԥшьоу идоуҳа.

Аӡаахра амшныҳәа ақьырсианцәа иазгәарҭо иалагеит апостолтә аамҭақәа рзы. Ажәытәан Қьырсеи Анцәаибареи мышкны иҟан, аха аамҭақәак рыла ауахәама урҭ аныҳәақәа еиднагеит. Есышықәса Аӡаахра амш аҽни аухеи аиашахаҵаратә уахәамақәа рҟны аҵак дуӡӡа змоу аӡыԥшьара мҩаԥыргоит.

6
Линии электропередач

Аҟәа ахәҭак лашарада иаанхеит аҵла афымцацәаҳәақәа иахьрықәҳаз иахҟьаны

4
Аҭыԥ ахь инеит амашәыр ахҟьаԥҟьақәа аԥызхуа абригадақәа, афымцалашара амҽыша асааҭ 15:00 рҟынӡа инеиҭашьақәдыргыло рҳәеит.

АҞӘА, ажьырныҳәа 17 - Sputnik. Аҟәа адендропарк аҿы икаҳаз аҵла афымцацәаҳәақәа хәба аԥхасҭа рынаҭеит, уи иахҟьаны Синопи Турбазеи рыбжьара иҟоу араион фымцалашарада иаанхеит ҳәа аанацҳауеит АУН "Амшынеиқәафымцамч".

Иазгәаҭоуп аԥхасҭа шроуз 10-тәи, 11-тәи афидерқәа (аихшарҭатә цәаҳәақәа - азгә.).

Аҭыԥ ахь инеит амашәыр ахҟьаԥҟьақәа аԥызхуа абригадақәа, афымцалашара амҽыша асааҭ 15:00 рҟынӡа еиҭашьақәдыргылоит рҳәеит.

4