Арԥҳақәа аҳауарҭарсгақәеи атест-системақәеи аархәеит Агәабзиарахьчара аминистрразы

22
(ирҿыцуп 13:45 04.04.2020)
50 миллион мааҭ инарзынаԥшуа аԥара Аԥсны Агәабзиарахьчареи асоциалтә еиқәыршәареи рминистрра иҷыдоу аԥхьаӡамҭахь ииаган аҭыԥантәии аҳәаанырцәтәии амеценатцәа рҟынтәи акоронавирус аҿагыларазы иаҭаху иҷыдоу амаругақәеи, аҽыхьчагақәеи, атест-системақәеи раахәаразы.

АҞӘА, мшаԥы 4 – Sputnik, Бадри Есиава. Арԥҳақәа аҳауарҭарсгақәа ҩажәи акы, хә-нызқь тест-системақәа, аҽыхьчагақәа аахәан Аԥсны Агәабзиарахьчара аминистрразы анаплакыҩцәеи ахазхаҿқәеи еизыргаз аԥарақәа рыла, абри атәы Sputnik иазеиҭеиҳәеит Ауааԥсыра акоронавирус рацәыхьчаразы Акоординациатә штаб алахәыла, аидгыла "Ҳара ҳаидгылоуп" ахаҭарнак Борис Барцыц.

"Иахьатәи аамҭазы еизгоуп 49 миллион мааҭ инареиҳаны аԥара. Урҭ рыла иаахәоуп арԥҳақәа аҳауарҭарсгақәа 21, атест-системақәа хә-нызқь цыра, аҽыхьчагатә костиумқәа, амедицинатә сабрадақәа, аинтенсивтә терапиеи аԥсеиқәырхарҭақәеи рзы аныхгатә материал рацәаны. Иааиуа аԥара зегьы шааиуеи урҭ рныхшьеи шәрыцклаԥшыр шәылшоит аидгыла "Ҳара ҳаидгылоуп" асаит аҟны", - иҳәеит Барцыц.

Иаархәаз апартиа Аԥсныҟа иаауеит етапла - мшаԥы 6 инарнкы 10-нӡа, зегьы ишазгәарҭахьаз еиԥш иманшәалахар. Уи Аԥсныҟа аагара ауадаҩрақәа ацуп иҳәеит Барцыц,  еиҳарак уи зыдҳәалоу Урыстәылантәи амедицинатә хархәагақәа алганы ргара азин ахьыҟам, зхыԥхьаӡара маҷу амаругақәа рыԥшаара ахьыуадаҩу, аексперттә еиқәшаҳаҭра абжьаҵара ахьаҭаху, атәыла алгаразы азин ахьалхтәу уҳәа. Арҭ ауадаҩрақәа рылҵраҟны ацхыраара ҟарҵоит атәыла аиҳабыреи Урыстәыла инхо ҳџьынџьуааи.  

"Арҭ аԥарақәа реиҳа иаҳҭаху ахырхарҭахь ишьҭызарц азы ҳара Москватәи аԥсуа диаспореи ҳареи аусутә еимадара ҳабжьаҳҵеит, иаҳҭаху зегьы рсиа шьақәыргыланы еимаадеит. Аԥарақәа ҳашьҭуеит Ауааԥсыра акоронавирус рацәыхьчаразы Акоординациатә штаб, Агәабзиарахьчара аминистрра, абизнесуааи аидгыла "Ҳара ҳаидгылоуп" ахаҭарнакцәеи зегьы ақәыршаҳаҭны", - ҳәа азгәеиҭеит Барцыц.

Барцыц ацхыраара ҟазҵо зегьы иҭабуп ҳәа реиҳәоит, иара убас атәыла ауааԥсыра рахь аҳәара ҟаиҵоит аҳақьымцәа иҟарҵо абжьагарақәа ирықәныҟәарц, аҩны иахьынӡауа идәылымҵларц, ауаа рацәа ахьыҟоу имнеиларц.

Хәажәкыра 26 рзы Аԥсны анаплакыҩцәа ахада инапынҵақәа назыгӡо Валери Бганба иԥылеит. Урҭ Аԥсны акоронавирустә инфекциа COVID-2019 атәылаҟны алаҵәаразы иҟоу ашәарҭара иалацәажәеит. Анаҩс анаплакыҩцәа раԥшьгаратә гәыԥ иаԥырҵеит "Ҳара ҳаидгылоуп" захьӡу аплатформа, уа изҭаху зегьы игәарҭар рылшоит Аԥсны акоронавирус аҿагыларазы иаларгало аԥаратә хархәагақәа рааишьеи рныхшьеи.

Аҵыхәтәантәи адыррақәа рыла, Аԥсны акоронавирус зыхьыз ҳәа аӡәгьы дшьақәыргылам. 

Акоронавирус алаҵәаразы иҟоу аҵыхәтәантәи ажәабжьқәа шәрыԥхьар ҟалоит абра>>

22
Атемақәа:
Ачымазара ҿкы – акоронавирус Аԥсни адунеи аҿи: иалкаау (470)
Роман Джопуа

Џьапуа арахә рчымазараҟнытә ҿыц ироуз алаҵазы: даара аџьабаа адбаланы иааган

2
Аԥсны аветеринартә маҵзура аиҳабы Роман Џьапуа арадио Sputnik аефир аҿы еиҭеиҳәеит амаҵзура ҿыц иаиуз алаҵа арахә рзы ишхәарҭоу.
Џьопуа арахә рчымазараҟнытә ҿыц ироуз алаҵазы: даара аџьабаа адбалан иааган

"Иҳауз алаҵа Аԥсны арахә ирымоу ҩ-чымазарак иртәуп. Аҳәынҭқарратә программала ари ахәшә ааҳхәаӡом, иааҳхәо иаҳа злеишәа цәгьоу ачымазарақәа рзоуп аҟнытә, иара апрограмма иаҵанакуамызт. Акрааҵуеит аҳәара ҟаҳҵоижьҭеи Аԥсны аус зуа Еиду амилаҭқәа рхаҭарнакра иҟанаҵо ацхыраарала ари авакцина ҳзааргарц. Даара аџьабаа адбаланы иҳарҭеит ахәшә, ақырҭцәа иаармышьҭырц иалагеит. 15 нызқь доза ҳзааргеит, урҭ рахьынтә аа-нызқь инареиҳаны ишаны ираҳҭахьеит ҳара ҳҳақьымцәа. Авакцина иагхан иахьааз аҟнытә усҟак ахархәара аиуӡом, избанзар зырахә ашьхахь иказцахьоу анхацәа ыҟоуп, ашоура ӷәӷәа аан агәыргьы рылауҵар ҟалаӡом", - ҳәа еиҭеиҳәеит Џьапуа.

Иаҳа инеиҵыху аиҿцәажәара шәазыӡырҩы аудио аҿы, мамзаргьы арадио Sputnik Аԥсны аефир аҿы.

Иара убас шәаԥхьар ҟалоит:

2

Аҟәа ахәышәтәырҭаҟынтәи ибналаз абаандаҩы амилициа ишьҭоуп

20
(ирҿыцуп 20:46 02.06.2020)
Изакәанымкәа амцабџьари аџьаԥҳани рыҵәахразы зус ҭырҵаауа Иашҭхәа ақыҭан инхо атәылауаҩ Аҟәа Ареспубликатә хәышәтәырҭа хадаҟынтә дыбналеит, иара ахԥатәи аихагылаҟынтәи ацәарҭамаҭәақәа еиқәҳәалан дырхьынҳаланы дылбааит.

АҞӘА, рашәара 2 - Sputnik. Аԥсны Аҩнуҵҟатәи аусқәа рминистрра аусзуҩцәа ишьҭоуп Аҟәа рашәара 1 азы Ареспубликатә хәышәтәырҭаҟынтәи ибналаз Гурген Киракосиан, абри атәы аанацҳауеит аусбарҭа апресс-маҵзура.

Киракосиан иганахьала ашьаусҭҵаара хацыркуп изакәанымкәа амцабџьари аџьаԥҳани рыҵәахразы, иара уаанӡагьы ишьҭан, даанкылан лаҵара 15 рзы.

Убри ашьҭахь иара дырхәышәтәуан Ареспубликатә хәышәтәырҭаҿы аԥҟара аҟәшаҿы, уантәи иара абналара илшеит: инапышьаҳагақәа аартны, ацәарҭамаҭәақәа еиқәҳәалан дырхьынҳаланы ахԥатәи аихагылаҟны дахьышьҭаз апалата аԥенџьыр ала дылбааит.

Киракосиан иганахьала Аҟәа ақалақьтә прокуратура ашьаус хацнаркит дахьҭакыз аҭыԥ аҟынтәи дахьыбналаз афакт ала.

Аҩнуҵҟатәи аусқәа рминистр идҵала, Киракосиан ихьчара знапы ианыз аусзуҩцәа рганахьала амаҵзуратә гәаҭара мҩаԥыргеит. Агәаҭара аматериалқәа Апрокуратура хадахьы инашьҭуп ашьаусԥшааратә ӡбамҭа адкыларазы.

Иара убас шәаԥхьар ҟалоит:

20