Аԥсны агәабзиарахьчара аминистр амедицинатә усзуҩцәа рахь ааԥхьара ҟаиҵеит

22
(ирҿыцуп 13:36 09.04.2020)
Иахьатәи аҭагылазаашьаан иҟалар ҟамло ашәаӡыӡара ауааԥсыра рыбжьара ауҳәан-сҳәан, иҟам-ианым цәырнагар алшоит ҳәа иҳәеит аминистр.

АҞӘА, мшаԥы 9 - Sputnik. Адунеи аҿы аҭыԥ змоу аепидемиологиатә ҭагылазаашьеи, ҳгәыларатә ҳәынҭқаррақәа рҿы иҟоу ахҭысқәеи, Аԥсны аҩнуҵҟа авирус аҟазаареи азыԥхьагәаҭаны, авирус аҿагылараҿы аетап ҿыц ҳазааины ҳаҟоуп иҳәеит Ҭамаз Ҵахнакьиа амедицинатә усзуҩцәа рахь ааԥхьара ҟаҵо. Абри атәы аанацҳауеит аминистрра апресс-маҵзура.

"Ҳара аинфекциа аҭыҩра иҭаҳшьырц азы иалшоны иҟоу ауснагӡатәқәа зегьы ҳраҩымсыроуп. Ҳамч-ҳалша зегьы ҳтәыла аламырҵәара иазаҳкроуп", - аҳәоит ааԥхьамҭа атекст аҿы.

Ҵахнакьиа зегь рахь аҳәара ҟаиҵеит аҭагылазаашьа ҷыда аан акарантин иқәныҟәаларц. Иара убри аан иазгәеиҭеит амедицинатә усзуҩ аҭакԥхықәра ду дшаҵагыло ауааԥсыра рыбжьара гәыҭҟьарак ҟалар алзыршо аинформациа аӡыргараан.

"Ҳара зегьы ҳаилаҵәаны ҳус  ҟаҳҵалароуп. Уаанӡа, егьырҭ аамҭақәа рызгьы ус ҳаҟан. Уажәгьы усеиԥш ҳаҟазароуп, ҳус иаԥырхагоу зегьы ҳрызхьамԥшлароуп", - иҳәеит иара.

Аминистр ҭабуп ҳәа ахиҳәааит амедицинатә усзуҩцәа рзанааҭдырра ҳаракы, хшаҭадаратәи рџьабаа, рҭакԥхықәра ду.

Иара убас шәаԥхьар ҟалоит:

22
Атемақәа:
Ачымазара ҿкы – акоронавирус Аԥсни адунеи аҿи: иалкаау (963)
Верующие во время празднования дня Крещения Христова у источника Святого Василиска возле села Каман в Республике Абхазия

Аԥсны ауахәамақәа рыҟны Иаса Қьырса Иӡаахра иазку амҵаныҳәара мҩаԥыргоит

7
(ирҿыцуп 10:21 17.01.2021)
Иаса Қьырса Иӡаахра азгәарҭоит ажьырныҳәа 19 рзы. Аныҳәа азкуп Назареҭтәи Иаса Қьырса Иордан аӡы аҟны иӡаахра. Қьырса динаҭит Иоанн Анцәаиажәаҳәаҩ. Арҭ амшқәа рзы ауахәамақәа рҟны имҩаԥысуа аныҳәарақәа Аӡаахра иадҳәалоуп.

АҞӘА, ажьырныҳәа 17-Sputnik. Аиашахаҵаратә қьырсианра иаҵанакуа ауахәамақәа рҟны имҩаԥгахоит Иаса Қьырса Иӡаахра иазку анцәа имҵаныҳәара, абри атәы иҳәеит Аԥсны Аиашахаҵаратә уахәама аиҳабы аб Виссарион (Аԥлиа).

Арҭ амшқәа рзы ауахәамақәа рҟны имҩаԥысуа аныҳәарақәа Аӡаахра иадҳәалоуп. Ажәытәан Иаса Қьырса иирагьы иӡӡаахрагьы мышкы иазгәарҭон. Иара ихазы аҽӡаахра ԥсыхәа амамкәан иҟамызт. Аӡы иҽӡааихит, иҽҭишьит, уи ала адунеи аӡқәа зегьы ррыцқьаразы. Ари аныҳәазы ишыхьҭоугьы, изылшо, згәы иаҭаху аӡы иҭалоит ҩнуҵҟалагьы, цәеижьлагьы аҽрыцқьаразы.

Қьырса ныҳәа инаркны Аӡаахра аҟынӡа (ажьырныҳәа 7 инаркны 19-нӡа) иԥшьоу, ицқьоу амшқәа ҳәа ирышьҭоуп. Аныҳәа мышкы шыбжьоу чгара мшуп.

Аҽӡаахра амшныҳәаз Анцәа дхазҵо иргәаладыршәоит 30 шықәса ирҭагылаз Иаса Қьырса Галилеинтәи аӡиас Иордан ашҟа дышнеиз иҽӡааихырц азы. Иара аӡы данҭыҵуаз адунеи зегьы ирбарҭахеит Анцәа-Аб, Анцәа-Аԥа, аҳәыҳә асахьа зманы Иаса Қьырса ижәҩахыр иқәтәаз Анцәа-Иԥшьоу идоуҳа.

Аӡаахра амшныҳәа ақьырсианцәа иазгәарҭо иалагеит апостолтә аамҭақәа рзы. Ажәытәан Қьырсеи Анцәаибареи мышкны иҟан, аха аамҭақәак рыла ауахәама урҭ аныҳәақәа еиднагеит. Есышықәса Аӡаахра амш аҽни аухеи аиашахаҵаратә уахәамақәа рҟны аҵак дуӡӡа змоу аӡыԥшьара мҩаԥыргоит.

7
Линии электропередач

Аҟәа ахәҭак лашарада иаанхеит аҵла афымцацәаҳәақәа иахьрықәҳаз иахҟьаны

4
Аҭыԥ ахь инеит амашәыр ахҟьаԥҟьақәа аԥызхуа абригадақәа, афымцалашара амҽыша асааҭ 15:00 рҟынӡа инеиҭашьақәдыргыло рҳәеит.

АҞӘА, ажьырныҳәа 17 - Sputnik. Аҟәа адендропарк аҿы икаҳаз аҵла афымцацәаҳәақәа хәба аԥхасҭа рынаҭеит, уи иахҟьаны Синопи Турбазеи рыбжьара иҟоу араион фымцалашарада иаанхеит ҳәа аанацҳауеит АУН "Амшынеиқәафымцамч".

Иазгәаҭоуп аԥхасҭа шроуз 10-тәи, 11-тәи афидерқәа (аихшарҭатә цәаҳәақәа - азгә.).

Аҭыԥ ахь инеит амашәыр ахҟьаԥҟьақәа аԥызхуа абригадақәа, афымцалашара амҽыша асааҭ 15:00 рҟынӡа еиҭашьақәдыргылоит рҳәеит.

4