АҞӘА, мшаԥымза 1 – Sputnik. Аԥсны аԥыза-министр Валери Бганба инапы аҵаиҩит ихымԥадатәу атауарқәа – раԥхьаӡа иргыланы иуҭаххо афатәқәеи ахәшәқәеи раагаратә ҳазалхратә баџь рықәхразы ақәҵара.
Абри ақәҵара кьыԥхьуп атәыла Аминистрцәа реилазаара асаит аҟны.
"Аагаратә ҳазалхратә баџь рықәхзааит мшаԥымза 1 инаркны лаҵарамза 1 аҟынӡа Аԥсны Аҳәынҭқарра аҳәаа ахыгараан абарҭ ихымԥадатәу атауарқәа", – ҳәа аҳәоит ақәҵара атекст.
Адокумент инақәыршәаны, ауаҩы изы ихадароу афатәқәа рахь иаҵанакуеит: акәац, аԥсыӡ, акәтаӷь, акартош, аџьымшьы, аџыш, ахәылрҳәы, аҷых, аҷархал, аҟәыд, агәырҟәыд, ачаи, аԥрынџь, азеҭ, ашьақар, аҵәырса злам амажәа аалыҵқәа, ача, аџьыкахыш.
Аагаратә баџь зықәхыз зда ԥсыхәа ыҟам амедикаментқәа рахь иаҵанакуеит: ахәшәқәа, адезинфекциатә маҭәашьарқәа, абахилқәа, амедицинатә маҭәа, аԥҟагатә напхазқәа.
Инарҭбааны асиа ҭуҵаар ҟалоит Аминистрцәа реилазаара асаит аҟны.
Акоронавирус иадҳәалоу аҵыхәтәантәи ажәабжьқәа шәрыԥхьар ҟалоит абра>>
