Аԥҭекақәа рҿы ахәшәқәа рыҟазаареи рыхәԥсеи хылаԥшра аиулоит

30
(ирҿыцуп 12:58 06.04.2020)
Атәыла аҵакыраҿы аҭагылазаашьа ҷыда аҟазаараан аԥҭекақәа русурақәа ԥырымкит. Урҭ русура хылаԥшра арҭалоит Агәабзиарахьчара аминистрраҟынтә.

АҞӘА, мшаԥы 6 - Sputnik. Аԥсны ахәшәқәа разымхара ыҟам ҳәа Sputnik иазеиҭеиҳәеит Агәабзиарахьчара аминистрра Афармациа аусбарҭа аиҳабы Ахра Аџьба.

"Аԥсныфармациа" аҳәынҭқарратә хырхарҭа адҵақәа нанагӡоит ишахәҭоу еиԥш, ахәшәқәа шааргац иааргоит аҳәаа ахьаркугьы иахьмырԥшыкәа.

"Акоронавирус инадҳәаланы алогистикатә еидҳәаларҭақәа маҷк еиԥҟьеит иара Урыстәылагьы. Макьаназы аҭагылазаашьа шыҟало ҳаздырам. Ауадаҩра акоронавирус адагьы адоллар ашьҭыҵра иадҳәалоуп", - иҳәеит Аџьба.

Иара ишиҳәаз ала, ахәԥсақәа рышьҭыҵра аҭыԥ амоуп. Уи акоронавирус алаҵәареи адоллар ашьҭыҵреи ирыдҳәалоуп.

Ахра Аџьба иҳәеит Аҟәеи атәыла егьырҭ араионқәеи ақалақьқәеи рҿы аԥҭекақәа рҟны ахәԥсақәа рҭагылазаашьа ишахылаԥшуа Агәабзиарахьчара аминистрра, Акоронавирус аламырҵәаразы аоперативтә штаб, Аҳәынҭстандарт, Аҩныҵҟатәи аусқәа рминистрра.

Ахәԥсақәа шьҭыхуп ҳәа адырра аиураан агәаҭарақәа мҩаԥгахоит, адырра иашазар - иахәҭаны иҟоу ауснагӡатәқәа рыдыркылоит.

"Аминистрцәа реилазаара ақәҵара ыҟоуп иреиҳаӡоу ахәцҵа азы. Уи анеилагаха ахараԥсатә санкциақәа рықәырҵоит. Иҟалоит азин ҷыда –алицензиа амхра аҟынӡагьы инаӡар. Аҭагылазаашьа ҷыда аҟазаараан ари аҩыза ахарадҵа азин ыҟоуп", - ҳәа рҳәеит аусбарҭа апресс-маҵзураҿы.

Ахәԥсақәа рырҳаракразы ауааԥсыра аҭел иасыр рылшоит Агәабзиарахьчара аминистрра, Акоронавирус аламырҵәаразы аоперативтә штаб, Аҳәынҭстандарт, Аҩныҵҟатәи аусқәа рминистрра рахь абарҭ аномерқәа рыла: + 7 940 995 02 07; + 7 940 773 50 50; + 7 940 711 30 77; + 7 940 935 30 71; + 7 840 229-44-00, +7940 777 54 58; +7940 999 54 58, +7 (940) 920-20-95; +7 (940) 754-50-50.

Иара убас шәаԥхьар ҟалоит:

30
Атемақәа:
Ачымазара ҿкы – акоронавирус Аԥсни адунеи аҿи: иалкаау (470)
Роман Джопуа

Џьапуа арахә рчымазараҟнытә ҿыц ироуз алаҵазы: даара аџьабаа адбаланы иааган

4
Аԥсны аветеринартә маҵзура аиҳабы Роман Џьапуа арадио Sputnik аефир аҿы еиҭеиҳәеит амаҵзура ҿыц иаиуз алаҵа арахә рзы ишхәарҭоу.
Џьопуа арахә рчымазараҟнытә ҿыц ироуз алаҵазы: даара аџьабаа адбалан иааган

"Иҳауз алаҵа Аԥсны арахә ирымоу ҩ-чымазарак иртәуп. Аҳәынҭқарратә программала ари ахәшә ааҳхәаӡом, иааҳхәо иаҳа злеишәа цәгьоу ачымазарақәа рзоуп аҟнытә, иара апрограмма иаҵанакуамызт. Акрааҵуеит аҳәара ҟаҳҵоижьҭеи Аԥсны аус зуа Еиду амилаҭқәа рхаҭарнакра иҟанаҵо ацхыраарала ари авакцина ҳзааргарц. Даара аџьабаа адбаланы иҳарҭеит ахәшә, ақырҭцәа иаармышьҭырц иалагеит. 15 нызқь доза ҳзааргеит, урҭ рахьынтә аа-нызқь инареиҳаны ишаны ираҳҭахьеит ҳара ҳҳақьымцәа. Авакцина иагхан иахьааз аҟнытә усҟак ахархәара аиуӡом, избанзар зырахә ашьхахь иказцахьоу анхацәа ыҟоуп, ашоура ӷәӷәа аан агәыргьы рылауҵар ҟалаӡом", - ҳәа еиҭеиҳәеит Џьапуа.

Иаҳа инеиҵыху аиҿцәажәара шәазыӡырҩы аудио аҿы, мамзаргьы арадио Sputnik Аԥсны аефир аҿы.

Иара убас шәаԥхьар ҟалоит:

4

Аҟәа ахәышәтәырҭаҟынтәи ибналаз абаандаҩы амилициа ишьҭоуп

21
(ирҿыцуп 20:46 02.06.2020)
Изакәанымкәа амцабџьари аџьаԥҳани рыҵәахразы зус ҭырҵаауа Иашҭхәа ақыҭан инхо атәылауаҩ Аҟәа Ареспубликатә хәышәтәырҭа хадаҟынтә дыбналеит, иара ахԥатәи аихагылаҟынтәи ацәарҭамаҭәақәа еиқәҳәалан дырхьынҳаланы дылбааит.

АҞӘА, рашәара 2 - Sputnik. Аԥсны Аҩнуҵҟатәи аусқәа рминистрра аусзуҩцәа ишьҭоуп Аҟәа рашәара 1 азы Ареспубликатә хәышәтәырҭаҟынтәи ибналаз Гурген Киракосиан, абри атәы аанацҳауеит аусбарҭа апресс-маҵзура.

Киракосиан иганахьала ашьаусҭҵаара хацыркуп изакәанымкәа амцабџьари аџьаԥҳани рыҵәахразы, иара уаанӡагьы ишьҭан, даанкылан лаҵара 15 рзы.

Убри ашьҭахь иара дырхәышәтәуан Ареспубликатә хәышәтәырҭаҿы аԥҟара аҟәшаҿы, уантәи иара абналара илшеит: инапышьаҳагақәа аартны, ацәарҭамаҭәақәа еиқәҳәалан дырхьынҳаланы ахԥатәи аихагылаҟны дахьышьҭаз апалата аԥенџьыр ала дылбааит.

Киракосиан иганахьала Аҟәа ақалақьтә прокуратура ашьаус хацнаркит дахьҭакыз аҭыԥ аҟынтәи дахьыбналаз афакт ала.

Аҩнуҵҟатәи аусқәа рминистр идҵала, Киракосиан ихьчара знапы ианыз аусзуҩцәа рганахьала амаҵзуратә гәаҭара мҩаԥыргеит. Агәаҭара аматериалқәа Апрокуратура хадахьы инашьҭуп ашьаусԥшааратә ӡбамҭа адкыларазы.

Иара убас шәаԥхьар ҟалоит:

21