Аԥсны Апрокуратура хада аусҭҵааҩ хада лмаҵура дамхуп

343
(ирҿыцуп 13:42 08.04.2020)
Апрокуратура хада аусҭҵааҩ хада Нонна Смырԥҳа хәажәкыра алагамҭаз ашьаусқәа закәаншьаҭада раркразы апрокурор хада иҟынтәи алеишәатә лахь лыҭан.

АҞӘА, мшаԥы 8 - Sputnik. Аԥсны апрокурор хада Адгәыр Агрба аусдҵа инапы аҵаиҩит Аԥсны апрокуратура хада Аусҭҵааратә усбарҭа аиҳабы, аиустициа абжьгаҩ еиҳабы Нонна Смырԥҳа лмаҵура ламхразы ҳәа аанацҳауеит аусбарҭа асаит.

Смырԥҳа лмаҵураҟынтәи лхы дақәиҭтәуп "лмаҵуратә напынҵақәа ишахәҭоу еиԥш иахьыналмыгӡози шьаусқәак рыҭҵаара аиҿкаара ахылаԥшра ахьалымҭази". Хаҭала зыӡбахә ҳәоу Омар Мерцхәылаа иӷьычреи Ҭенгьиз Лакербаиеи Омар Гәлиеи рганахьала амазара аӷьычреи рус ауп.

Хәажәкыра алагамҭаз апрокурор хада иҟынтәи алеишәатә лахь рыҭан Аусҭҵааратә усбарҭа аусзуҩцәақәак. Урҭ рхыԥхьаӡара далан ашьаусқәа закәаншьаҭада раркразы алеишәатә лахь зыҭаз Нонна Смырԥҳагьы.

Хаҭала, Ҭенгьиз Лакербаиа, Тенгулиаш ҳәа хьыӡшьарас измоу, ишьҭазааразы аусҭҵаара аанкылан. Иара ихаҭа дырбаандаҩын ииасыз ашықәс, цәыббрамзазы, аха жьҭаарамзазы аусҭҵаара аанкылан. Иара ихаҭагьы атәыла дшалымҵуазы адҵа изышьақәыргыланы доушьҭын. Хәажәкыра 6 рзы ари адҵа аанкылан, иаргьы ихы дақәиҭтәын.

Адырҩаҽны иара деиҭаанкылан.

Иара убас шәаԥхьар ҟалоит:

343
Роман Джопуа

Џьапуа арахә рчымазараҟнытә ҿыц ироуз алаҵазы: даара аџьабаа адбаланы иааган

4
Аԥсны аветеринартә маҵзура аиҳабы Роман Џьапуа арадио Sputnik аефир аҿы еиҭеиҳәеит амаҵзура ҿыц иаиуз алаҵа арахә рзы ишхәарҭоу.
Џьопуа арахә рчымазараҟнытә ҿыц ироуз алаҵазы: даара аџьабаа адбалан иааган

"Иҳауз алаҵа Аԥсны арахә ирымоу ҩ-чымазарак иртәуп. Аҳәынҭқарратә программала ари ахәшә ааҳхәаӡом, иааҳхәо иаҳа злеишәа цәгьоу ачымазарақәа рзоуп аҟнытә, иара апрограмма иаҵанакуамызт. Акрааҵуеит аҳәара ҟаҳҵоижьҭеи Аԥсны аус зуа Еиду амилаҭқәа рхаҭарнакра иҟанаҵо ацхыраарала ари авакцина ҳзааргарц. Даара аџьабаа адбаланы иҳарҭеит ахәшә, ақырҭцәа иаармышьҭырц иалагеит. 15 нызқь доза ҳзааргеит, урҭ рахьынтә аа-нызқь инареиҳаны ишаны ираҳҭахьеит ҳара ҳҳақьымцәа. Авакцина иагхан иахьааз аҟнытә усҟак ахархәара аиуӡом, избанзар зырахә ашьхахь иказцахьоу анхацәа ыҟоуп, ашоура ӷәӷәа аан агәыргьы рылауҵар ҟалаӡом", - ҳәа еиҭеиҳәеит Џьапуа.

Иаҳа инеиҵыху аиҿцәажәара шәазыӡырҩы аудио аҿы, мамзаргьы арадио Sputnik Аԥсны аефир аҿы.

Иара убас шәаԥхьар ҟалоит:

4

Аҟәа ахәышәтәырҭаҟынтәи ибналаз абаандаҩы амилициа ишьҭоуп

21
(ирҿыцуп 20:46 02.06.2020)
Изакәанымкәа амцабџьари аџьаԥҳани рыҵәахразы зус ҭырҵаауа Иашҭхәа ақыҭан инхо атәылауаҩ Аҟәа Ареспубликатә хәышәтәырҭа хадаҟынтә дыбналеит, иара ахԥатәи аихагылаҟынтәи ацәарҭамаҭәақәа еиқәҳәалан дырхьынҳаланы дылбааит.

АҞӘА, рашәара 2 - Sputnik. Аԥсны Аҩнуҵҟатәи аусқәа рминистрра аусзуҩцәа ишьҭоуп Аҟәа рашәара 1 азы Ареспубликатә хәышәтәырҭаҟынтәи ибналаз Гурген Киракосиан, абри атәы аанацҳауеит аусбарҭа апресс-маҵзура.

Киракосиан иганахьала ашьаусҭҵаара хацыркуп изакәанымкәа амцабџьари аџьаԥҳани рыҵәахразы, иара уаанӡагьы ишьҭан, даанкылан лаҵара 15 рзы.

Убри ашьҭахь иара дырхәышәтәуан Ареспубликатә хәышәтәырҭаҿы аԥҟара аҟәшаҿы, уантәи иара абналара илшеит: инапышьаҳагақәа аартны, ацәарҭамаҭәақәа еиқәҳәалан дырхьынҳаланы ахԥатәи аихагылаҟны дахьышьҭаз апалата аԥенџьыр ала дылбааит.

Киракосиан иганахьала Аҟәа ақалақьтә прокуратура ашьаус хацнаркит дахьҭакыз аҭыԥ аҟынтәи дахьыбналаз афакт ала.

Аҩнуҵҟатәи аусқәа рминистр идҵала, Киракосиан ихьчара знапы ианыз аусзуҩцәа рганахьала амаҵзуратә гәаҭара мҩаԥыргеит. Агәаҭара аматериалқәа Апрокуратура хадахьы инашьҭуп ашьаусԥшааратә ӡбамҭа адкыларазы.

Иара убас шәаԥхьар ҟалоит:

21