День донора

Ашьа ыҟоуп, аха аамҭа-аамҭала ихарҭәаалатәуп: акарантин ашьаҭара ишанырыз

16
(ирҿыцуп 16:23 10.04.2020)
Аԥсны аҩныҵҟа хәажәкыра 28 инаркны мшаԥы 20 рҟынӡа иалагалоуп аҭагылазаашьа ҷыда арежим.

АҞӘА, мшаԥы 10 – Sputnik. Ареспубликатә хәышәтәырҭа алабораториа аиҳабы Инга Шьакаиаԥҳа Sputnik акорреспондент изеиҭалҳәеит акарантин Аԥсны ашьаҵәах аҟазаара ныррас ианаҭаз.

"Иахьатәи аҭагылазаашьа зегьы ирныруеит. Адонортә усгьы аганахь иҟам. Уи аганахь ала иара усгьы аиҵахарақәа ҳаман: ачымазаҩ иуа-иҭахы роуп аиҳарак ашьа изҭо", - лҳәеит лара.

Инга Шьакаиаԥҳа илҳәеит мшаԥы 11 рзы Аԥсны иҟоу урыстәылатәи арратә база аррамаҵзурауаа 15-ҩык ашьаҭаразы иаараны ишыҟоу.

"Ари иахьазы ицхыраагӡа дууп. Иҟоуп ачымазцәа хымԥада ашьа зҭаху. Иахьазы иҳамоу ашьаҵәах нҵәар алшоит ианаамҭоу ихарҭәаамзар", - лҳәоит аҟазауаҩ.

Акарантин аан адонорцәа рҭагылазаашьа ныҭкааны иҭырҵаауеит.

"Адонор мчыбжьык-ҩымчыбжьа раԥхьа аҳәаа дахысзар, ашьа аагаӡом. Ԥсыхәа змам аҭагылазаашьа аан Ацхыраара ласы амашьына ҳкартотека иҭагалоу адонор даанагар ҟалоит. Ҳара иҳамоуп адонорцәа – шықәсыла ашьа азҭо", - лҳәеит лара.

Инга Шьакаиаԥҳа лажәақәа рыла, иахьазы ашьа адефицит ыҟаӡам.

"Уи адагьы, Анцәа иџьшьаны, аҵыхәтәантәи аамҭақәа рзы амҩатә машәырқәа аҭыԥ рымам. Аиҳарак ҳара усҟан азоуп ашьа анаҳҭаххало. Иаалырҟьаны ахирургиатә цхыраара зҭаху зегь ҳадаҳкылоит, планла иазԥхьагәаҭоу аоперациақәа аанкылоуп", - лҳәоит Шьакаиаԥҳа.

Аԥсны аҩныҵҟа хәажәкыра 28 инаркны мшаԥы 20 аҟынӡа иалагалоуп аҭагылазаашьа ҷыда арежим.

Акоронавирус иазку аҵыхәтәантәи ажәабжьқәа шәрыԥхьар ҟалоит абра>>

16
Атемақәа:
Аҿкычымазара – акоронавирус Аԥсни адунеи аҿи: иалкаау (1457)

Очамчыра араион ахәҭак лашарада иаанхоит аҩаша цәыббра 28 рзы

3
(ирҿыцуп 19:55 27.09.2021)
Астанциа маҷқәа "Очамчыра-2", "Мықә", "Кәачара" дырцәоит аҩаша цәыббра 28 рзы.

АҞӘА, цәыббра 27 – Sputnik. Очамчыра араион ахәҭак лашарада иаанхоит асааҭ 10:00 инаркны 16:00 рҟынӡа цәыббра 28 рзы. Абри атәы аанацҳауеит "Амшынеиқәафымцамч" апресс-маҵзура.

Ари аамҭазы ирцәахоит астанциа маҷқәа "Очамчыра-2", "Мықә", "Кәачара".

Астанҵиа маҷқәа рырцәара иахҟьаны лашарада иаанхоит:

  • "Кәачара" - ақыҭақәа Ӷәада, Џьгьарда, Кәтол
  • "Мықә" - ақыҭақәа Ҷлоу, Ҭхьына, Маркәыла, Отап, Џьал
  • "Очамчыра-2" - Очамчыра ақалақь ахәҭа.

Аенергетикцәа ражәақәа рыла, аиҭашьақәыргыларатә усурақәа мҩаԥыргоит.

 

 

3
Осень в Абхазии

Афон амшын дагеит Курскантәи аԥсшьаҩы

5
(ирҿыцуп 19:39 27.09.2021)
Ашәахьа цәыббра 27 рзы Аԥсны АҶА аҷаԥшьаратә хәҭахьы амашәыр ҟалеит ҳәа адырра ҟаҵан 15:17 рзы.

АҞӘА, цәыббра 27 – Sputnik. Курск ақалақь аҟны инхо Сергеи Белозеров 1981 шықәсазы ииз  Афон амшын дагеит ашәахьа  цәыбрра 27 рзы, абри атәа аанацҳауеит Аԥсны АҶА апресс-маҵзура.

Аԥсны АҶА аҷаԥшьаратә хәҭахьы иҟалаз амашәыр азы адырра ҟалеит 15:17 рзы. Апресс-маҵзураҿы ишазгәарҭаз ала амашәыр зыхҟьаз ҭырҵаауеит.

Амҽыша АҶА иаарыцҳаит, Гагра амшын аҿы иԥсыбаҩ шырԥшааз 48 шықәса зхыҵуаз Тула ақалақь аҿы инхоз Александр Куницын.

Иара убас шәаԥхьар ҟалоит:

 

5