Аԥсуа туристтә бизнес аҭагылазаашьа ҷыда иқәныҟәоит

21
(ирҿыцуп 17:09 02.04.2020)
Хәажәкыра 29 инаркны мшаԥы 20 рҟынӡа атәыла асасааирҭақәа, аԥсшьарҭа ҩнқәа рҿы аномерқәа заанаҵтәи рҿаҵара аанкылоуп.

АҞӘА, мшаԥы 2 - Sputnik. Аԥсны атуристтә бизнес иаԥҵоу акарантин иқәныҟәоит ҳәа Sputnik иазеиҭеиҳәеит Акурортқәеи атуризми рзы аҳәынҭеилакы ахантәаҩы ихаҭыԥуаҩ Асҭамыр Барцыц.

"Акарантин шә-процентк иқәныҟәоит. Ауаа рыхдырра ҳаракуп. Аӡәгьы иҭахам апандемиа ахыҵхырҭаҿы дгылазарц. Ҭабуп ахысҳәаауеит ауаа иҟоу аҭагылазаашьа рҽахьадныршәо", - иҳәеит иара.

Иахьазы аԥсшьарҭа ҩнқәа рҿы ԥшьҩык ыҟоуп ҳәа иҳәеит иара.

"Уаҳа аӡәгьы дыҟам, аӡәгьы дааӡом. Иара убасгьы иаанкылоуп аекскурсиатә усмҩаԥгатәқәа. Зегьы еилаҳкаауеит амилаҭ ргәабзиара аҵак ду шамоу", - иҳәоит Барцыц.

Иара атәыла ауааԥсыра рахь ааԥхьара ҟаиҵеит акарантин еиларымгаларц, иааирԥшит агәыӷра еидгыларыла, ҳәоуеиқәшәала иҟоу аҭагылазаашьа аиааира алшап, акурорттә сезонгьы ҽазыҟаҵарыла иаԥылап ҳәа.

Убри аан иара иазгәеиҭеит атуризм аусхк ацәыӡ маҷымкәа ишамоу.

Хәажәкыра 29 инаркны асасааирҭақәа, аԥсшьарҭақәа, аотельқәа рҟны иҟазарц зылшо амаҵзуратә ныҟәарала иааз шракәу.

Акоронавирус иадҳәалоу аҵыхәтәантәи ажәабжьқәа шәрыԥхьар ҟалоит абра>>

21
Атемақәа:
Ачымазара ҿкы – акоронавирус Аԥсни адунеи аҿи: иалкаау (726)

Sputnik апресс-центр аҟны еиҭарҳәоит аԥсуаа рҿы аӡахәааӡара аҭоурых

7
(ирҿыцуп 20:21 01.10.2020)
Жьҭаара 2 асааҭ 14:00 рзы Sputnik Аԥсны амультимедиатә пресс-центр аҿы имҩаԥгахоит Фарид Кәабахьиеи Николаи Ачбеи рышәҟәы "Ажәытәан аԥсуаа рҟны аӡахәааӡареи аҩыҟаҵареи" иазку апресс-конференциа.

Апресс-конференциа иалахәуп:

  • Фарид Кәабахьиа – аҭоурыхдырыҩ, Аԥсуаҭҵааратә институт анаукатә усзуҩ;
  • Николаи Ачба – "Аԥсны аҩқәеи аӡқәеи" адиректор хада.

Амассатә-информациатә хархәагақәа рхаҭарнакцәа ааҳаԥхьоит апресс–конференциахь (аҭыӡҭыԥ: ақ. Аҟәа, Пушкин имҩ. 16, абизнес-центр "Гәдоу Плаза", 5-тәи аихагыла).

Аккредитациа ҟалоит абри аҭел ала: +7(940) 926 00 00

Азыҳәа анашьҭразы аелектронтә ҭыӡҭыԥ: info.abk@sputniknews.com

Иара убасгьы шәара ишәылшоит апресс-конференциа алахәылацәа зинтерес шәымоу азҵаарақәа рышәҭарц Sputnik Аԥсны асоциалтә ҳа Facebook аҿтәи адаҟьаҿы мамзаргьы аелектронтә ԥошьҭахь инашьҭны: info.abk@sputniknews.com

7

Раионк аԥсҭазаараҟнытә: Гәынба "Акурорт "Пицунда" аԥсшьаҩцәа раҭаара иазкны

4
(ирҿыцуп 20:10 01.10.2020)
"Акурорт Пицунда" аиҳабы Фрикан Гәынба арадио Sputnik аефир аҿы еиҭеиҳәеит иахьазы аԥсшьарҭатә комплекс аҿы шаҟаҩы рыԥсы ршьо, насгьы уи иамоу ауадаҩрақәа ртәы.
Раионк аԥсҭазаараҟнытә: акурорт "Пицунда" аԥсшьаҩцәа раҭаара иазкны

"Иахьазы аԥсшьарҭатә комплекс аҿы рыԥсы ршьоит 1800-ҩык. Ҵыԥх уажәааны 1200 ракәын иҟаз. Уи зыбзоурахазгьы ҳәа ҳгәы иззаанаго Гьаргь Блаб ихьӡ зху абокс азы Пицунда имҩаԥысуа атурнир ауп. Амшқәагьы аԥсшьараамҭазы ибзиоуп, уи алагала ыҟоуп. Уажәазы азыҳәарақәа маҷуп иҟарҵо еиҭа аԥсшьаразы, аха амз аҵыхәанӡа аус аауп ҳәа ҳгәыӷуеит", - ҳәа еиҭеиҳәеит Гәынба.

Аԥсшьарҭатә комплекс аҿы иҟоу ауадаҩрақoа ртәы далацәажәо, Гәынба иҳәеит.

"Аӡыканал ацхыраара аҭахуп, уи аҳабла зегьы ӡыла еиқәнаршәоит иара аԥсшьарҭатә комплекс адагьы, иара анаплакы абаланс аҿы иқәгылоуп, иҟаҵатәу рацәоуп. Аӡыцрыҵқәа ракәзар, ақәра рымоуп, есԥхынра амчра ӷәӷәа роуеит, усҟан ана-ара иацәцо иалагоит. Уи аҭыԥ аԥшаара усҟак имариам, иҳақәҿиеит иара атәы здыруа Алексеи Кьетиа дахьҳамоу. Иара акыр шықәса аус иуеит, аԥсшьарҭатә комплекс аҿы аӡыцрыҵқәа шьышьықәгылоу атәы идыруеит", - ҳәа еиҭеиҳәеит Гәынба.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы.

Иара убас шәаԥхьар ҟалоит:

4