Аҽыԥхьакра уалԥшьоуп: Валери Бганба аԥсныжәлар рахь ааԥхьара ҟаиҵеит

40
(ирҿыцуп 18:21 08.04.2020)
Аԥсны аҵакыраҿы акоронавирустә инфекциа раԥхьаӡа акәны ишьақәыргылан мшаԥы 7 рзы. Иҟоу ашәарҭара инамаданы ахада инапынҵақәа назыгӡо, аԥыза-министр Валери Бганба аԥсныжәлар рахь ааԥхьара ҟаиҵеит.

АҞӘА, мшаԥы 8 – Sputnik. Аԥсны ахада инапынҵақәа назыгӡо, аԥыза-министр Валери Бганба акоронавирустә инфекциа змоу ауаҩԥсы атәылаҿы иҟазаара инадҳәаланы, ауааԥсыра рахь ааԥхьара ҟаиҵеит ҳәа аанацҳауеит Аминистрцәа реилазаара асаит.

© Видео Кабинет Министров РА
Аԥсны ахада инапынҵақәа назыгӡо, аԥыза-министр Валери Бганба аԥсныжәлар рахь аҳәамҭа ҟаиҵеит

Валери Бганба иазгәеиҭеит атәыла анапхгара, аиҳабыра, амедицинатә усзуцәа, аҳәаахьчаҩцәа, амилициа аусзуҩцәа, аволонтиорцәа уҳәа русура ишалнаршаз иахьанӡа Аԥсны акоронавирус аламырҵәара, иаакәыршаны уи аҳра шауазгьы.

"Иахьа аепидемиа иаҿагыланы ақәԥараҿы аетап ҿыц аҿы ҳнеины ҳаҟоуп. Ари еиҳа ихьанҭоу етапуп. Зегь иҳалшо ҟаҳҵароуп атәыла зегь амҽханамкырц. Аиҳабыра ирыдыркылаз ауснагӡатәқәа, абизнесуаа иҟарҵо ацхыраара рыла ҳтәылауаа рыхәышәтәразы иахәҭоу зегь ҟаҳҵоит. Иҟаҳҵо маҷым, аха еиҳа зымчу шәара шәоуп", - иҳәоит ааԥхьараҿы.

Иара инаҵшьны иазгәеиҭеит аепидемиа аламырҵәаразы атәыла ауааԥсыра аҭакԥхықәра ишаҵагылоу.

"Шәхы, шәҭаацәарақәа, шәҩызцәа шәыхьчар, шәыҩнқәа рҿы шәынхар, хымԥада ацхыраара ду ҳашәҭоит. Адисциплина ақәымныҟәара арыцҳара ду ахь ҳкылнагар алшоит. Уи адагьы ҳқыҭақәа ҳхаҳмыршҭып, изылшо ҳгьежьып. Ақыҭа есымша ҳаиқәнархон, есымша акраҳҿанаҵон. Аҳәара ҟасҵоит, шәхы шәыхьча. Ҳхы ҳахьчар, Анцәагьы ҳихьчоит", - иҳәоит  Бганба.

Иара убасгьы ааигәа зыҩныҟақәа рахь ихынҳәыз рахь аҳәара ҟаиҵоит:

"Шәара ишәуалу – аҽыԥхьакроуп. Атәыла шәара шәҿаԥхьа ауал нанагӡеит. Уажәшьҭа шәара шәоуп аус злоу. Ус анакәымха, ишәзааигәоуи шәареи арыцҳара шәақәшәар ауеит", - иҳәеит Валери Бганба.

Акоронавирус алаҵәаразы ашәарҭара ахьыҟоу инамаданы Аԥсны хәажәкыра 28 раахыс иалагалоуп аҭагылазаашьа ҷыда, уи инақәыршәаны аусура иаҟәыҵит аџьармыкьақәа, акрыфарҭақәа, ауаажәларратә транспорт.

Акоронавирус алаҵәаразы иҟоу аҵыхәтәантәи ажәабжьқәа шәрыԥхьар ҟалоит абра>>

40
Атемақәа:
Ачымазара ҿкы – акоронавирус Аԥсни адунеи аҿи: иалкаау (470)
Роман Джопуа

Џьапуа арахә рчымазараҟнытә ҿыц ироуз алаҵазы: даара аџьабаа адбаланы иааган

3
Аԥсны аветеринартә маҵзура аиҳабы Роман Џьапуа арадио Sputnik аефир аҿы еиҭеиҳәеит амаҵзура ҿыц иаиуз алаҵа арахә рзы ишхәарҭоу.
Џьопуа арахә рчымазараҟнытә ҿыц ироуз алаҵазы: даара аџьабаа адбалан иааган

"Иҳауз алаҵа Аԥсны арахә ирымоу ҩ-чымазарак иртәуп. Аҳәынҭқарратә программала ари ахәшә ааҳхәаӡом, иааҳхәо иаҳа злеишәа цәгьоу ачымазарақәа рзоуп аҟнытә, иара апрограмма иаҵанакуамызт. Акрааҵуеит аҳәара ҟаҳҵоижьҭеи Аԥсны аус зуа Еиду амилаҭқәа рхаҭарнакра иҟанаҵо ацхыраарала ари авакцина ҳзааргарц. Даара аџьабаа адбаланы иҳарҭеит ахәшә, ақырҭцәа иаармышьҭырц иалагеит. 15 нызқь доза ҳзааргеит, урҭ рахьынтә аа-нызқь инареиҳаны ишаны ираҳҭахьеит ҳара ҳҳақьымцәа. Авакцина иагхан иахьааз аҟнытә усҟак ахархәара аиуӡом, избанзар зырахә ашьхахь иказцахьоу анхацәа ыҟоуп, ашоура ӷәӷәа аан агәыргьы рылауҵар ҟалаӡом", - ҳәа еиҭеиҳәеит Џьапуа.

Иаҳа инеиҵыху аиҿцәажәара шәазыӡырҩы аудио аҿы, мамзаргьы арадио Sputnik Аԥсны аефир аҿы.

Иара убас шәаԥхьар ҟалоит:

3

Аҟәа ахәышәтәырҭаҟынтәи ибналаз абаандаҩы амилициа ишьҭоуп

20
(ирҿыцуп 20:46 02.06.2020)
Изакәанымкәа амцабџьари аџьаԥҳани рыҵәахразы зус ҭырҵаауа Иашҭхәа ақыҭан инхо атәылауаҩ Аҟәа Ареспубликатә хәышәтәырҭа хадаҟынтә дыбналеит, иара ахԥатәи аихагылаҟынтәи ацәарҭамаҭәақәа еиқәҳәалан дырхьынҳаланы дылбааит.

АҞӘА, рашәара 2 - Sputnik. Аԥсны Аҩнуҵҟатәи аусқәа рминистрра аусзуҩцәа ишьҭоуп Аҟәа рашәара 1 азы Ареспубликатә хәышәтәырҭаҟынтәи ибналаз Гурген Киракосиан, абри атәы аанацҳауеит аусбарҭа апресс-маҵзура.

Киракосиан иганахьала ашьаусҭҵаара хацыркуп изакәанымкәа амцабџьари аџьаԥҳани рыҵәахразы, иара уаанӡагьы ишьҭан, даанкылан лаҵара 15 рзы.

Убри ашьҭахь иара дырхәышәтәуан Ареспубликатә хәышәтәырҭаҿы аԥҟара аҟәшаҿы, уантәи иара абналара илшеит: инапышьаҳагақәа аартны, ацәарҭамаҭәақәа еиқәҳәалан дырхьынҳаланы ахԥатәи аихагылаҟны дахьышьҭаз апалата аԥенџьыр ала дылбааит.

Киракосиан иганахьала Аҟәа ақалақьтә прокуратура ашьаус хацнаркит дахьҭакыз аҭыԥ аҟынтәи дахьыбналаз афакт ала.

Аҩнуҵҟатәи аусқәа рминистр идҵала, Киракосиан ихьчара знапы ианыз аусзуҩцәа рганахьала амаҵзуратә гәаҭара мҩаԥыргеит. Агәаҭара аматериалқәа Апрокуратура хадахьы инашьҭуп ашьаусԥшааратә ӡбамҭа адкыларазы.

Иара убас шәаԥхьар ҟалоит:

20